فۆرشیاری سه‌ركه‌وتوو-به‌شی حه‌وته‌م: په‌یوه‌ندی ته‌له‌فۆنی

٣٤-ده‌ست بكه‌ به‌ به‌كارهێنانی په‌یوه‌ندی ته‌له‌فۆنی :

به‌كارهێنانی ته‌له‌فۆن بۆ فرۆشتن ڕێگایێكی نمونه‌یی و نایابه‌ بۆ بنیادنانی فرۆشتنێكی ئاسان و سه‌ركه‌وتوو، وه‌ زۆر به‌ ئاسانیش تێیدا سه‌ركه‌وتوو ده‌بیت له‌به‌ر ئه‌وه‌ی ژماره‌یه‌كی یه‌كجار كه‌می فرۆشیاره‌كان ئه‌م ته‌كنیكه‌ به‌كارده‌هێنن.

له‌هه‌مان كاتیشدا له‌ هه‌موو كات و شوێنێك ده‌توانیت به‌ كڕیاره‌كه‌ت بگه‌یت، وه‌ له‌كه‌مترین كاتدا سه‌رنجی ڕابكێشیت.

به‌ڵام وریابه‌، په‌یوه‌ندی ته‌له‌فۆنی بۆ ئه‌نجامدانی فرۆشتن نیه‌، به‌ڵكو بۆ وه‌رگرتنی چاوپێكه‌وتنێكه‌ له‌گه‌ڵ كڕیاره‌كه‌ تاوه‌كوو كاڵاكه‌تی پێ بناسێنیت.

 

٣٥-هه‌وڵ بده‌ هه‌تا ده‌گه‌یت به‌ خاوه‌ن بڕیار:

زۆربه‌ی جار، كڕیاره‌ باشه‌كان كاتیان كه‌مه‌، بۆ ئه‌مه‌ له‌ سه‌ره‌تادا كه‌سانێكی تر ده‌بینیت و پێویستیت ده‌بێت كه‌وا ڕه‌زامه‌ندی ئه‌وان به‌ده‌ستبێنیت تاوه‌كوو بگه‌یت به‌ خاوه‌ن بڕیار.

هه‌وڵ مه‌ده‌ سوكایه‌تی به‌وان بكه‌یت یاخود یاری و فرت و فێڵیان له‌گه‌ڵدا بكه‌یت، ڕاسته‌ ئه‌وان ناتوانن بڵێ ((به‌ڵێ)) و شته‌كه‌ت لێ بكڕن، به‌ڵام ده‌توانن بڵێن ((نه‌خێر)) و كرداری فرۆشتنه‌كه‌ تێك بچێت.

 

٣٦- له‌كاتی په‌یوه‌ندی كردندا ده‌سته‌واژه‌ی داواكردنی یارمه‌تی به‌كاربهێنه‌:

كاتێك په‌یوه‌ندی به‌كه‌سێكه‌وه‌ ده‌كه‌یت ، ته‌نها ٣ چركه‌ت هه‌یه‌ تاوه‌كو سه‌رنجی ڕابكێشیت، زۆرجار ده‌توانی بڵێیت: ده‌توانم داوای یارمه‌تیێكت لێ بكه‌م؟

خه‌ڵكی زۆربه‌ی جاره‌كان ده‌ڵێن به‌ڵێ، به‌تایبه‌ت ئه‌وانه‌ی كه‌وا حه‌ز به‌ یارمه‌تی دانی كه‌سانی تر ده‌كه‌ن.

دوای ووشه‌ی به‌ڵێ، ده‌توانیت داوای كات یاخود سه‌رنج یاخود چاوپێكه‌وتنێكی لێ بكه‌یت وه‌ك یارمه‌تی.

 

 

٣٧- هه‌وڵ بده‌ له‌ كه‌مترین كاتدا په‌یامه‌كه‌ت بگه‌یه‌نیت:

وه‌ك باسمان كرد ته‌له‌فۆن بۆ فرۆشتنی كاڵا نیه‌، بۆ وه‌رگرتنی چاوپێكه‌ونێكی ١٠خوله‌كیه‌. بۆیه‌ كورت و پوخت به‌،

ئه‌مه‌ وا ده‌كات كڕیار لێت بێزارنه‌بێت و ترسی ئه‌وه‌ی نه‌بێت كه‌وا له‌كاتی چاوپێكه‌تنیش كاتی زۆر بگریت.

به‌ر له‌وه‌ی په‌یوه‌ندی بكه‌یت، ئه‌و قسانه‌ی كه‌وا به‌ته‌مایت بیانكه‌یت بیاننووسه‌وه‌، بیابلێره‌وه‌، دووباره‌ و سێ باره‌، تاوه‌كوو ده‌ربڕینه‌كه‌ت ڕه‌وان ڕێك بێت.

له‌هه‌مان كاتدا دووربكه‌وه‌ له‌ هه‌ندێك ده‌سته‌واژه‌ی كه‌وا وه‌ك فرۆشیار پیشانت ده‌دات و ئاسایی قسه‌ بكه‌.

 

 

٣٨- هه‌موو كڕیارێ تایبه‌ته‌:

هه‌میشه‌ له‌كاتی فرۆشتن پێویسته‌ سكریپتێكت هه‌بێت به‌شێوازی نوسراو و له‌سه‌ری بڕۆیت ، به‌ڵام نابێت ته‌نها ١ سكریپت بۆ هه‌موو كڕیاره‌كانت به‌كاربهێنیت به‌تایبه‌ت گه‌ر بواری كاركردنیان جیاواز بوو، واته‌ بۆ كڕیارێك كه‌وا بازرگانه‌ له‌گه‌ڵ كڕیارێك كه‌وا فه‌رمانبه‌ره‌ ده‌بێت ووته‌ی جیاواز و ده‌ستپێكی جیاوازت هه‌بێت

 

٣٩-كاتێك كڕیار ووتی كاتم نیه‌ ، جێی مه‌هێڵه‌:

زۆربه‌ی جار كاتێك په‌یوه‌ندی به‌ كه‌سێكه‌وه‌ ده‌كه‌یت، ده‌ڵێت ببوره‌ كاتم نیه‌، مه‌هێڵه‌ په‌یوه‌ندیه‌كه‌ دابخات تاوه‌كو كاتێكی گونجاوی لێ وه‌رنه‌گریت.

بڵێ : زۆر چاكه‌ ، ئه‌ی كه‌ی كاتتان ده‌بێت؟ ده‌توانم دوای یه‌ك كاتژمێری تر په‌یوه‌ندیت پێوه‌ بكه‌مه‌وه‌؟

به‌ كراوه‌یی جێی مه‌هێڵه‌ و چاوه‌ڕێش مه‌كه‌ ئه‌و بۆت بكاته‌وه‌، وه‌ دڵنیاش ببه‌ كه‌وا شتێكی پێ بڵێیت چاوه‌ڕێت بێت تاوه‌كو پپه‌یوه‌ندی پێوه‌ بكه‌یت، نه‌وه‌كو ژماره‌كه‌ت بلۆكك بكات.

ئه‌گه‌ریش ووتی كاتم نیه‌ بۆت و نابم به‌ كڕیارت، به‌دڵێكی فراوان وه‌ری بگره‌ و ده‌ستخۆشی لێ بكه‌، چونكه‌ دڵنیابیت له‌وه‌ی كه‌سێك نابێته‌ كڕیارت باشتره‌ له‌وه‌ی چه‌ند ڕۆژ و سه‌عاتێك چاوه‌ڕێی په‌یوه‌ندی ئه‌و بیت به‌وهیوایه‌ی ببێت به‌ كڕیار و له‌كۆتایشدا پێبڵێت نه‌خێر.

 

٤٠-هه‌رگیز له‌په‌یوه‌ندی ته‌له‌فۆنیدا باسی كاڵاكه‌ت مه‌كه‌:

زۆربه‌ی جار كڕیار بۆ ئه‌وه‌ی وازی لێبهێنیت ، به‌دوای بیانوێك ده‌گه‌ڕێت تاوه‌كو له‌كۆڵی ببیته‌وه‌،

بۆیه‌ ده‌ڵێت كاڵاكه‌ت چۆنه‌؟ چۆن كار ده‌كات؟ به‌چه‌نده‌؟ و چه‌ندین پرسیاری تر.

ئه‌مه‌ وا تێمه‌گه‌ كه‌وا ده‌یه‌وێت كاڵاكه‌ت بكڕێت، پێی بڵێ منیش له‌به‌رئه‌مه‌یه‌ داوای چاوپێكه‌وتن ده‌كه‌م تاوه‌كو ئه‌مانه‌ت بۆ ڕوون بكه‌مه‌ و چه‌ند شتێكیشت پیشان بده‌م.

به‌ ووشه‌ی ((پیشان بده‌م)) واتا به‌ ڕێگای ته‌له‌فۆن ناكرێت و پێویسته‌ یه‌كتر ببینن، بۆیه‌ هیچ ڕێگایه‌كی تر نادۆزێته‌وه‌ بۆ ئه‌وه‌ی زوو خۆی له‌ده‌ستت ڕزگار بكات له‌كاتێكدا هیچ ده‌رباره‌ی كاڵا یاخود خزمه‌تگوزاریه‌كه‌ت نازانێت.

 

ئه‌.ڕابه‌ر كه‌ریم

كۆمپانیای جیاساز بۆ خزمه‌تگوزاری و چاره‌سه‌ری ته‌كنه‌لۆجی

 

فه‌رموو به‌شی شه‌شه‌م له‌م لینكه‌ بخوێنه‌وه‌

فۆرشیاری سه‌ركه‌وتوو(مندوب)-به‌شی شه‌شه‌م: هه‌ڵكۆڵین2

 

Tagged : /

چۆن ده‌زانیت كه‌وا ئه‌كاونتی فه‌یسبووكه‌كه‌ت هاك نه‌كراوه‌؟

تۆڕی كۆمه‌ڵایه‌تی “فه‌یسبووك” وه‌ك پارێزه‌ری سه‌ره‌كی نهێنییه‌كانى هه‌ر به‌شداربوویه‌كی ئه‌و تۆڕه‌ كۆمه‌لایه‌تییه‌، ترسی هاككردنى ئه‌كاونته‌كان بووه‌ به‌ كێشه‌یه‌ك كه‌ هه‌موومان ده‌مانه‌وێت خۆمانی لێ به‌دووربگرین و پارێزراوبین .

به‌ڵام زانینی هاككردنى پێگه‌كه‌ت له‌ تۆڕى كۆمه‌ڵایه‌تی فه‌یسبووك، كارێكى ئاسانه‌ و ده‌توانیت به‌ چه‌ند هه‌نگاوێك له‌ ئه‌كاونته‌كه‌ی خۆت دڵنیا ببیته‌وه‌، بۆ ئه‌وه‌ى بزانیت، كه‌ جگه‌ له‌ خۆت كه‌سى دیكه‌ ناتوانێت بیكاته‌وه‌ و نه‌كراوه‌ته‌وه‌ به‌ هه‌مان وشه‌ى نهێنییه‌وه‌ و تۆ ئاگات لێ نه‌بێت.

سه‌ره‌تا ده‌چیته‌ سه‌ر ئه‌و ئاماژه‌یه‌ی به‌سه‌ره‌و خواریی له‌ دیوی ڕاستى شاشه‌ى فه‌یسبووكه‌كه‌ هه‌یه‌،

پاشان كلیك له‌سه‌ر Settings بكه‌،

دواتر Security هه‌ڵبژێره‌.

پاشان كلیك له‌سه‌ر Edit ده‌كه‌یت و “Where You’re Logged In” هه‌ڵده‌بژێریت، كه‌ ئاماژه‌ ده‌كات به‌و شوێنانه‌ى پێگه‌كه‌تى تیادا كراوه‌ته‌وه‌.

دواتر به‌ لیستێك ناوى شوێنه‌كانت بۆ ده‌رده‌كه‌وێت كه‌ له‌وێوه‌ ئه‌كاونته‌كه‌ی تۆى تیادا كراوه‌ته‌وه‌، ئه‌مه‌ جگه‌ له‌ سیستمى كارپێكردنه‌كه‌ و جۆری ئامێر و كات و ڕۆژى كردنه‌وه‌كه‌ و چوونه‌ ژووره‌وه‌ بۆ ناو پێگه‌كه‌ت.

ئه‌گه‌ر هه‌ر شوێنێكى گوماناویت له‌و لیسته‌دا به‌دی كرد، كه‌ گومانت لێی بوو یان دڵنیا بوویت خۆت له‌و شوێنه‌وه‌ پێگه‌كه‌ت نه‌كردووه‌ته‌وه‌، ئه‌وكات كلیك له‌سه‌ر End All Activity بكه‌، پاشان وشه‌ى نهێنى پێگه‌كه‌ت بگۆڕه‌.

Tagged : /

چۆنیەتی پڕ کردنەوەی CV لە پێگەی craft-cv.com

بۆ پڕ کردنەوەی سی ڤیەکەت لەم وێب سایتە ئەم هەنگاوانە جێبەجێ بکە

http://craft-cv.com/

 

 

سه‌ره‌تا ده‌توانی ئه‌م بابه‌ته‌ بخوێنیته‌وه‌ بۆ دووركه‌وتنه‌وه‌ له‌و هه‌ڵانه‌ی كه‌ له‌ سیڤیدا ده‌كرێت و ده‌بێته‌ هۆی وه‌رنه‌گیرانت له‌ كاره‌كه‌ت

یەکەم :

سایتەکە بکەوە و کلیک لەسەر Go To Resume Builder بکە !

دووەم :

شێواز یاخود جۆری سیڤیەکەت هەڵبژێرە لە CV TEMPLATES !

سێیەم :

رەنگی سیڤیەکەت هەڵبژێرە لە COLOR COMPOSITIONS !

چوارەم :

جۆری فۆنت هەڵبژێرە لە PICK A FONT !

پێنجەم :

زانیاریە کەسییەکانت پر بکەوە بە گوێرەی وێنەکە لە  PERSONAL INFORMATION !

شەشەم :

زانیاری لەسەر ئاستی خوێندنت پر بکەوە لە  EDUCATION !

‌حەوتەم :

چەند زانیاریەک دەربارەی خۆت بنوسە لە PROFILE !

هەشتەم :

باسی شارەزاییەکانت بکە لە EXPERIENCE !

نۆیەم :

شارەزاییت لە زمانەکان باس بکە لە  LANGUAGES !

دەیەم :

چ کارامەییەکت هەیە بینوسە لە  SKILLS !

یازدەیەم :

باسی کەسایەتیت بکە لە  PERSONALITY !

دوازدەیەم :

کارامەییەکانت لە بەرنامەکانی کۆمپیوتەر بنوسە لە  SOFTWARE SKILLS !

سێزدەیەم :

چەند شتێک دەربارەی خولیاکانت باس کە لە  HOBBY !

چواردەیەم :

ئەگەر بتەوێ چەند بەشێک زیاد بکەیت لە سیڤیەکەت دەتوانی زیادی بکەی لە  ADDITIONAL SECTIONS !

پازدەیەم :

بۆ دابەزاندنی سیڤیەکەت کلیک  لەسەر DOWNLOAD YOUR CV بکە !

بۆ نوسین و دروستکردن سەردانی ئەم وێب سایتە بکە

http://craft-cv.com/

Tagged : /

چۆنیەتی چاڵاک کردنی ویندۆز 10 بە بێ كراك

هیچ گومانی تێدا نیە کەزۆربەمان کێشەی چاڵاک کردنی ویندۆزەکانمان هەیە. زۆر کێشە دێتە رێگامان کاتێک دەمانەوێت ئەم جۆرەی ویندۆز چاڵاک بکەین ، یەکێک لە کێشە هەرە سەرەکیەکان بەکارهێنانی Serial Number هەڵە یاخود خودی ویندۆزەکە وەریناگرێت بەهۆکاری ئەوەی free یە. ئێمە لێرەدا ئاسانترین رێگات پێشکەش دەکەین بۆ چاڵاک کردنی ویندۆز 10 کە لەم کورتە ڤیدیۆیەی خوارەوە دەتوانیت ئەنجامی بدەیت.

٥ هەنگاو بۆ خۆ پاراستن لە ئاپی خراپ و ساختەی Google play store

پێویستە دوای چەند هەنگاوێک بکەوێت بۆ ئەوەی پارێزراو بێت لە بەکارهێنانی ئەم جۆرە ئاپانەی کە خراپ و ساختەن لە Google play .
بۆ خۆپاراستن لەم جۆرە ئاپانە ئەم چەند هەنگاوە جێبەجێ بکە :

• پابەند بە لە بەشی   Google play

هەرگیز پشت مەبەستە بە ئاپ لەسەر ئامێرێکی دەرەکی یان ئاپی لایەنی سێیەم کە هیچ گرنگی بە مەرجەکانی خۆپاراستن نادات لە بەشی Google play .  ئەمە ماناى ئەوە نیە کە Google play  ئاپی خراپ لەخۆ ناگرێت بەڵکو بە ئەنجامدانی ئامۆژگاریەکانی تری ئەم بابەتە بۆت ئاسان دەبێت کە جیاوازی لە نێوان ئاپە خراپەکان بکەیت لە Google play .

 

• ئاگاداری ناوی گەشەپێدری ئاپەکە ببە

زۆربەی گەشە پێدەری ئاپە خراپەکان گرنگی بە ناوی ئاپەکان و یاری یە بەربڵاوەکان و بڵاوکردنەوەیان لە Google play دەدەن . بۆیە زۆربەی بەکارهێنەران هەڵدەستن بە دابەزاندنی ئەم ئاپە تەقلیدیانە کە وادەزانن ئاپی رەسمین لەلایەن گەشەپێدەرەوە. بۆیە زۆر پێویستە پێش دابەزاندن لە Google play دڵنیابیتەوە لە ناوی گەشەپێدەر، کە دەتوانی بیدۆزیتەوە لە بەشی زانیاری تایبەت بەو ئاپە.
بۆ نموونە یاری Pokémon Go کە زۆر کۆپی ساختەی لی بڵاو کرایەوە لە Google play . کە لەلایەن کۆپانیای Niantic گەشەی پێدرا. بۆیە پێویستە دڵنیا بیتەوە لە ناوی کۆمپانیاکە پێش دابەزاندن.

 

• سەیری پۆڵێن و رەخنەکان بکە

زۆربەی ئاپە بەربڵاوەکان پۆڵێن و رەخنەی گەورەیان هەیە لەلایەن بەکارهێنەران و پسپۆران. بۆیە سەیری کۆمێنتی بەکارهێنەران بکە لە Google play و هەروەها سەیری رەخنەی پسپۆران بکە لە سەرچاوە تەکنیکیە دیارەکان لەم جۆرە ئاپانە . ئەمە یارمەتی دەر دەبێت بۆت بۆ دیاریکردنی ئاپە باشەکان وخۆپاراستن لە ئاپە خراپ و زیان پێدەرەکان.

 

• Update   کردن یاخود (بەرەو پێش بردن)

هەمیشە دڵنیا بەوە لە بەرەو پێشبردن بۆ کارپێکردنی نوێترین چاپی نێردراو بۆت. کە ئەم بەرەو پێش بردنانە چاککەرەوەی زۆر لە کەم و کورتیەکان و ترساندنە ئەمنیەکان لەخۆ دەگرێت.

 

• ئاگاداری هەواڵە ئەمنیەکان بە 

بەم کۆتاییانە زۆر لە ئاپی خراپ و بۆشایی ئەمنی دەدۆزرێنەوە لە رێگەی چەند کۆمپانیایەکی تایبەت بە ئاسایش کردنی بەرنامەکان. کە لەلایەن خۆیانەوە ئاگاداری بەکارهێنەران دەکەنەوە لەم جۆرە ئاپانە. بۆیە کاتێک ئەم جۆرە هەواڵانە دەبینی ، باشترە بتوانی سەیرێکیان بکەیت بۆ ئەوەی بزانی کە لەسەر مۆبایلەکەت دانراوە یان نا.

 

 

 

 

 

 

Tagged : / / /

باشترین و ئاسانترین ڕێگا بۆ دروستكردنی CV

زۆربه‌مان له‌كاتی گه‌ڕان به‌دوای كاردا پێویستیمان به‌وه‌یه‌ كه‌وا باشترین كارامه‌یی خۆمان نیشان بده‌ین و له‌ به‌رامبه‌ره‌كه‌مان بگه‌یه‌نین كه‌وا چه‌نده‌ كه‌سێكی پڕۆفیشناڵین. بێگومان ئه‌وه‌ش پێویستی به‌وه‌ هه‌یه‌ كه‌وا پڕۆفیشناڵانه‌ كار و لێهاتوویی و چالاكیه‌كانی خۆت بنوسیت.

تاكه‌ ڕێگاش بۆ نووسین و گه‌یاندنی په‌یامه‌كه‌ت به‌ خاوه‌ن كاره‌كان، ناردنی سیڤی جوان و ساده‌ و ڕوونه‌.

 

سه‌ره‌تا ده‌توانی ئه‌م بابه‌ته‌ بخوێنیته‌وه‌ بۆ دووركه‌وتنه‌وه‌ له‌و هه‌ڵانه‌ی كه‌ له‌ سیڤیدا ده‌كرێت و ده‌بێته‌ هۆی وه‌رنه‌گیرانت له‌ كاره‌كه‌ت

 

زۆربه‌ی جار ده‌ڕۆین به‌ پاره‌ سیڤی دروست ده‌كه‌ین یاخود به‌ ساده‌یی و به‌بێ جوانكاری سیڤی دروست ده‌كه‌ین، و دواتریش ده‌ره‌نجامه‌كه‌ی وه‌رنه‌گرتمنانه‌ له‌ كاره‌كه‌.

له‌به‌ر ئه‌وه‌ی خاوه‌ن كار شێوه‌ و ڕووخساری پێشكه‌ش كار نابینێت و نای ناسێت وكه‌سیش نیه‌ بۆی باس بكات له‌سه‌ر پێشكه‌شكاره‌كه‌. سیڤی تاكه‌ كه‌سه‌ كه‌وا باسی تۆ بۆ خاوه‌ن كاره‌كه‌ بكات و وێنه‌ و لێهاتوویی تۆ پیشان بدات و بگوازێته‌وه‌.

بۆیه‌ تا چه‌نده‌ سیڤیت به‌هێزبێت و ساده‌ پڕۆفیشناڵ بێت ئه‌وه‌نده‌ چانس و هه‌لی وه‌رگرتنت زیاتره‌ له‌ كاره‌كه‌ت.

یه‌كێك له‌ باشترین و ساده‌ترین ڕێگاش بۆ دروستكردنی سیڤی له‌م لینكه‌ی خواره‌وه‌یه‌ كه‌ چه‌نده‌ها سیڤی ئاماده‌كراو هه‌یه‌ و ده‌توانیت سوودی لێ ببینیت.

http://craft-cv.com/en/cv-templates

Tagged :

چۆن ده‌توانی Apple ID له‌سه‌ر IPhone و IPad

چۆنیەتی دروست کردنی Apple id کی نوێ لەسەر iPhone یان iPad !

ئەپڵ ئای دی دەتوانێت وابکات بۆت کە بتوانی ناوەرۆکی بەرنامەکانی ئاپ ستۆر و ئای توونس داونڵۆد بکەی. وەهەروەها رێگەت پێ دەدات بۆ کرداری بیرهێنانەوەی ساڵنامە و پەیوەندیەکان لە رێگەی iCloud لەگەل ئەمەشدا هەڵدەستێت بە چالاک کردنی فەیس تایم (face time ) و ئای مەسج (iMessage) لە رێگەی چەند ئامێرێکەوە. لەسەرت پێویست نیە ئەپڵ ئایدی دروست بکەی ئەگەر بتەوێ ئامێرەکانی ئەپڵ بەکار بهێنی بەڵام پێویستە لەسەرت زۆرترین زانیاری لەسەر ئامێرەکانی ئایفۆن (iPhone ) و ئای پاد (iPad ) وەربگریت . لێرەدا هەنگاوەکانی دروستکردنی ئەپڵ ئایدیەکی نوێ روون دەکەینەوە

 

دروست کردنی apple id لەسەر IPhone یان IPad لە ڤێرژنی IOS 10.3 یان دواتر :

  1. سێتینگ دەکەینەوە (Setting)
  2. لە بەشی سەرەوەی شاشەکە Sign in to your iPhone هەڵدەبژَرین.
  3. Don’t have Apple ID یان Forgot it هەڵدەبژێرین.
  4. Create Apple ID هەڵدەبژێرین کاتێک پەنجەرکە هەڵدەدەینەوە.
  5. بەرواری لە دایک بوون بنووسە
  6. Next دادەگرین
  7. ناوی خۆت لە First name ناوی باوکت لە last name دەنووسین
  8. Next دادەگرین
  9. ئیمەیڵی دیاریکراوی خۆت هەڵبژێرە یاخود ئیمەیڵێکی نوێی ICloud دروست بکە.
  10. ئیمەیڵی خۆت بنووسە
  11. ووشەی تێپەڕ درووست بکە (create a password)
  12. ووشەی تێپەڕت دڵنیا بکەوە (verify your password)
  13. پرسیارێک هەڵبژێرە بۆ پاراستنی ئاسایشی Apple ID کەت ( security question).
  14. وەڵامەکەی بنووسە
  15. دواتر بۆ دوو جار دووبارەی بکەوە.
  16. دواتر رازیبوون لەسەر مەرجەکان هەڵدەبژێرین (agree the terms and conditions)
  17. Merge یاخوود don’t merge هەڵدەبژَرین بۆ گونجاندنی داتاکانی ICloud لەگەل سەفاری و ساڵنامە و پەیوەندیەکان و بیرهێنەرەوەکان.
  18. Ok هەڵدەبژێرین.

دروست کردنی apple id لەسەر IPhone یان IPad لە ڤێرژنی IOS 10.2 یان پێشتر :

  1. سێتینگ دەکەینەوە (Setting)
  2. ICloud هەڵدەبژێرین
  3. Create new Apple ID هەڵدەبژێرین
  4. بەرواری لە دایک بوون بنووسە
  5. Next دادەگرین
  6. ناوی خۆت لە First name ناوی باوکت لە last name دەنووسین
  7. Next دادەگرین
  8. ئیمەیڵی دیاریکراوی خۆت هەڵبژێرە یاخود ئیمەیڵێکی نوێی ICloud دروست بکە.
  9. ئیمەیڵی خۆت بنووسە
  10. ووشەی تێپەڕ درووست بکە (create a password)
  11. ووشەی تێپەڕت دڵنیا بکەوە (verify your password)
  12. پرسیارێک هەڵبژێرە بۆ پاراستنی ئاسایشی Apple ID کەت ( security question).
  13. وەڵامەکەی بنووسە.
  14. دواتر بۆ دوو جار دووبارەی بکەوە.
  15. دواتر رازیبوون لەسەر مەرجەکان هەڵدەبژێرین (agree the terms and conditions)
  16. Merge یاخوود don’t merge هەڵدەبژَرین بۆ گونجاندنی داتاکانی ICloud لەگەل سەفاری و ساڵنامە و پەیوەندیەکان و بیرهێنەرەوەکان.
  17. Ok هەڵدەبژێرین.

 


 

چۆنیەتی دەرچوون لە ICloud بۆ ڤێرژنی 10.3 لەسەر IPhone و IPad

  1. سێتینگ دەکەینەوە (Setting)
  2. Apple ID ت هەڵبژێرە لە بەشی سەرەوەی شاشەکە
  3. Sign out هەڵبژێرە لە بەشی خوارەوەی شاشەکەت.
  4. ئەو ووشەی تێپەڕە( password) بنووسە کە پەیوەستە بە Apple ID کەت.
  5. Turn off هەڵبژێرە.
  6. دیاری بکە کامە زانیاریت پێویستە بۆ ئەوەی بیپارێزی لەسەر مۆبایلەکەت (IPhone) کەت.
  7. لە بەشی راستی سەرەوەی شاشەکەت sign out هەڵبژێرە.
  8. راستەوخۆ sign out هەڵبژێرە بۆ ئەوەی دەربچیت لە ICloud کەت لەسەر IPhone کەت یان IPad کەت.

 

چۆنیەتی دەرچوون لە ICloud بۆ ڤێرژنی 10.2 لەسەر IPhone و IPad

  1. سێتینگ دەکەینەوە (Setting)
  2. ICloud هەڵبژێرە
  3. لە خوارەوە Sign out هەڵبژێرە.
  4. Sign out هەڵدەبژێرین بۆ رازیبوون لەسەر رەشبوونەوەی هەموو وێنەکان و ناوەرۆکەکانی ICloud Drive لەسەر ئەم ئایفۆنە.
  5. Delete from my IPhone هەڵدەبژێرین بۆ رازیبوون لەسەر رەشبوونەوەی هەموو ئەو تێبینیانەی کە لەناو ICloud کە پاراستومانن.
  6. دیاریکردنی Delete یان keep بۆ رەشبوونەوە یان پاراستنی سەفاری و ساڵنامە و پەیوەندیەکان و بیرهێنەرەوەکان لەسەر IPhone کەت.
  7. ووشەی تێپەڕ (password) بنووسەوە.
  8. Turn off هەڵبژێرە.

 

 

چۆنیەتی چوونەژوورەوە لە ICloud بۆ ڤێرژنی 10.3 لەسەر IPhone و IPad

  1. سێتینگ دەکەینەوە (Setting)
  2. Sign in هەڵبژێرە لە بەشی سەرەوەی شاشەکە.
  3. ئیمەیڵ و ووشەی تێپەر بنووسە
  4. Sign in هەڵبژێرە
  5. ووشەی نهێنی IPhone کەت بنووسە ئەگەر تەنها یەک set up هەبێ.
  6. دڵنیا ببەوە لەوەی کە هەموو وێنەکانت دانراوە بەو شێوەی خۆت.
  7. کوژاندنەوە یان پێکردن (toggle off or on) ی apps that use iCloud بە گوێرەی ویستنی خۆت.واتە بەکارهێنانی یان بەکارنەهێنانی ئەو بەرنامانەی کە لە ICloud کەت هەن.

 

چۆنیەتی چوونەژوورەوە لە ICloud بۆ ڤێرژنی 10.2 لەسەر IPhone و IPad

  1. سێتینگ دەکەینەوە (Setting)
  2. Sign in هەڵبژێرە لە بەشی سەرەوەی شاشەکە.
  3. ئیمەیڵ و ووشەی تێپەر بنووسە
  4. Sign in هەڵبژێرە
  5. Merge یاخوود don’t merge هەڵدەبژَرین بۆ گونجاندنی داتاکانی ICloud لەگەل سەفاری و ساڵنامە و پەیوەندیەکان و بیرهێنەرەوەکان.
  6. Ok هەڵدەبژێرین.