فۆرشیاری سه‌ركه‌وتوو-به‌شی نۆیه‌م: كڕیار بكه‌ به‌ هاوڕێ

هاوڕێیه‌تی كردنی كریار له‌كاتی فرۆشتنی كاڵاكاندا یه‌كێكه‌ له‌ هه‌ره‌ كاریگه‌رترین ڕێگاكانی دروستكردنی پردی متمانه‌ و ئه‌نجامدانی فرۆشتنێكی سه‌ركه‌وتوو

له‌م خاڵانه‌ی خواره‌وه‌ هه‌موو ئه‌وه‌ی پێویستت پێ ده‌بێت ڕاسته‌وخۆ دوای خوێندنه‌وه‌ جێبه‌جێی بكه‌

٤٧-هه‌رچی فرۆشیار(مندوب)ی ئاسایی ده‌یكات، تۆ مه‌یكه‌:

 

پارچه‌كاغه‌زێكك بێنه‌، هه‌موو ئه‌و كردار و گوفتارانه‌ی كه‌وا هه‌ر فرۆشیارێكی ئاسایی ده‌یكات بینوسه‌.

بۆ ئه‌وه‌ی جیاواز بیت له‌وان ، خۆت له‌ هه‌موو ئه‌و كردارانه‌ به‌دوور بگره‌.

بۆ نمونه‌: فرۆشیار(مندوب) هه‌میشه‌ زۆر بڵێیه‌ و پاڵه‌په‌ستۆ ده‌خاته‌ سه‌ر كڕیار و لێ ناگه‌ڕێت بیر بكاته‌وه‌، تۆ وا مه‌به‌، تۆ وا بكه‌ ئه‌وان زۆر بڵێن، با ئه‌وان ڕای خۆیان ده‌ربڕن، تۆ ته‌نها پرسیار بكه‌ و گوێگربه‌، تاوه‌كو له‌ داواكاری ئه‌وان تێبگه‌یت ئینجا كاڵا یاخود خزمه‌تگوزاریه‌كه‌ی خۆت به‌گوێره‌ی پێویستیه‌كه‌ی ئه‌وان پێشكه‌ش بكه‌.

بیر بكه‌وه‌ گه‌ر یه‌كێك دابنیشێت له‌گه‌ڵت و بیه‌وێت شتێكت پێ بفرۆشێت، حه‌ز ده‌كه‌ی ئه‌و كه‌سه‌ چۆن بێت له‌گه‌ڵت، یاخود كه‌ دوایین جار شتێكی گرانبه‌هات كڕی فرۆشیاره‌كه‌ چۆن مامه‌ڵه‌ی كرد و پاره‌كه‌ی تۆ به‌ده‌ست هێناا، ئه‌و خاڵانه‌ بنوسه‌، دواتر تۆش ڕاهێنانیان له‌سه‌ر بكه‌ و دوباره‌یان بكه‌وه‌.

 

 

٤٨-كه‌سێكی ڕاسته‌قینه‌به‌:

 

زۆركه‌س فرۆشتن به‌كاری خۆیان نازانن، ته‌نها ڕۆڵی فرۆشیارده‌گێڕن.

تۆ وا مه‌به‌، خۆتبه‌، واته‌ فرۆشیاری ڕاسته‌قینه‌ به‌ و ڕۆڵ مه‌گێڕه‌. خه‌ڵكی حه‌ز ده‌كه‌ن له‌گه‌ڵ كه‌سانی ڕاست مامه‌ڵه‌ بكه‌ن.

بیهێنه‌ پێش چاوی خۆت،كاتێك كه‌سێك دێته‌ به‌رامبه‌رت و چه‌ند ڕسسته‌یه‌كی له‌به‌ر كردووه‌ و ده‌یانڵێته‌وه‌، ئایا تۆ شته‌كه‌ ده‌كڕیت كه‌ ئه‌وان بۆتی ده‌خوێننه‌وه‌؟

تۆ وا مه‌به‌، باسی چیرۆك و به‌شێك له‌ژیانی خۆت و ساته‌ تایبه‌ته‌كانت بكه‌، بیان به‌سته‌وه‌ به‌ به‌رهه‌م وكاره‌كه‌ت. هه‌وڵ بده‌ به‌ پێكه‌نینیان بخه‌یت.

واتا،سه‌ره‌تا خۆت بفرۆشه‌، گه‌ر توانیت خۆت بفرۆشیت به‌ به‌ده‌ستهێنانی متمانه‌ی كڕیار وبوون به‌ هاوڕێ له‌گه‌ڵی، ئه‌وا ده‌توانیت هه‌ر شتێكی تری پێ بفرۆشی.

 

 

٤٩-هه‌میشه‌ زه‌رده‌خه‌نه‌ بكه‌:

زه‌رده‌خه‌نه‌ سه‌ره‌تا ترین و گرینگترین شته‌ له‌كاتی فرۆشتندا، وه‌ كه‌مترین شته‌ كه‌وا ڕاهێنانی پێویست بێت، چه‌ند جارێك له‌ به‌رامبه‌ر ئاوێنه‌ به‌ زه‌رده‌خه‌نه‌وه‌ قسه‌ بكه‌، وه‌ به‌پێچه‌وانه‌شه‌وه‌ به‌ ئاسایی خۆت قسه‌ بكه‌، هه‌ندێك جاریش به‌ جددی قسه‌ بكه‌، هه‌موو هه‌سته‌كان وه‌ربگره‌ و خۆت بڕیاری له‌سه‌ر بده‌.

 

 

٥٠-گوێبگره‌:

 

گوێگرتن له‌ هه‌موو هونه‌ره‌كانی فرۆشتن گرینگتر، له‌ هه‌ر هه‌موویان، ئه‌گه‌ر ئه‌و به‌هره‌یه‌ت نه‌بێت،بێگومانبه‌ ناتوانی سه‌ركه‌وتوو بیت.

بۆیه‌ گه‌ر ئه‌و به‌هره‌یه‌ت نیه‌،له‌خۆتی دا به‌رجه‌سته‌ بكه‌ و ڕاهێنانی له‌سه‌ر بكه‌، چونكه‌، خه‌ڵكی ته‌نها گرینگی به‌خۆی ده‌دات، به‌لایه‌وه‌ گرینگ نیه‌ كه‌ تۆ چیت، گوێ بگره‌، بزانه‌ ئه‌وان چین، پرسیار بكه‌ ده‌رباره‌ی ئه‌وان، واته‌ كه‌ تۆش قسه‌ ده‌كه‌یت ده‌بێت ده‌رباره‌ی ئه‌وان بێت نه‌ك خۆت و به‌رهه‌مه‌كه‌ت، ته‌نها مه‌گه‌ر ئه‌وكاته‌ی ئه‌وان ده‌رباره‌ی ده‌پرسن.

له‌كاتی گوێگرتن نابێت ته‌نها به‌بێ ده‌نگی دابنیشیت،ناو ناوه‌ سه‌رت ده‌له‌قێنی وه‌ك هێمان بۆ تێگه‌یشتن و ئاگاداربوون، به‌ده‌مو چاوت هێمای پرسیار و سه‌رسوڕمان بنوێنه‌ تاوه‌كو به‌ته‌واوی له‌گه‌ڵ هه‌ست و كه‌سایه‌تی ئه‌و تێكه‌ڵ بیت و دڵی به‌ده‌ست بهێنیت.

له‌یادت بێت،هه‌تا زۆرتر قسه‌ بكه‌یت، زۆرتر كات به‌ كڕیاره‌كه‌ت ده‌ده‌یت بیر له‌ ڕێگاكانی به‌ڕێكردنی تۆ و ووتنی ((نه‌خێر)) ده‌كاته‌وه‌.

 

 

٥١-قسه‌ به‌ كڕیاره‌كه‌ت ببڕه‌ و پێكبه‌ستی بكه‌ له‌گه‌ڵ به‌رهه‌م یان خزمه‌تگوزایه‌كه‌ت:

 

له‌كاتی كه‌وا كڕیار ده‌ست به‌ قسه‌ ده‌كات و ئه‌ركی تۆ گوێگرتنه‌، ناوه‌ ناوه‌ ده‌بێت به‌ پرسیاركردن ده‌رباره‌ی خۆی و بارودۆخه‌كه‌ی قسه‌كانی ببڕیت.

بۆ نمونه‌ كاتێك كڕیار ده‌ڵێت من ئه‌و كۆمپانیایه‌م له‌ خاڵی سفره‌وه‌ گه‌یان به‌ ئه‌م شوێنه‌ی ئێستا ، یان كاتێك ده‌ستم به‌ كار كرد هه‌ر خۆم بووم وهیچم نه‌بوو، یان من له‌ خانه‌واده‌یه‌كی هه‌ژار له‌دایك بووم و ئێستاش بووم به‌وه‌ی كه‌ هه‌م، قسه‌ كانی پێ ببڕه‌ و بڵێ: بێگومان ده‌تانه‌وێت هێشتا له‌گه‌وره‌بوون به‌رده‌وام بن و له‌ پێشكه‌وتن نه‌وه‌ستاون؟

ئه‌مه‌ وه‌ك هێمایێك كه‌وا تۆ بۆ ئه‌مه‌ له‌وێیت و ده‌توانیت یارمه‌تی بده‌یت گه‌ر سه‌ركه‌وتووش بێت، سه‌ركه‌وتووتری بكه‌یت.

 

 

٥٢-ئه‌ركی ماڵه‌وه‌ت له‌یادمه‌كه‌:

 

بێگومان به‌ر له‌وه‌ی له‌گه‌ڵ كڕیار له‌ چاوپێكه‌وتنێكی دوانه‌یی ڕوو به‌ڕوو دابنیشیت، ده‌بێت خۆتی بۆ ئاماده‌ بكه‌یت.

وای دابنێ تۆ بێژه‌رێكی و له‌به‌رنامه‌یه‌كی ته‌له‌فیزیۆنیدا له‌گه‌ڵ كڕیاره‌كه‌ت ده‌رباره‌ی ژیانی ئه‌و چاوپێكه‌وتن ده‌كه‌یت، كه‌مێك له‌ باردودۆخ و ژیانی كه‌سه‌كه‌ بكۆڵه‌وه‌، جۆری بیركردنه‌وه‌ی وه‌ربگره‌، سروشتی كاره‌كه‌ی شاره‌زا ببه‌ و له‌ پێویستیه‌كانی بكۆڵه‌وه‌، بزانه‌ كێبڕكێكه‌ره‌كانی كێن و له‌ چ بازاڕێكدایه‌ و بازاڕی كاریان له‌ چ ئاستێك دایه‌، ئینجا بڕۆ له‌گه‌ڵی دابنیشه‌ و له‌و شتانه‌ی كه‌وا هه‌ستده‌كه‌یت پێویستی هه‌یه‌، بپرسه‌و زانیاریزیاتروه‌ربگره‌،ئینجا چاره‌سه‌ری خۆت پێشكه‌ش بكه‌.

 

٥٣-كڕیاره‌كه‌ت به‌ناوی خۆی بانگ بكه‌:

 

بیستنی ناوی خۆمان خۆشترین شته‌ له‌لای هه‌موومان، وه‌ ته‌نها كه‌سه‌ نزیكه‌كانیشمان به‌ناوی خۆمانه‌وه‌ بانگمان ده‌كه‌ن، بۆیه‌ گه‌ر ده‌ته‌وێت له‌وان نزیك بیته‌وه‌ و هاوڕێیه‌تی دروست بكه‌یت، به‌ناوی خۆیانه‌وه‌ بانگیان بكه‌.

وه‌ ئه‌مه‌ش تۆ جیا ده‌كاته‌وه‌ له‌ فرۆشیاره‌كانی تر به‌وه‌ی كه‌ وا خزمه‌تگوزاریه‌كه‌ی تۆ تایبه‌ته‌ و تۆ كڕیاره‌كه‌ت جیاكردۆته‌وه‌ له‌وانی تر.

 

٥٤-له‌كاتی خۆیدا له‌وێ به‌:

 

هه‌میشه‌ كۆتایی باش به‌ ئاسانی له‌سه‌ره‌تایه‌كی باش به‌ده‌ست ده‌هێنرێت، وه‌ كڕیار به‌ر له‌ كردنه‌وه‌ی ده‌مت و قسه‌ كردنت، به‌ چه‌ندین فاكته‌ری تر بڕیارت له‌سه‌ر ده‌دات كه‌ ئایا گوێت لێ بگرێت یاخود نا.

گه‌ر له‌كاتی خۆیدا له‌وێ بوویت ، واته‌ تۆ كه‌سێكی جدیت و نرخ بۆ كڕیار و كاتی كڕیاره‌كه‌ت داده‌نێیت و له‌هه‌مان كاتیشدا له‌یه‌كه‌م به‌ڵێنی كه‌ دات (به‌ڵێنی ئاماده‌بوون له‌م كاته‌ و ئه‌م شوێنه‌) ڕاستگۆ بویت و بردته‌ سه‌ر.

 

ئه‌.ڕابه‌ر كه‌ریم

كۆمپانیای جیاساز بۆ خزمه‌تگوزاری و چاره‌سه‌ری ته‌كنه‌لۆجی

 

له‌م بابه‌ته‌ش به‌شی پێشوو بخوێنه‌وه‌

فۆرشیاری سه‌ركه‌وتوو(مندوب)-به‌شی هه‌شته‌م: په‌یوه‌ندی ته‌له‌فۆنی٢

Tagged : /

فۆرشیاری سه‌ركه‌وتوو-به‌شی حه‌وته‌م: په‌یوه‌ندی ته‌له‌فۆنی

٣٤-ده‌ست بكه‌ به‌ به‌كارهێنانی په‌یوه‌ندی ته‌له‌فۆنی :

به‌كارهێنانی ته‌له‌فۆن بۆ فرۆشتن ڕێگایێكی نمونه‌یی و نایابه‌ بۆ بنیادنانی فرۆشتنێكی ئاسان و سه‌ركه‌وتوو، وه‌ زۆر به‌ ئاسانیش تێیدا سه‌ركه‌وتوو ده‌بیت له‌به‌ر ئه‌وه‌ی ژماره‌یه‌كی یه‌كجار كه‌می فرۆشیاره‌كان ئه‌م ته‌كنیكه‌ به‌كارده‌هێنن.

له‌هه‌مان كاتیشدا له‌ هه‌موو كات و شوێنێك ده‌توانیت به‌ كڕیاره‌كه‌ت بگه‌یت، وه‌ له‌كه‌مترین كاتدا سه‌رنجی ڕابكێشیت.

به‌ڵام وریابه‌، په‌یوه‌ندی ته‌له‌فۆنی بۆ ئه‌نجامدانی فرۆشتن نیه‌، به‌ڵكو بۆ وه‌رگرتنی چاوپێكه‌وتنێكه‌ له‌گه‌ڵ كڕیاره‌كه‌ تاوه‌كوو كاڵاكه‌تی پێ بناسێنیت.

 

٣٥-هه‌وڵ بده‌ هه‌تا ده‌گه‌یت به‌ خاوه‌ن بڕیار:

زۆربه‌ی جار، كڕیاره‌ باشه‌كان كاتیان كه‌مه‌، بۆ ئه‌مه‌ له‌ سه‌ره‌تادا كه‌سانێكی تر ده‌بینیت و پێویستیت ده‌بێت كه‌وا ڕه‌زامه‌ندی ئه‌وان به‌ده‌ستبێنیت تاوه‌كوو بگه‌یت به‌ خاوه‌ن بڕیار.

هه‌وڵ مه‌ده‌ سوكایه‌تی به‌وان بكه‌یت یاخود یاری و فرت و فێڵیان له‌گه‌ڵدا بكه‌یت، ڕاسته‌ ئه‌وان ناتوانن بڵێ ((به‌ڵێ)) و شته‌كه‌ت لێ بكڕن، به‌ڵام ده‌توانن بڵێن ((نه‌خێر)) و كرداری فرۆشتنه‌كه‌ تێك بچێت.

 

٣٦- له‌كاتی په‌یوه‌ندی كردندا ده‌سته‌واژه‌ی داواكردنی یارمه‌تی به‌كاربهێنه‌:

كاتێك په‌یوه‌ندی به‌كه‌سێكه‌وه‌ ده‌كه‌یت ، ته‌نها ٣ چركه‌ت هه‌یه‌ تاوه‌كو سه‌رنجی ڕابكێشیت، زۆرجار ده‌توانی بڵێیت: ده‌توانم داوای یارمه‌تیێكت لێ بكه‌م؟

خه‌ڵكی زۆربه‌ی جاره‌كان ده‌ڵێن به‌ڵێ، به‌تایبه‌ت ئه‌وانه‌ی كه‌وا حه‌ز به‌ یارمه‌تی دانی كه‌سانی تر ده‌كه‌ن.

دوای ووشه‌ی به‌ڵێ، ده‌توانیت داوای كات یاخود سه‌رنج یاخود چاوپێكه‌وتنێكی لێ بكه‌یت وه‌ك یارمه‌تی.

 

 

٣٧- هه‌وڵ بده‌ له‌ كه‌مترین كاتدا په‌یامه‌كه‌ت بگه‌یه‌نیت:

وه‌ك باسمان كرد ته‌له‌فۆن بۆ فرۆشتنی كاڵا نیه‌، بۆ وه‌رگرتنی چاوپێكه‌ونێكی ١٠خوله‌كیه‌. بۆیه‌ كورت و پوخت به‌،

ئه‌مه‌ وا ده‌كات كڕیار لێت بێزارنه‌بێت و ترسی ئه‌وه‌ی نه‌بێت كه‌وا له‌كاتی چاوپێكه‌تنیش كاتی زۆر بگریت.

به‌ر له‌وه‌ی په‌یوه‌ندی بكه‌یت، ئه‌و قسانه‌ی كه‌وا به‌ته‌مایت بیانكه‌یت بیاننووسه‌وه‌، بیابلێره‌وه‌، دووباره‌ و سێ باره‌، تاوه‌كوو ده‌ربڕینه‌كه‌ت ڕه‌وان ڕێك بێت.

له‌هه‌مان كاتدا دووربكه‌وه‌ له‌ هه‌ندێك ده‌سته‌واژه‌ی كه‌وا وه‌ك فرۆشیار پیشانت ده‌دات و ئاسایی قسه‌ بكه‌.

 

 

٣٨- هه‌موو كڕیارێ تایبه‌ته‌:

هه‌میشه‌ له‌كاتی فرۆشتن پێویسته‌ سكریپتێكت هه‌بێت به‌شێوازی نوسراو و له‌سه‌ری بڕۆیت ، به‌ڵام نابێت ته‌نها ١ سكریپت بۆ هه‌موو كڕیاره‌كانت به‌كاربهێنیت به‌تایبه‌ت گه‌ر بواری كاركردنیان جیاواز بوو، واته‌ بۆ كڕیارێك كه‌وا بازرگانه‌ له‌گه‌ڵ كڕیارێك كه‌وا فه‌رمانبه‌ره‌ ده‌بێت ووته‌ی جیاواز و ده‌ستپێكی جیاوازت هه‌بێت

 

٣٩-كاتێك كڕیار ووتی كاتم نیه‌ ، جێی مه‌هێڵه‌:

زۆربه‌ی جار كاتێك په‌یوه‌ندی به‌ كه‌سێكه‌وه‌ ده‌كه‌یت، ده‌ڵێت ببوره‌ كاتم نیه‌، مه‌هێڵه‌ په‌یوه‌ندیه‌كه‌ دابخات تاوه‌كو كاتێكی گونجاوی لێ وه‌رنه‌گریت.

بڵێ : زۆر چاكه‌ ، ئه‌ی كه‌ی كاتتان ده‌بێت؟ ده‌توانم دوای یه‌ك كاتژمێری تر په‌یوه‌ندیت پێوه‌ بكه‌مه‌وه‌؟

به‌ كراوه‌یی جێی مه‌هێڵه‌ و چاوه‌ڕێش مه‌كه‌ ئه‌و بۆت بكاته‌وه‌، وه‌ دڵنیاش ببه‌ كه‌وا شتێكی پێ بڵێیت چاوه‌ڕێت بێت تاوه‌كو پپه‌یوه‌ندی پێوه‌ بكه‌یت، نه‌وه‌كو ژماره‌كه‌ت بلۆكك بكات.

ئه‌گه‌ریش ووتی كاتم نیه‌ بۆت و نابم به‌ كڕیارت، به‌دڵێكی فراوان وه‌ری بگره‌ و ده‌ستخۆشی لێ بكه‌، چونكه‌ دڵنیابیت له‌وه‌ی كه‌سێك نابێته‌ كڕیارت باشتره‌ له‌وه‌ی چه‌ند ڕۆژ و سه‌عاتێك چاوه‌ڕێی په‌یوه‌ندی ئه‌و بیت به‌وهیوایه‌ی ببێت به‌ كڕیار و له‌كۆتایشدا پێبڵێت نه‌خێر.

 

٤٠-هه‌رگیز له‌په‌یوه‌ندی ته‌له‌فۆنیدا باسی كاڵاكه‌ت مه‌كه‌:

زۆربه‌ی جار كڕیار بۆ ئه‌وه‌ی وازی لێبهێنیت ، به‌دوای بیانوێك ده‌گه‌ڕێت تاوه‌كو له‌كۆڵی ببیته‌وه‌،

بۆیه‌ ده‌ڵێت كاڵاكه‌ت چۆنه‌؟ چۆن كار ده‌كات؟ به‌چه‌نده‌؟ و چه‌ندین پرسیاری تر.

ئه‌مه‌ وا تێمه‌گه‌ كه‌وا ده‌یه‌وێت كاڵاكه‌ت بكڕێت، پێی بڵێ منیش له‌به‌رئه‌مه‌یه‌ داوای چاوپێكه‌وتن ده‌كه‌م تاوه‌كو ئه‌مانه‌ت بۆ ڕوون بكه‌مه‌ و چه‌ند شتێكیشت پیشان بده‌م.

به‌ ووشه‌ی ((پیشان بده‌م)) واتا به‌ ڕێگای ته‌له‌فۆن ناكرێت و پێویسته‌ یه‌كتر ببینن، بۆیه‌ هیچ ڕێگایه‌كی تر نادۆزێته‌وه‌ بۆ ئه‌وه‌ی زوو خۆی له‌ده‌ستت ڕزگار بكات له‌كاتێكدا هیچ ده‌رباره‌ی كاڵا یاخود خزمه‌تگوزاریه‌كه‌ت نازانێت.

 

ئه‌.ڕابه‌ر كه‌ریم

كۆمپانیای جیاساز بۆ خزمه‌تگوزاری و چاره‌سه‌ری ته‌كنه‌لۆجی

 

فه‌رموو به‌شی شه‌شه‌م له‌م لینكه‌ بخوێنه‌وه‌

فۆرشیاری سه‌ركه‌وتوو(مندوب)-به‌شی شه‌شه‌م: هه‌ڵكۆڵین2

 

Tagged : /

١٠١ ڕێگا بۆ فرۆشتن كه‌ ده‌تكات به‌ فرۆشیارێكی سه‌ركه‌وتوو:بەشی یەکەم

هه‌موومان ده‌مانه‌وێت كارێكی سه‌ركه‌وتومان هه‌بێت و به‌رهه‌م و پڕۆژه‌كانمان پڕ فۆشترین بن و زۆرترین داهات به‌ده‌ست بێنن.

بێگومان هه‌رچه‌نده‌ كارێكی گونجا و بیرۆكه‌یه‌كی نایابت هه‌بێت و به‌ پلانه‌وه‌ ده‌ست بكه‌یت به‌ هه‌موو هه‌نگاوه‌كانت، و پاره‌یه‌كی زۆریش له‌ كاڵا و كوالێتی كاڵاكانت خه‌رج بكه‌یت، به‌ بێ پلانی فرۆشتن و كه‌س لێهاتوو بۆ فرۆشتن كه‌وا هه‌موو مه‌رجه‌كانی فرۆشیارێكی سه‌ركه‌وتووی تێدابێت ناتوانیت سه‌ركه‌وتن به‌ده‌ست بهێنیت.

ئایا ئه‌م بابه‌ته‌ بۆمن گونجاوه‌؟

گه‌ر تۆ خاوه‌ن كاریت و به‌دوای نوێنه‌رێكی فرۆشتنی سه‌ركه‌وتوو داده‌گه‌ڕێیت

یاخود تۆ نوێنه‌ری فۆرشتنیت (مندوب) و ده‌ته‌وێت په‌ره‌ به‌ تواناكانت بده‌یت و سه‌ركه‌وتووتر بیت له‌ كاره‌كه‌ت.

یاخود ده‌ته‌وێت ده‌ست به‌ كاری فۆشتن بكه‌یت و سه‌ركه‌وتوانه‌ ئه‌زمونه‌كه‌ت سه‌ركه‌وتوانه‌ به‌وه‌نجام بگه‌یه‌نیت ئه‌م بابه‌ تایبه‌ته‌ بۆ تۆیه‌ و به‌رده‌وامبه‌ له‌سه‌ر خوێندنه‌وه‌ی هه‌موو ١٠١ خاڵه‌كه‌ كه‌ له‌م زنجیره‌ باسه‌دا باس ده‌كرێت.

 

بەشی یەکەم : تایبەتمەندی کەسێتی

کەسایەتی

كه‌سایه‌تی فرۆشیار زۆر گرینگه‌ و به‌و ده‌ست پێ ده‌كه‌ین چونكه‌ گه‌ركه‌سێك كه‌سایه‌تیه‌كه‌ی گونجاو نه‌بێت بۆ ئه‌م كاره‌ گرینگ نیه‌ هه‌ر كام له‌ خاسیه‌ته‌كانی تری تێدابێت ئه‌وا سه‌ركه‌وتوو نابێت

زۆربه‌ی خه‌ڵكی كه‌سایه‌تی ته‌نها له‌ جل و به‌رگ كۆ ده‌كاته‌وه‌ به‌ڵام كه‌سایه‌تی زۆر لایه‌نی دیكه‌شی هه‌یه‌ كه‌وا زۆر گرینگترن له‌ ته‌نها جل و به‌رگ و ئه‌ته‌كێت.

 

١-راستگۆ و رەوشت بەرز بە

نوسەر Will Rogers دەڵێ
{دەمەوێ ئەو پیاوە بم کە پردی برۆکلینی کڕی لەوەی کە فرۆشتی}
راستگۆیی و رەوشت بەرزبوون شتێکی زۆر گرینگه‌ بۆ کڕیارەکانت و به‌رده‌وام بوونی خودی پڕۆژه‌كه‌، لەوانەیە له‌ زۆربەیان باشتر بێت بۆت. زانینی ئەوەی کە تۆ رەوشت بەرز و راستگۆ بووی لەگەل كڕیاره‌كانت و ئەوانەی کاریان لەگەل دەکەی، وات لێ دەکات هەست بە به‌ره‌وپێشچوون و دلنیایی بکەیت دەربارەی خۆت. مەهێڵە هیچ فریودانێک بۆ ماوەیەکی کەم ببێتە هۆی ئەوەی ناپاک بیت یاخود پێشچاوت بخات لەگەل ئەوانەی تر.

هه‌میشه‌ ڕاستی بڵێ سه‌باره‌ت به‌و خاسیه‌تانه‌ی له‌ به‌رهه‌مه‌كه‌ت دا هه‌یه‌ و له‌وانه‌شی كه‌ تێی دا نیه‌.

به‌ڵام وریابه‌ له‌وه‌ی كه‌وا نابێت به‌ نه‌رێنی باسی به‌رهه‌مه‌كه‌ت بكه‌یت. ئه‌گه‌ر باوه‌ڕت به‌ كاڵاكه‌ت نیه‌ و دڵنیا نیت لێی. وا باشتر ده‌ست به‌ فرۆشتنی نه‌كه‌یت هه‌تا لێی دڵنیا ده‌بیت. چونكه‌ گه‌ر وا نه‌كه‌یت، یان ده‌بێت به‌ خاڵی نه‌رێنی له‌سه‌ر كاڵاكه‌ت و ده‌بێت باسیان بكه‌یت، یانیش ده‌بێت كڕیاره‌كانت هه‌ڵبخه‌له‌تێنیت، كه‌ ئه‌مانه‌ش په‌سه‌ند نین.

٢-خۆڕاگربوون

خۆراگربوون واتە بوون بە هەموو شتێک ، هەمان کەس بی لە ناوەوە یاخود لەدەرەوە، خۆراگربوون واتە راستگۆ بوون لەگەل خۆت و کەسانی تر لە نرخی خۆت و باوەڕیت. لەکاتی فرۆشتن کاتێک کە خۆڕاگریت هەبێت واتە تۆ باوەری بەخۆت و رێکخستنەکانت پەیا دەکەی هەروەها بە بروا بەخۆبوون ئەوشتانەی کەدەتەوێ دەیانفرۆشی. بەخۆراگری ژیانت یەک دەگرێت لەگەل کەسایەتیت. دەبینی فرۆشتن شتێکی سروشتیە و هاندەری ناوخۆیت دەبێت چونکە کارکردنت واتە کاردانەوەی راستی خۆت. ناتوانیت فێڵ لە خۆراگری بکەیت.

خۆڕاگری زۆر پێویسته‌ چ له‌و پاڵه‌ په‌ستۆیه‌ی كه‌ له‌سه‌ره‌تای ده‌ستكردن به‌ فرۆشتن بۆ كاڵایه‌كی نوێ ئه‌نجامی ده‌ده‌یت، چ له‌سه‌ر پرته‌ و بۆڵه‌ی به‌ڕێوه‌به‌ره‌كه‌ت یاخود له‌سه‌ر گله‌یی و داواكاری زۆری كڕیاره‌كانت. ئه‌مانه‌ هه‌مووی به‌ره‌وه‌ سه‌ركه‌وتنت ده‌بات و ناودارت ده‌كه‌ن.

٣-پێشبرکێ کردن بۆ گەیشتن بە ئاستی بەرزتری سەرکەوتن

پێشبرکێ کردن کەسایەتی بەرهەم دێنێ تا بەرەنگاربوونەوە، بەزۆری ئێمە وا بیر دەکەینەوە کە باشترینی خۆمان پێشکەش دەکەین. ئەرکی پێشبرکێ کردنمان هاندەرمان دەبێت بۆ ئەوەی کاری باشتر بکەین. لەرێگەی پێشبرکێ کردنمان دەسکەوتی وامان بۆ دەردەکەوێت کە پێشتر نەماندەزانی.لەکاتێکدا تەنانەت ئەگەر پێشبرکێکردنەکەش کۆتایی پێ بهێنین لە نێو خۆماندا، ئێمە دەتوانین باش ببینین کە ئەم ئەنجامانە ئەنجامی باشترین کەسانی ئێمەن.

بۆیه‌ هیچكات توڕه‌ و دڵگران مه‌به‌ له‌وه‌ی كه‌وا ئامانجت بۆ دیاری ده‌كرێت له‌ بڕی فرۆشتن له‌ ماوه‌ی دیاری كراو، ئه‌مه‌ وا ده‌كات زیاتر تواناكانت بخرێنه‌ گه‌ڕ و خۆشت شتێكت هه‌بێت به‌ ژماره‌ له‌سه‌ری بڕۆیت. ئه‌گه‌ر به‌رپرسه‌كه‌ت ئامانجی بۆت دیاری نه‌كرد. خۆت بۆ خۆتی دابنێ و هه‌میشه‌ له‌ پێشبڕكێبه‌ له‌گه‌ڵ ئامانجه‌كه‌ت.

 

ئه‌.ڕابه‌ر كه‌ریم

كۆمپانیای جیاساز بۆ خزمه‌تگوزاری و چاره‌سه‌ری ته‌كنه‌لۆجی

 

لێره‌دا به‌شی دووه‌می بابه‌ته‌كه‌ بخوێنیته‌وه‌ و درێژه‌ به‌ شاره‌زاییه‌ كاتن بده‌یت.

Tagged : / / /

١٠١ ڕێگا بۆ فرۆشتن- به‌شی چواره‌م، كارامه‌ییه‌كانی فرۆشتن

ئاستی دووه‌م : کارامەییەکانی فرۆشتن

پلاندانان و تیشک خستنەسەر

 

٢٠-تیشک بخەرە سەر خاڵە گرنگەکان

ئامانجەکانت دابنێ و تیشک بخەرە سەر خاڵە گرنگەکان، بیر لەو چاڵاکیانه‌ بکەوە کە راستەوخۆ بەستراوە بە فرۆشتنەوە. کۆمپانیاکانیش زۆرجار شکست دەهێنن به‌ هەمان ئەو هۆکارانەی كه‌ نوێنەره‌كانی فرۆشرن شکستیان لێ دەهێنن، کە نا ڕوونی له‌ ئامانج و جه‌خت كردنه‌وه‌یه‌. به‌ تیشك خستنه‌ سه‌ر كاتیشت بۆ ده‌گه‌ڕێته‌وه‌ و هێزیشت په‌رت نابێت ، گورزێکی لێزەری چڕ دەتوانێت پۆڵای پتەو ببڕێت.

گه‌ر تۆش وه‌ك لێزه‌ر كار بكه‌یت هه‌مان ده‌ستكه‌وتت ده‌بێت گه‌ر كاره‌كه‌شت سه‌خت بێت وه‌ك پۆڵا.

 

٢١-لە ئەنجامەکانت دلنیا بەوە

پلان دابنێ بۆ ئەنجامەکانت ، نەک بۆ ڕووداوه‌كان. کێشەی زۆربه‌ی كتێبه‌كانی بەرێوەبردنی کات  ئەوەیە کە گرینگی به‌ رووداوەکان ده‌ده‌ن لە جیاتی ئەوەی ئەنجامەکانی بده‌ن. تیشک خستنە سەر ئەم کتێبانە بۆ هەلستان بە دروستکردنی لیست و بەرنامەی کارکردنە نه‌وه‌ك خوودی كاره‌كه‌. هه‌مووجارێك پرسیار لە خۆت بکە چەند جارێک لە رۆژێکدا. ئایا ئەوەی من دەیکەم ئێستا بەرەو فرۆشتنی زیاترم دەبات ؟ ئەگەر وەڵامەکەت نەخێر بێت ئەوا بووەستە لەوەی ئەنجامی دەدەیت و دیسان تیشک بخەرە سەر هەوڵ و ئەرکەکانت ، کە دەتبات بەرەو فرۆشتنی زیاتر.

 

٢٢-سەرژمێریەکانت بپارێزە

کۆمەڵێک ئاماری سەرەکی دابنێ بۆ حالەتەکانی فرۆشتن. ئامارە سەرەکیەکانت زۆربەی ئەمانە دەگرێتەوە:

  • ژمارەی تەلەفۆن بۆ پەیوەندیەکانی دەستکەوتنی چاوپكه‌وتن کردن (موعد)
  • . ژمارەی تەلەفۆن بۆ پەیوەندیەکانی دەستکەوتنی ئیمزا و گرێبه‌ست .
  • دەستکەوتنی ئه‌و چاوپێكه‌وتنانه‌ی كه‌ ده‌تگه‌یه‌نێته‌ پلانه‌كه‌ت .

لەم ژمارانە دەتوانی بڕی پاداشتی(كۆمیشن)ی هه‌ر په‌یوه‌ندیه‌كی تەلەفۆنی و پاداشتی هه‌ر چاوپێكه‌وتنێكت پێشبینی بکەیت. سەرژمێریەکان بەکاربهێنە بۆ چاودێری کردنی ئەنجامەکانت بۆ دیاری کردنی رووبەری گرفتەکان. بۆ نموونە دەبینی ئاستی فرۆشتن کەمی کردووە لەم هەفتەیە ، لەرێگەی چێککردنەوەی سەرژمێریەکانت دەتوانی چارەسەرێک بدۆزیتەوە کەوا بۆچی وای لێهاتووە و کاری لەسەر بکەیت بۆ چاککردنەوەی.

 

٢٣-تێگەیشتن لە یاسای تێکڕا

لەگەل تێپەڕینی کات هه‌میشه‌ سه‌ركه‌وتنه‌كانت به‌ تێكڕا لێك بده‌وه‌ و هه‌ڵمه‌خه‌ڵه‌تێ به‌ ماوه‌یه‌كی باش له‌ فرۆشتنی سه‌ركه‌وتوو، یاخود ماوه‌یه‌ك له‌ هه‌وڵی شكست خواردوو و نه‌فرۆشتن،گه‌ر شەش فرۆشتن سه‌ری گرت بۆ دە چاوپێكه‌وتن و پێشكه‌شكردن واته‌ سه‌ركه‌وتنت ٦٠% یه‌ .لەگەل ئەوەشدا ، جاری وا هه‌یه‌ لەوانەیە فرۆشتنت تەنها یەک لە دە بێت یاخود نۆ لە دە. لە لایەکەوە ئەگەر تێکرای تایبەت بە خۆت یەک لە دە بێت لە هەفتەیەکی دیاریکراودا ئەوا دان بە یاسای تێکرا دابنێ و بێ هیوا مەبە، وا مه‌زانه‌ كه‌وا تۆ زۆر خراپی، لە لایەکی ترەوە ئەگەر تێکڕای تایبەت بە خۆت نۆ لە دە بێت لە هەفتەیەکی دیاریکراودا ،هەروەک چۆن دەزانین کە یاسای تێکڕا کاردەکات ، وا مه‌زانه‌ تۆ لێهاتووترین كه‌سیت و دیسان تێكڕا وه‌ربگره‌ بۆ ئه‌وه‌ی ئاستی ڕاسته‌قینه‌ی خۆت بزانیت.

 

٢٣-ئەوەی کار کراوە دووبارە بکەوە

پاش ئەوەی رۆژێکی زۆر باشت هەبوو ، چیت کردووە تاقی بکەوە و دووبارەی بکەرەوە. دوای هەمان پرۆسێس بکەوە بۆ هەفتەیەکی زۆر باش و ساڵێکی زۆرباش.

له‌گه‌ڵ ئه‌وه‌شدا هه‌ڵه‌ وورده‌كانت له‌بیر مه‌كه‌، بۆ ئه‌وه‌ی سه‌ركه‌وتنه‌كه‌ت ئه‌م جاره‌ ئاسانتر و ساناتر بێت تاوه‌كو به‌ كه‌مترین كات زۆرترین فرۆشتن بكه‌یت.

 

٢٤-ئامادەکاری بکە بۆ چاوەروان نەکراوەکان

لە جیاتی پرسیار لە خۆ کردن ، چی روودەدات ئەگەر شتەکان نەروات وەک چۆن چاوەروان دەکرێت ؟ پلان دابنێ بۆ ئەو شتانەی کە چاوەروان ناکرێت رووبدەن بە پرسیار لەخۆ کردن . خراپترین ئەو شتانە چین کە چاوەروان دەکرێت رووبدەن، ڕه‌نگه‌ پەیوەندیەکە بەو شێوەیە نەبوو کە چاوەڕوان دەکرا ؟؟ ئایا هیچ پلانێكی جێگره‌وه‌ت هه‌یه‌ بۆ حاله‌ته‌ چاوه‌ڕوان نه‌كراوه‌كان؟

له‌م لایه‌نه‌ و بۆ زانینی ئه‌م حاله‌تانه‌ جگه‌ له‌ خوێندنه‌وه‌ی كتێب و لێكدانه‌وه‌ی كڕیار و واقیع، وا باشتره‌ پرسیار له‌ كه‌سانی خاوه‌ن لێهاتوویی و شاره‌زایی بكه‌یت له‌م بواره‌دا، چونكه‌ بێگومان ئه‌مان به‌ چه‌ندان حاله‌تی وادا تێپه‌ڕبوون كه‌ ڕه‌نگه‌ تۆ له‌ داهاتوودا پێیدا تێپه‌ڕبیت.

Tagged : /

چۆن کاڵاکانم بەبازاڕ بکەم؟

وەک ڕوونە کەوا کۆمپانیاکان هەمیشە پلانی بەبازاڕکردن دادەنيت بۆ بەبازاڕکردنئ کاڵاکانیان، بەجۆرێک کەوا ئەو کاڵایانەی بە شێوازی دروست و ڕێک و پێک و بەگوێرەی پلان بەبازاڕ دەکرێت، زوتر لە بازاڕ شوێنی خۆی دەکاتەوە و زیاتر دەفرۆشرێت، بەماوەیەکی کەم سەرکەوتن بەدەست دەهێنێت.وە خێرا فرۆشتنی کاڵا لە بازاڕ و سەرکەوتنی تێیدا دەوەستيتە سەر ئەو بەبازاڕکردنەی کەوا بۆی دەکريت.

بۆ ئەوەی پڕۆسەیەکی سەرەوکەوتووی بەبازاڕکردنت هەبيت پيویستە ئەم خاڵانە لەبەرچاوبگریت:-

 

١-پێویستە کاڵاکە پێداویستیێکی بازاڕبێت، واتە پيویوستە کۆمپانیاکە بازاڕ شیبکاتەوە و دیراسەی تەواوی بازاڕ بکات تەنانەت بەر لەدروست کردنی کاڵاکەش، بۆ لێکدانەوەی ڕاددەی گونجاویەتی کاڵاکە، گەر کاڵای بەرهەمهينراو لەکاتی گونجا و شوێنی گونجاو بەبازاڕبکريت و کاڵاکەش پێویستیەکی بازاڕ بيت و چارەسەری کيشەیەک بکات، بێگومان تاکە ڕيگر لەسەرکەوتنی فرۆشتنی ئەم کاڵایە تەنها کاتە، ئەویش کاتيکی کەم، گەر وانەبيت، دەبيت پێداچوونەوەیەک بکەیت لە گونجاویەتی کاڵاکەت.

 

٢-بەر لە دەستکردن بە پڕۆسەی بەبازاڕکردن، دەبێت لێکدانەوەیەک بۆ تێچوو و داهاتی پرۆسەکە بکەیت، زۆرجار کۆمپانیاکان بەبي گوێ دانە خەرجی بەبازاڕکردن و کارمەندەکانی لەم پرۆسەیە بەشدارن، پارە خەرج دەکات لەکاتێک دا ئەو داهاتەی دێتەوە دەستی بەشی خەرجیەکانی ناکات، تا بگات بە قازانج، بەمەش پڕۆسەکە هەرزوو شکست دەهينيت، بەگوێرەی داهات و قازانج خەرجی بکە لە پرۆسەکە تاوەکوو پڕۆسەکە بۆ زۆرترین کات بەردەوام بيت کە ئەمەش سەرکەوتن دەدات بە پرۆسەکە.

 

٣- پڕو پاگەندە و ڕيکلام کردن کە یەکێکە لەو بنچینانەی لەم پڕۆسەیە بەکار دێن لەم بابەتە درێژەی ٧ تێکەڵەکەی بەبازاڕکردن بخوێنەوە، دەبيت زۆر بە زیرەکانە ئەنجام بدرێت.

واتا بۆ ڕێکلام کردن دەبيت شێواز و تەکتیکی سەردەم بەکار بيت، جگە لە تەنها پشت بەستن بە ڕێکلامی تیڤی  کە خەڵک لێی بێزاربووە ، یانیش لە ڕۆژنامە و گۆڤارەکانی کەوا هەموو خەڵکيک نای خوێنێتەوە هەوڵ بدە سۆشیان میدیا و ڤایبەر و تۆڕەکانی پەیوەندیکردن و ئەنجامدانی پێشبڕکێ و جۆرەها تەکنیکی تر بەگوێرەی جۆری کاڵاکەت.

 

٤-پێویستە پلانی بەبازاڕکردن واقیعی بێت و هەموو لایەنە نێگەتیڤ و ڕێگریەکان هەژمار بکەیت و هەوڵی چارەسەری گونجاو بدۆزیتەوە بۆیان، نابێت پشتگوێیان بخەیت، چونکە گەر وا نەکەیت لەکاتی خستنە بازاڕی کاڵاکە توشی شۆک دەبیت لەکاتێک کەوا کێشەکان بە شێوەیەک گەورە دەبێت کەوا کۆنترۆڵ ناکرێت، چونکە نووسین لەسەر کاغەز زۆر جیاوازە لەگەڵ واقع.

هەتا زووتر کێشەکان بدۆزرێنەوە، چارەسەرکردنی ئاسانترە.

 

٥-پێویستە پلانی بەبازارکردن گشتگیر بێت، نەوەک تەنها لەسەر ناوچەیەکی تایبەت یاخود چینێکی تایبەت بێت، یانیش تەنها کۆمەڵيک خەڵک بگریت و کۆمەڵێکی تر فەرامۆش بکەیت، بەم جۆرە دەگەیتە زۆرترین بەکارهينەر و زۆرترین فرۆشت دەبيت.

 

٦-نابێت ئەوەش لەبیر بکەیت کەوا چاوديری کۆمپانیاکانی تر بکەیت گەر بەرهەمی هاوشيوە هەبێت لەبازاڕ، ڕەنگە گەر بەرهەمێکی کەمتر لە کوالیتی بەرهەم بهێنیت لە هاوشێوەکانتک خێراترین شت کە پێت دەگات شکستە.

،

 

Tagged : /

به‌م ٥ بیرۆكه‌یه‌ خۆت موچه‌ی خۆت له‌ماڵه‌وه‌ دابین بكه‌

پرۆژەیەکی بچووک لە ماڵەوە

زۆرکەس وا دەخوازن کە پرۆژەیەکی تایبەتیان هەبێت یارمەتی دەربێت بۆ پەیداکردنی بژێوی ژیان. زۆر کەس پەنا دەبات بۆ کارکردنی پرۆژەی بچووک لە ماڵەوە بۆ کەم کردنەوەی کرێی دوکان و پارەی ئاو و کارەبا و باجدان و موچەی کارمەندان. بۆ دەستەبەرکردنی گەورەترین قازانج.

 

چەند بیرۆکەیەک بۆ کارکردن لە پرۆژەیەکی بچووک لە ماڵەوە

 

یەکەم : کاری دەستی

زۆر خەلک دەست ڕەنگینن لەکاری دەستی، هەروەها کارامەیی و بیرۆکەی زۆر نایابیان هەیە بۆ دروستکردنی زۆر شتی کاری دەستی بە هەموو جۆرەکانی. پێویستیە تایبەتەکانی ئافرەتان یاخود پێویستیەکانی ئۆتۆمبێل بە یەکێک لە زۆرترین کاری دەستی ویستراو دادەنرێت لە زۆربەی بازارە ناوخۆییەکان، لەگەڵ ئەوەشدا کەمی نرخی تێچوونی بۆ دروستکردنی و ئاسانیەکەی بێ ئەوەی پێویستی بە هیچ ئامێرێک هەبێت. دەتوانرێت یەکێک لە ژوورە بەتاڵەکان یاخود گەراجی ماڵەوە بەکاربهێنی بۆ شوێنی کارکردنەکەت بۆ دروستکردنی کاری دەستی.

دووەم : خواردن و شیرینەمەنیەکانی ماڵەوە

زۆر لە خانمان بەتایبەتی ئەوانەی زیرەکن لە دروستکردنی خواردن و شیرینەمەنی دەتوانن ئاستی بژێویان بەرزبکەنەوە لە ڕێگەی ئامادەکردنی خواردن و شیرینەمەنی بە گوێرەی داواکردنیان وە فرۆشتنیان بەنرخی گونجاو بە کڕیارەکان. وە دەتوانی دەست بەم پرۆژە بچووکە بکەیت لە رێگەی کردنەوەی لاپەرەیەکی فەرمی لە فەیسبووک یاخود لە یەکێک لە سایتەکانی  تۆڕە کۆمەڵایەتیەکان و نیشاندانیان لە لاپەڕەکە. هەروەها تایبەت بکرێ بە وەرگرتنی ویستراوەکان و لەگەڵیشیدا بتوانرێ خزمەتگوزاری گەیاندن تەرخان بکرێ.

سێ یەم : داینگە لەماڵەوە

ئەم بیرۆکەیە بۆ ئەو ئافرەتانە باشە کە کاتێکی زۆریان هەیە لەرۆژدا. تەنها ئەوەی پێویستە لەسەریان بڵاوکردنەوەی رێکلامی داینگەیە لەماڵەکەیدا لەسەر تۆرە کۆمەڵایەتیەکان یاخود بڵاوکردنەوەی رێکڵام لە رێکخراوە ناوخۆییەکان. وە وەرگرتنی منداڵان بۆ چەند کاژێرێکی دیاریکراو لە رۆژدا. بۆ سەرکەوتنی ئەم پرۆژەیە واباشترە ژوورێکی تایبەتیاخود شوێنێکی دیاریکراو لە ماڵەکەتدا دیاریبکەیت بۆ ئەوەی منداڵەکان بە ویستی خۆیان یاری بکەن لەوشوێنەدا. لەگەڵ ئەمەشدا پێویستە یارییە فێرکاریەکان و خۆشەکان بە گوێرەی تەمەنیان بۆیان تەرخان بکەیت.

چوارەم : بازرگانی ئەلیکترۆنی

زۆربەی خەڵک هێلی ئینتەرنێت و تۆرە کۆمەڵایەتیەکان بەکاردەهێنن بۆ کردنەوەی کۆگایەکی ئەلیکترۆنی و فرۆشتنی کەل و پەلی ئەلیکترۆنی هەمەڕەنگ. دەتوانرێ ئەمەش بەدەست بهێنرێت لە رێگەی دروستکردنی لاپەڕەیەک کە ناوێکی بازرگانی تایبەتی لە فەیسبووک هەبێت. وە نیشاندانی ئەم کەل و پەلانە لەم لاپەڕەیە. وە ڕێککەوتن لەگەڵ کڕیارەکان لەسەر نرخ و شێوازی دەستکەوتنیان.

 

پێنجەم : نیشتەجێکردنی قوتابیان

ئەم پرۆژەیە گونجاوە بۆ ئەوانەی خانووەکانیان گەورەیەوهەموو ژوورەکان بەکارناهێنن. وە لەم رێگەیەوە دەتوانی ژووری بەتاڵ ئامادە بکەیت بە شێوەیەک کە گونژاو بێت لەگەڵ پێداویستیەکانی قوتابیانی زانکۆ. وە دانانی دەروازەیەکی تایبەت بە خۆیان دوورلە دەروازەی سەرەکی مالڵەکەت. هەروەها دەتوانرێت گەراج یاخود کۆگاکان بەکاربهێنرێن بۆ ئەم مەبەستە. وە رێکڵام کردنی بوونی ژووری بەتاڵ بۆ قوتابیانی زانکۆ لە ماڵەکەتدا.

 

 

له‌م لینكه‌ی خواره‌وه‌ش زانیاری له‌سه‌ر چۆنیه‌تی ده‌ستكردن به‌ پڕۆكه‌ی خۆت بخوێنه‌وه‌

١٠ خاڵ بۆ دەستكردن بە پرۆژەیەکی تایبه‌ت به‌خۆت ؟

Tagged : / / / /

١٠ خاڵ بۆ دەستكردن بە پرۆژەیەکی تایبه‌ت به‌خۆت ؟

چەند هەنگاوێک بۆ دەستپێکردنی پرۆژەیەکی بچووک

زۆرکەس ویستی دۆزینەوە و نووسینی پرۆژە و کاری تایبەت بەخۆیان و دوورلە کەسانی تر هەیە، وە ئارەزووی بۆ سەربەخۆیی و کارکردن بەشێوەی تەنیایی و بەدەستهێنانی قازانج دەستکەوتی تایبەت بەخۆیان بێ ئەوەی هیچ کەسێک بەژدار بێت گەم دەستکەوتانە.
وە بۆ ئەوەی هەلبستی بەم جۆرە پرۆژانە پێویستە دوای چەند هەنگاوەک بکەویت بۆ دەستەبەری سەرکەوتن، وە لەو رێگایانەی کە دێن …

 

  1.  دۆزینەوە و دیاری كردنی بیرۆكه‌ و ئامانجێك بۆ بنیاتنانی پرۆژەكه‌ لەسەری ، وە دیاریکردنی بە ووردی و کارکردن بۆ بەدەستهێنانی ئەم ئامانجانە، لە پێناو دۆزینەوەی رێگاکان بۆ بەدەستهێنانیان و گرێنتی سه‌ركه‌وتنی پرۆژەکە.
  2.   دیاریکردنی ناو و لۆگۆی گونجاو بۆ پرۆژەکە کە هەلدەستێ بە دامەزراندنی. وەهەروەها پێویستە ناو و لۆگۆکە ڕه‌نگدانه‌وه‌ی خودی پرۆژەکە بێت. بۆیە پێویستە بەدلنیایی و رێکی دیاریبکرێت بۆ ئەوەی کڕیار بهێنێت بۆ پرۆژەکە و كڕیاره‌كان به‌ ئاسانی له‌ مانا و بیرۆكه‌ی كاره‌كه‌ت تێ بگه‌ن.
  3.  لێكدانه‌وه‌ی ئه‌وه‌ی ئایا دەتوانرێت بەتەنها هەڵستێت بەم پرۆژەیە یاخود پێویستی بە یاوەر هەیە بۆ دامەزراندنی ئەم پرۆژەیە و سەرکەوتنی؟ ئەگەر گەیشتە ئەنجامی ئەوەی پێویستی بە یاوەر هەیە ، پێویستە لەسەری یاوەری گونجاو و رێک هەڵبژێرێت بۆ هەڵستان بەم پرۆژەیە.
  4.  دانانی پلانێکی رێک و گونجاو بۆ هەموو ئەو پێداویستیانەی پرۆژەکە. وە دلنیا بوونەوە لە پلانەکان لە رێگەی گەنجینەی پرۆژەکە، وە خوێندنێکی تەواو بۆ بازارکردن و بەکارهێنانەکان.
  5.  کارکردن بۆ دانانی پلانی بە بازارکردن و ماركێتینگ بۆ بەرهەمەکانی پرۆژەکە، لەڕێگەی ریکلام کردن و کارکردنی تیمی تەواو بۆ هەلسان بە کاری بەبازارکردنی بەرهەمەکان و دۆزینەوەی بەکارهێنەری گونجاو.
  6.  دۆزینه‌وه‌ی سه‌رچاوه‌ و پاڵپشتی ماددی.یەکێک لە رێگە هەرە سەرکەوتووەکان بۆ سەرکەوتنی پرۆژەکە، کارکردن بۆ هەلسان بە دۆزینەوەی سەرچاوەی باش و دلنیا بۆ گەنجینەی پرۆژەکە. بۆ دلنیابوونەوەی بەردەوامی کاری پرۆژەکە و نەبرینی گەنجینەی پرۆژەکە، کە دەبێتە هۆی سەرنەکەوتنی پرۆژەکە.
  7.  هەڵسان بە هەموو کارە یاساییەکانی پێویست بۆ پرۆژەکە، وە ترسان لەپەیدابوونی کێشەی یاسایی پرۆژەکە بەرەو سەرنەکەوتن دەبات. وەهەروەها پێویستە خاوەن کار هەڵستێت بە دامەزراندن و تۆماركردنی كۆمپانیا یاخود هه‌ر جۆرێكی تر له‌ ڕه‌سمی بوون بۆ كاركردن و دامه‌زراندنی راوێژکاری یاسایی و ژمێریاری یاسایی بۆ هەلسان بە  هەموو کارە یاسایەکان. بێ ئەوەی هیچ هۆکارێک دروست بێت کە ببێتە هۆی وەستانی پرۆژەکە.
  8.  هەڵسان بەکاری خوێندنه‌وه‌ی تەواو لەسەر بەبازارکردن و پێویستیەکانی و کۆمپانیا کێبرکێکارەکان بۆی، هەرکەسێک هەستا بە دامەزراندنی پرۆژە هەڵدەستێ بە یەدەگ کردنی کەل و پەل و خزمەتگوزاریەکان کە بەشێوەی زۆر بەدەست ناکەوێت لە بازار.
  9.  به‌كارهێنانی ته‌كنه‌لۆجیای سه‌رده‌م و هۆكاره‌كانی ته‌كنه‌لۆجی چونکە بەکارهێنانی رێگەی نوێ دەبێتە هۆی سەرکەوتنی پرۆژەکە. لەرێگەی کەم کردنەوەی بەفیرۆدانی کاتی پێویست بۆ بەرهەمهێنانی کەل و  پەل و  کەم کردنەوەی  کادری مرۆڤی و کەم کردنەوەی بەفیرۆدانی پارە تا دەکرێت.
  10.  ئاگاردار بوون دیاری كردنی جیاکه‌ره‌وه‌كانی ئەو بەرهەمانەی کە پرۆژەکە بەرهەمی دەهێنێت بە ئاست وخەسڵەتی بەرز. دەبێتە هۆی هێنانی کڕیار بۆی و زیاد کردنی داواکاری لەسەری، واتا وه‌ڵامی ئه‌م پرسیارانه‌ بده‌وه‌:چی تۆ له‌ خه‌ڵكی تر جودا ده‌كاته‌وه‌؟ یاخود چی زیاد ده‌بێت گه‌ر تۆ ئه‌م كاره‌ بكه‌یت؟ كۆمه‌ڵگا چی قازانج ده‌كات؟ ئه‌گه‌ر ئه‌م پڕۆژه‌یه‌ نه‌كه‌یت كۆمه‌ڵگا چی زه‌ره‌ر ده‌كات؟ له‌گه‌ڵ ئه‌وه‌ش ده‌بێت هه‌موو هه‌ل و مه‌ترسیه‌كانیش لێك بدرێنه‌وه‌.

هەموو ئەو شتانە بەرەو دڵنیابوونەوە لە سەرکەوتنی پرۆژەکە دەبات و بەدەستهێنانی ئەو ئامانجانەی کە دانرابوو بۆ هەلسان بە پرۆژەکە. وەهەروەها بەدەستهێنانی قازانج و دەستکەوتی ویستراو.

 

Tagged : / / /

١٠١ ڕێگا بۆ فرۆشتن، چۆن ده‌بیته‌ فرۆشتیارێكی سه‌ركه‌وتوو:به‌شی سیه‌م

خۆ رێککاری کردن

١٤-دروست کردنی خۆرێککاری


خۆرێککاری چیە ؟ خۆرێککاری واتە بتوانی خۆت هه‌ست بکەی بە ئەوەی دەزانی پێویستە بکرێ و له‌كاتی پێویست بیكه‌یت، به‌بێ چاوه‌ڕوانی كردنی فه‌رمان له‌لایه‌ن كه‌سێكی تره‌وه‌. ئه‌مه‌ ئیرادەت بەهێز دەکات چۆن وەرزش لاشەت بەهێز دەکات.

١٥-پیشەگەر بە

واتا خۆت ڕێك بخه‌ به‌ر له‌ هه‌ر كارێك.خۆ ڕێك خستن و پێوانه‌ كردنی خود له‌ ئاستی باڵا و به‌كه‌م سه‌یر نه‌كردنی كاره‌كه‌ و خۆت،و گرینگی دان به‌ هه‌موو ورده‌كاریه‌كانی قسه‌ و جل و به‌رگ و كات و ساتی چاوپێكه‌وتن، هەموو کارەکانت شایانی پێوانەی بڵند دەکات.سەیری رۆلی پیشەگەری سامورای بکە. ئەو رازاندنەوەی خۆی و جلەکانی و سامانەکانی و لەشی و مێشکی دەپارێزێت بێ کەم و کورتی هەموو کاتێ. راهینانی جەستەیی و فیکری قوڵ و رێککاری هێزی پێ دەبەخشێ بۆ ژیان سات بە سات.

١٦-ئەوە بکە ئەوەی کەسە ناسەرکەوتووەکان نایکەن

پێوه‌ری باوی سەرکەوتن نامیلکەیه‌كی کلاسیکه‌ نووسراوە لەلایەن Albert E.N gray و بڵاوکراوەتەوە پێش 50 ساڵ.’ پێوه‌ری باوی سەرکەوتن’ بریتیه‌ له‌ خۆرێککاری و هاندانی خودی بۆ ئەنجامدانی ئەو شتانەی کە مرۆڤەکان نا سەرکەوتووه‌كان نایکەن. زۆربەی رێکخراوە سەرکەوتووەکان ئەوانەی بەشی راهێنانی فرۆشیاریان هەیە فێری چۆنیەتی ئەو رێکخستنانەیان دەکەن کە دۆزراونەتەوە بۆ کارکردن. كه‌چی هێشتا ، نوێنەری فرۆشتنەکان سەرناکەون چونکە ئەوان کار ناکەن بە گوێرەی ئەو رێنمایانەی کە کرابوون ، بۆچی ؟ چونکە ئەوان له‌ سه‌نگه‌ری کاری سەختن یان لەوانەیە رەتبکرێنەوە یان هەردووکیان. بۆ نمونه‌ وه‌ڵام دانه‌وه‌ی ته‌له‌فۆن به‌ ساردی له‌لایه‌ن كڕیار ، بۆیه‌ ئەگەر بەراستی بتەوێ سەرکەوتوو بیت ئەوا دەبێت خۆت رێکبخەیت بۆ ئەوی هەڵەی سەرنەکەوتووەکان دووبارە نەکەیتەوە.

چاوه‌ڕێش نه‌كه‌یت كه‌وا هه‌موو شته‌كان به‌ڕێوه‌به‌ره‌كه‌ت فێرت بكات. ده‌بێت خۆت خۆت فێربكه‌یت و ئاماده‌بیت بۆ هه‌موو بارودۆخه‌ چاوه‌ڕوان نه‌كراوه‌كان.

١٧-کاری سەخت


فرۆشتن پیشەیەکی داهات بەرزە چونکە کار و هەوڵی سەختی پێویستە ئەگەر ئاسان بێت ئەوا ئه‌و داهاته‌ی نابێت. بێنە پێش چاوت تۆ دەتەوێ سەرکەوتوو بیت لە فرۆشتن یان هەر بوارێکی تر تۆ پێویستە شتێک پێشکەش بکەیت لە به‌رامبه‌ر. لە زۆربەی حالەتەکان ، فرۆشتن کارێكی سەختە.

چاوڕوانی سه‌ختی به‌، ده‌بێت چ له‌ رووی ئارامگرتن یاخود به‌ كه‌م سه‌یركردن یانیش گوێ لێ ڕانه‌گرتن، تووشی هه‌موو ئه‌مانه‌ ده‌بیته‌وه‌، بۆیه‌ خۆتی بۆ ئاماده‌ بكه‌ و له‌سه‌ری ڕاهێنان بكه‌.

١٨-کار بکە لەکاتی خۆر بیرسکانەوە

کاتێک تۆ گەرمیت ، تۆ گەرمیت ! لەو رۆژانەی کەوا دەردەکەوێت باش دەروات ، مەوەستە کاتێک دەگەیت ڕادده‌ی فرۆشتنت كه‌ بۆت دانراوه‌ یان ئه‌و ژماره‌ پەیوەندیەی بۆت دانراوه‌. بەردەوامبوون و وەرگرتنی سوود له‌و ڕۆژه‌ی كه‌وا به‌ختت كراوه‌یه‌، به‌ره‌و سه‌ركه‌وتنی زیاترت ده‌بات.

 

١٩-خۆت بە خۆشبەخت بزانە ئەگەر کەسێکت هەبێت پشتگیریت بکا


ئەگەر تۆ خۆشبەخت بیت بەگوێرەی پێویست کە هاوسەرێکت هەبێت ، ئەندامی خیزان ، هاورێ ئەوەی کە چاودێریت دەکات بۆ ئەوەی وات لێبکات به‌خۆشی بژیت، تۆ لە راستیدا خۆشبەختیت.ئەگەر کەسێکت هەبێت لە جێگایەکەت  هەڵتستێنێت بەیانیان و دەرچونت بۆ کار ئەوە گرنگترینە بۆ سەرکەوتن لەپێش هەر ته‌كنیكێكی تری فرۆشتن كه‌ له‌ زۆربه‌ی كۆمپانیاكان ئه‌م خاڵه‌ زۆر گرینگی پێ ده‌درێت و ده‌پرسن كه‌وا هیچ كه‌سێك هه‌یه‌ به‌یانیان بانگت بكات. چونكه‌ كاركردن له‌كاتێكی زووی ڕۆژ زۆر گرینگه‌ بۆ سه‌ركه‌وتن و گه‌یشتن به‌ بازاڕ به‌ر له‌ هه‌ر ڕكابه‌رێكی تر.

٢٠-جیاوازیەکان کۆبکەرەوە بۆ خۆت

یەکێک لە یاسا سەرەکیەکانی بەردەوام بوون کاتە نەک کات دانانەوە. بۆت دەردەکەوێت مەحالە کاتی بازارکردن زۆربەی قازانجەکانی ساڵانە بێت . لە بازاری کۆگاکان تەنها 3 بۆ 5 رۆژی بازرگانی هەیە لە ساڵێک و هیچ کەسێک نازانێت ئەم رۆژە دیاریکراوانە کەی دەردەکەوێت بە هەمان شێوەی تۆپی پێ و یاری هۆکی و سەبەتە و یاریەکانی بیسبۆڵ بە گشتی دەبردرێتەوە لە دوو یان سێ یاریزان. ئەمە چی دەڵێت دەربارەی رۆڵی بەخت لە بازارکردن ؟ ئەگەر تۆ هەموو شتە راستەکان بکەیت ، تۆ لە شوێنە راستەکە دەبیت لە کاتە راستەکەدا. کاتێک ئەم دوو یان سێ یاریە روودەدەن تۆ دەتەوێ لە وێ بیت. بۆ ئەوەی لە وێ بیت بۆ ئەم یاریانە ، تۆ پێویستە خۆت رێک بخەیت بۆ رۆژی کارکردن و کارنەکردن. پەیوەندیەکان ئەنجام بدە و فرۆشیارەکان چاودێری خۆیان دەکەن.

 

له‌م لینكه‌ به‌شی یه‌كه‌می بابه‌ته‌كه‌ بخوێنه‌وه‌

 

له‌م لینكه‌ش به‌شی دووه‌می بابه‌ته‌كه‌ بخوێنه‌وه‌

Tagged : / / /

١٠١ ڕێگا بۆ فرۆشتن كه‌ ده‌تكات به‌ فرۆشیارێكی سه‌ركه‌وتوو:بەشی دووه‌م

 هەڵوێست و خوڕه‌وشت

 

٤-فەخر بە پیشەکەتەوە بکە

نووسەر Oliver Wendell Holmes دەڵێ
هەموو بانگ کردنێک گەورەیە کاتێک بە گەورەیی شوێنت دەکەوێت.
فرۆشتن واتە پیشەی خزمەتگوزاری ، هەموو کۆمەڵگای ئێمە بنیات نراوە لەسەر فکرەی خزمەتگوزاری. ئاینە سەرەکیەکانی جیهان پێمان دەڵێن ئێمە لێرەین بۆ خزمەتی یەکتری.

بۆیه‌ تۆش پێویسته‌ بزانی كه‌وا كاره‌كه‌ی تۆش پیرزۆترینه‌كانه‌ و ده‌بێت شانازیه‌كه‌ت له‌ چاوه‌كانت ره‌نگ بده‌نه‌وه‌ و وابكات كه‌وا كڕیار هه‌ستی پێ بكات. نابێت به‌كزی و به‌شه‌رمه‌وه‌ باسی كاڵا یاخود به‌رهه‌مه‌كه‌ت بكه‌یت و بێ متمانه‌یی ببه‌خشیت به‌ كڕیار كه‌ لاوازترین خاڵه‌ له‌ كه‌سی فرۆشیار

٥-تۆ به‌رپرسی بەرامبەر سەرکەوتنەکانت

سەرکەوتوو دەبی بەگوێرەی بڕیارەکانت،گه‌ر بڕیارت دا سه‌ركه‌وتووبی و باوه‌ڕت پێی هه‌بوو، وا ده‌بیت ،له‌ جیاتی ئه‌وه‌ی خه‌ریكی ئه‌وانی تر بیت كه‌وا چی ده‌كه‌ن یاخود ده‌بوو چی بكه‌ن. جه‌خت له‌سه‌ركاره‌كانی خۆت بكه‌وه‌.گرینگترین خاڵه‌كانت بنوسه‌و سه‌باره‌ت به‌ خدی خۆت و خاڵی به‌هێز و لاوازت،هه‌مان شتیش سه‌باره‌ت به‌ به‌رهه‌مه‌كه‌ت و ئامانجی به‌رهه‌مه‌كه‌ت، بە تێرامان له‌ ئامانجەکان و کێشەکان و ئاستەنگەکان لە ناوەوە تا دەرەوە .ده‌بێته‌ هۆی ئه‌وه‌ی هەموو ئاستی خۆت پێشکەش بکەیت ئەوا وا ده‌كات تۆ سەرکەوتوبیت. لەکۆتاییدا سەرنەکەوتن بڕیاری خۆمانه‌ وە سەرکەوتی هه‌مان شت، ته‌نها بیر و باوه‌ڕ له‌یه‌كیان جودا ده‌كاته‌وه‌، كه‌ هه‌ر ئه‌م خاڵه‌شه‌ جیاكاری نێوان فرۆشیاری سه‌ركه‌وتوو و سه‌رنه‌كه‌وتوو..

٦-خه‌یاڵ(التخیول)ی سه‌ركه‌وتن بكه‌ و پێشبینی بكه‌

پێشبینی كردن ئامێرێکی بەهێزی سەرکەوتنە.پێشبینی كردن دلنیا کردنەوەیە لە بیرکردنەوە و هەستکردن بەوەی کە تۆ بەراستی سەرکەوتوو بویت. بۆ ئەوەی بەراستی کاریگەر بی ،بۆ پێشبینی كردن و ته‌خه‌یول كردن دەبێ هەستەکانت بەکاربهێنی ( دەستلێدان – تامکردن – گوێ لێ بوون و دیمەن ) بینینی ئەنجامەکان رابتێكی بەهێزە لەناو هۆشماندا. کاتێک رابتێكی بەهێزمان هەبوو لە هزرمان ئەوا داهاتومان وەک خۆی دروستکردوە.

بیركردنه‌وه‌كانمان ئێمه‌یان كردووه‌ به‌و كه‌سه‌ی ئێستامان، گه‌ر بیرت كرده‌وه‌ سه‌ركه‌وتوو ده‌بیت یاخود شكست دێنیت ئه‌وا بێگومان به‌ ڕاست ده‌كه‌یت.

٧-هه‌میشه‌ سەرقاڵ بە

سەرقاڵبوونێکی تۆزێک کەم باری دەروونیت بە جێگیری دەهێڵێتەوە ، وا هەست دەکەی باشتری دەربارەی خۆت و پیشە و ژیانت.

به‌ڵام ده‌بێت سه‌رقاڵه‌یه‌كت تایبه‌ت بێت به‌ بواری فرۆشتن چونكه‌ وا ده‌كات كه‌وا به‌هره‌كانت زیاتر بن و له‌هه‌مان كاتیشدا وه‌ك كه‌سێكی لێهاتوو نیشانت ده‌دات.

بیر بكه‌وه‌ ئه‌گه‌ر زۆربه‌ی كاته‌كانی ڕۆژت به‌ خوێندنه‌وه‌ یاخود سه‌یركردنی ڤیدیۆ سه‌باره‌ت به‌ فرۆشتن و چۆنیه‌تی فرۆشتن یانیش له‌ كرداری فرۆشتن به‌ڕێ كرد، ئه‌وا تۆ نیوه‌ی ڕێگاته‌ به‌زیاتریش بڕیوه‌.

٨-بەکارهێنانی بەرهەمەکان و خزمەتگوزاریەکانت

کاتێک تۆ خۆت بەرهەم یان خزمەتگوزاریه‌كانت بەکاردەهێنی و کرداری فرۆشتن دەکەی. سوودەکانی بە کەسێتی دەکەیت و هه‌ستێكی ڕاسته‌قینه‌ت بۆ دروست ده‌بێت سه‌باره‌ت به‌ به‌رهه‌مه‌كه‌ و دووبارە هەستەکانت بۆ بەرهەم و خزمەتەکانت بەکاردەهێنی. باوەڕ بە کڕیارەکانت دەهێنی لەرێگەی بەڵگە و ئەو شارەزاییەی خۆت له‌كاتی به‌كارهێنان و بەرهەم و خزمەتگوزاریەکانت.

 

 

٩-ڕه‌وشتت لە سەروی زانیاریەکانت بپارێزە

لەگەڵ دەست پێ کردنی شتێکی نوێ ، زۆربەی کات ڕه‌وشتمان لەسەروی کارامەییەکانمانە،واته‌ زۆر به‌ڕێزه‌وه‌ هه‌ڵس و كه‌وت له‌گه‌ڵ خودی كاره‌كه‌ و پڕۆسه‌كه‌ و كڕیاره‌كانی ده‌كه‌ین. لەگەل بەرەو پێش چونی کارامەییە نوێکان وا دەردەکەوێ کە هەڵوێستەکانمان کەم دەبێت و كاره‌كه‌ به‌ كه‌متر سه‌یر ده‌كه‌ین و كه‌متر خۆمان به‌ كریاره‌كانه‌وه‌ ماندوو ده‌كه‌ین. پێویستە لەسەرمان کاربکەین لەسەر بنەمایەکی بەرز بەشێوەیەکی بەردەوام. وە دەتوانین دەست بە بریاردان  بکەین بۆ پاراستنی هەڵوێستەکانمان لەسەروی ئاستی کارامەییمان بەشێوەیەکی هەمیشەیی.

١٠-دەرچوون لە ناوچەی ئاسوودەیی

دەتوانین به‌سه‌ر داردا سه‌ربكه‌وین لەرێگەی دەستگرتن بە لقەکان نەک گوڵه‌كان. نابێت سه‌ره‌تا بۆ ئامانجه‌كه‌ بڕۆیت تاوه‌كو ته‌واو بیر نه‌كه‌یته‌وه‌ و پلانی ته‌واو بۆ ناسینی كه‌سه‌كه‌ كه‌ له‌گه‌ڵی داده‌نیشیت و ئه‌و شوێنه‌ی بۆی ده‌ڕۆیت دانه‌نێی و له‌كاتی گونجادودا نه‌ڕۆیت، ده‌بێت له‌ پێشووتر زیاتر له‌خۆت بكه‌یت و فشاره‌كان قبوڵ بكه‌یت و چاوه‌ڕێی ده‌ستكه‌وتی ئاسان نه‌بیت. هەروەها راهێنانی مێشکت لەسەر بیرکردنەوەی ئەرێنی واتە بڵێ (بەم شێوەیە دەتوانین بیکەین) نەک (ئەمەیە رێگر بۆیە نابێت).
نەویستن بەکەسیی وەرمەگرە
ئەگەر باوەر بە خۆت و ریکخراوەکەت و بەرهەم و خزمەتگوزاریەکانت هەبێت. ئەوا بیستنی ووشەی نەخێر شکست هێنان نیە لەسەر ئاستی تاکە کەسی ، بەگوێرەی یاسای مامناوەندی هەر “نەخێر”ەک یەک هەنگاو لە ” بەڵێ ” نزیکترت دەکاتەوە.

١١-سوپاسدار بە لە کاتە گرانەکان

فرۆشتن سەرکەوتن و شکست خواردنە. ناسینەوەی شکستەکان دەرفەتێکی بایەخدارە بۆ گەشەکردن. هەر فرۆشتنێک بێگوێدانە ئەنجامەکەی سەرچاوەیە بۆ دەستکەوتەکان و زیاتر زانینە. پەسەند کردنی شکستەکان وەک تاقیکردنەوەیە بۆ هێزە ناوەکیەکەت و بەرەنگاربوونەوەیە بۆ ئەوەی سەرکەوتن ببێتە ئەزموونت.ئێمە لە کارکردن هەڵبژاردنمان هەیە و دەتوانین بڕیارێک بدەین کە بێ ورەمان نەکات و دەستهەڵنەگرین لە کاتە قورسەکان.

١٢-ئارامگر بە

نووسەر E. Joseph Cossman دەڵێ
مەزنترین هێز ئارامگرتنێکی سادەیە
کرداری فرۆشتن کاتی پێویستە. فرۆشتنی نوێ بۆ چەند جارێک لەدوای یەک گرانە . ئێمە زۆربەی جار کاتمان پێویستە بۆ روودانی شتەکان. پێویستە تێبگەین کە پێشکەوتن بە هێمنی دەکردرێت و نابێت پەرۆشیمان کەم بکاتەوە. لەراستیدا ئارام گرتن رەوشت بەرزیە. پێویستە ئەوەمان لە یاد بێت قازانج ناکەین پێش وەبەرهێنان یان ( ناتوانین دروێنە بکەین پێش رواندن ). هەروەها وەبەرهێنانی هەزار دۆلار بۆ هەر ساڵێک ئەگەر نزیکەی 8% پەرەبسەنێت ئەوا دەبێتە نیو ملیۆن دۆلار لە چل ساڵ. بە وەبەرهێنانی پارە و کات و ئارامگرتنی ئێمە دەبێتە هۆی سەرکەوتن.بیر بکەوە لە ئارامگرتنەکەت هەروەک سەرچاوەیەکی یەکسان لەگەل سەرچاوەی دیکەت. جێبەجێ کردنی بنەمای ئاوێتە بوون بۆ هەموو هەوڵەکانت تۆ قازانجێکی زۆر گەورە بەدەست دەهێنی.

١٣-زیاترینت بکە !

هیچ کەس ناتوانێت ژمارە یەک بێت ، بەڵام هەموومان دەتوانین ئەوەی لە توانامانە پێشکەشی بکەین . ئەگەر ئەوەی لە تواناتە پێشکەشی بکەیت ئەوا بە لایەنی کەمەوە تەنها کەسێک دڵ خۆش دەکەیت.

بۆیه‌ هیچ كڕیارێك به‌كه‌م مه‌گره‌. هه‌مووكڕیاره‌كان مافی ته‌واویان پێ بده‌ و كاتی ته‌واویان پێ بده‌. ته‌نها به‌ڕووخساریان بڕیار مه‌ده‌ و كڕیار له‌كۆڵ خۆت مه‌كه‌وه‌.ڕه‌نگه‌ كه‌سێك كه‌وا به‌ كڕیارت دانه‌نابێت و ببێته‌ گه‌وره‌ترین كڕیارت و كه‌سانی دیكه‌شت بۆ رابكێشیت.

به‌شی یه‌كه‌می بابه‌ته‌كه‌ لێره‌ بخوێنه‌وه‌

چاوه‌ڕوانی به‌شی سێیه‌م بن.

Tagged : / / /