شکستی کۆمپانیاکان لە سەردەمی کۆڕۆنا، بزنسەکەت بپارێزە

٤ کۆمپانیای زەبەلاح بەرەو ئیفلاس بوونن بەهۆی پەتای کۆڕۆنا.

هەرگیز بیر مەکەوە جیهانی پێش #کۆڕۆنا و دوای #کۆڕۆنا وەکنیەک دەبێت، بە دەیان بزنسی گەورە لەناو چوون و بەردەوام لەناو دەچن و بە پؽچەوانەش بە دەیان بزنس لەدایک دەبن. هەردوکیشی هۆکارەکەی ئەو ڤایرۆسەیە کە بە #covid19 ناسراوە.

١- یارمەتیدانی حکومەت بۆ بزنسەکان بەتایبەت ئەوانەی پەیوەستن بە شوێنی فیزیکی زۆر گرینگە لەو کاتانەدا بۆ مانەوەیان و ڕوونەدانی کارەساتی بێکاری و نەمانی هەلی کار.

٢- خۆگونجاندنی کۆمپانیاکان بۆ بارودۆخە تازە و لەناکاوەکان فاکتەرێکی سەرەکی مانەوەی بزنسەکان دەبێت.

 

 

٣- سوود وەرگرتن لەو بارودۆخە تازەیە، چاوەڕوانی گەڕانەوەی جیهانی بەر لە کۆڕۆنا بەرەو شکستێکی حەتمیت دەبات، ئەو گۆڕانکاریەی کۆڕۆنا دروستی کرد بەچەند مانگێک، جیهان پێشبینی دەکرد بە چەندین ساڵ ڕووبدات بۆیە شۆکەکە گەورە بوو بۆ کۆمەڵێک کەس، بۆ دەرهاتن لەو شۆکە هێشتا چاوەڕوانی نەمانی ئەو پەتایە دەکەن.

 

 

 

٤- ئاوێتە کردنی تەکنەلۆجیا لەگەڵ بزنسەکەت، جا هەر بزنسێک بێت بە فاکتەرێکی گرینگ دادەنرێت بۆ ڕزگارکردنی بزنسەکەت و مانەوەت لە بازاڕ، جا فەرق ناکات بزنسەکەت گەر چ جۆرێک بێت و لە هەر سێکتەرێک بؽت.

گەر تا ئێستا دژیایەتی بەکارهێنانی تەکنەلۆجیات کردووە لەگەڵ کارەکەت، ئێستا ناچاری و مانەوەی بزنسەکەت و کارمەندەکانت لەسەر کارەکەت، زۆر گرینگترە لە ڕای تایبەتی خۆت. سەیریبئەو وێنەیە بکە بزانە ئەو کۆمۆانیا زەبەلاحانە چۆن ئیفلاسیان هێنا، خۆنتۆنلەوان گەورەتر نیت.
لەگەڵ ڕێزم.

 

ڕابەر کەریم
بەڕیوەبەری کۆمپانیای جیاساز

Tagged : /

٦ هۆكار بۆ هۆكاری شكستهێنانی پڕۆژه‌ی نوێ وریابه‌ به‌ر له‌ ده‌ستكردن به‌ هه‌ر پڕۆژه‌یه‌ك

به‌پێی یه‌كێتی پڕۆژه‌ی بچوك له‌ سه‌دا ٣٠% ئه‌و پڕۆژه‌ بچوكانه‌ی كه‌ ده‌یبینین، شكست دێنن له‌ ساڵانی سه‌ره‌تای كاركردنیان،

وه‌ له‌ سه‌دا ٥٠%،له‌ ٥ ساڵی یه‌كه‌م، وه‌ زیاتر له‌ سه‌دا ٦٦% له‌ پڕۆژه‌ تازه‌كان، تووشی شكست و له‌ناوچوون ده‌بنه‌وه‌ له‌ ١٠ ساڵی یه‌كه‌میان.

ته‌نها له‌ سه‌دا ٢٥% له‌مانه‌ سه‌ركه‌وتوو ده‌بن بۆماوه‌ی ١٥ ساڵ یان زیاتر.

 

پێویست به‌وه‌ ناكات تۆ بترسی له‌ شكست، ئه‌گه‌ر بیرت له‌ كار و پڕۆژه‌یه‌ك كردۆته‌وه‌، هه‌موو ئه‌وه‌ی له‌سه‌رته‌ بزانی، ته‌نها هۆكاری سه‌ركه‌وتن و شكست خواردنه‌كه‌یه‌.

زۆرێك له‌ پڕۆژه‌كان به‌هۆی لاسایی یاخود خه‌ونێك دروست ده‌بن، خاوه‌نه‌كانیان به‌ حه‌ماسه‌تێكی زۆره‌وه‌ و به‌ په‌له‌ په‌ل ده‌ست ده‌كه‌ن به‌ پڕۆژه‌كانیان، چه‌ند لایه‌نێكیان بیر ده‌چێت كه‌ بیری لێبكه‌نه‌وه‌، ئه‌وانیش كڕۆكی سه‌ره‌كی سه‌ركه‌وتن یاخود شكستن.

ده‌توانیت له‌م بابه‌ته‌ش بیرۆكه‌ی كار و پڕۆژه‌ی تایبه‌ت به‌خۆتت وه‌ربگریت

له‌م ٦ خاڵه‌ سه‌ره‌كی ترین خاڵه‌كان ڕوون ده‌كه‌ینه‌وه‌ كه‌وا له‌ كۆمه‌ڵگای خۆماندا باوترینن.

 

١-ده‌ست پێكردنی پڕۆژه‌ ، به‌بێ لێكۆڵینه‌وه‌ له‌ هه‌بوونی بازاڕ:

به‌ڵێ، ئه‌وه‌ هۆكاری یه‌كه‌م و گرینگترینیانه‌ له‌ بازاڕ كردن، زۆربه‌ی خاوه‌ن پڕۆژه‌كان به‌بێ ئه‌وه‌ی به‌دواداچوون بكه‌ن له‌وه‌ی كه‌ ئایا بازاڕ هه‌یه‌ بۆ ئه‌و كاڵایه‌ی ئه‌وان ده‌یانه‌وێ، ته‌نها له‌ترسی ئه‌وه‌ی كه‌ نه‌وه‌ك بیرۆكه‌ی كاره‌كه‌یان بدزرێت، له‌كه‌س ناپرسن، ئه‌مه‌ش تاوه‌كو كاتی ڕاگه‌یاندنی پڕۆژه‌كه‌، هیچ به‌ كه‌س ناڵێن، ئه‌مه‌ش به‌ركه‌وتن له‌گه‌ڵ واقیع دروست ده‌كات له‌كاتی چوونه‌ ناو بازاڕ به‌وه‌ی كه‌ ده‌بینیت هیچ خواستێك له‌سه‌ر ئه‌و كاڵایه‌ نیه‌ كه‌ تۆ هێناوته‌.

له‌یه‌ك باردا ده‌توانیت ئه‌وه‌ بكه‌یت، ئه‌ویش پێویستی بۆ بازاڕ دروست بكه‌یت، بۆ ئه‌و كاڵایه‌ی تۆ هه‌ته‌، له‌هه‌مان كاتدا ڕۆشنبیری كڕیاریش به‌رز بكه‌یته‌وه‌، ئینجا دوای ماوه‌یه‌ك ده‌ست به‌ فرۆشتن بكه‌یت، كه‌ ئه‌مه‌ش كارێكه‌ به‌ كه‌مترین كه‌س ده‌كرێت، مه‌گه‌ر شاره‌زایێكی ماركێتینگ و به‌بازاڕكردن كارت له‌گه‌ڵ بكات.

 

٢-كێشه‌ی پلانی جێبه‌جێكردن:

له‌گه‌ڵ بڵاوبوونه‌وه‌ی زانیاری و ئاسانی به‌ده‌ستگه‌یشتنی له‌ ڕۆژگاری ئه‌مڕۆ ، ئاسانه‌ بۆ هه‌ركه‌سێك پڕۆژه‌یه‌كی تایبه‌تی خۆی هه‌بێت، ده‌توانێت خوێندنه‌وه‌ی بۆ بكات له‌سه‌ر چۆنیه‌تی دروستكردن و بنیاتینانی و توێژینه‌وه‌یه‌كی وورد بۆ كاره‌كانی.

وه‌كو ده‌زانین ئه‌م زانیاریانه‌ یارمه‌تی ده‌رن بۆ دانانی پلان بۆ پڕۆژه‌كه‌ت، به‌ڵام ترسه‌كه‌ له‌وه‌ نیه‌ كه‌ پلانی جێبه‌جێكردنت نه‌بێت بۆ ساڵێك یان دوو ساڵ، ترسه‌كه‌ له‌ ناڕێكی پلانه‌ سه‌ره‌كیه‌كه‌یه‌ ، ئه‌ویش له‌  واقیعی نه‌بوونی ئامانجه‌كان، نه‌بوونی پلانی ته‌واو بۆ هه‌موو سه‌رچاوه‌ مرۆییه‌ سه‌ره‌كییه‌كان، وه‌رنه‌گرتنی كاتی ته‌واو بۆ پلان دانان و په‌له‌ كردن لێی، هه‌روه‌ها له‌ بڕیاردان ده‌رباره‌ی كات و شوێنی گونجاو بۆ ده‌ست كردن و جێ به‌جێ كردنی پڕۆژه‌كه‌.

پلانی باش یارمه‌تیت ده‌دات له‌ ئامانجی ڕوون و دیاری كراو، له‌كاتی دیاری كراو، له‌گه‌ڵ ئه‌وه‌ش یارمه‌تی ده‌ر ده‌بێت بۆ زانینی تێچووی پڕۆژه‌كه‌ به‌ درێژایی كاتی كاركردنت.

 

٣-نه‌مانی پاره‌ی ته‌رخانكراو:

یه‌كێك له‌ ناخۆشترین حاله‌ته‌كان كه‌ توشی پڕۆژه‌ تازه‌كان دێت، دوای ئه‌وه‌ی سه‌ركه‌وتن به‌ده‌ست دێنن له‌ بازاڕه‌ تازه‌كه‌یان، دوای ساڵێك كار كردن، ڕه‌نگه‌ توشی شۆكی نه‌مانی پاڵپشتی دارایی ببن یاخود ئه‌و بودجه‌ی كه‌ ته‌رخانیان كردووه‌ نامێنێت.

چ سوودێكی هه‌یه‌ گه‌ر خاوه‌نی ڕۆز ڕۆیسێكی دوا مۆدێل بیت و پاره‌ی به‌نزین تێكردنت نه‌بێت، بزنسه‌كه‌ی تۆش به‌هه‌مان شێوه‌یه‌، ده‌بێت بایی ئه‌وه‌نده‌ بودجه‌ت بۆی ته‌رخان كردبێت كه‌ زیاتر له‌ ساڵێك به‌رگه‌ بگرێت، هه‌تا ئه‌گه‌ر داهات و قازانجیشی كه‌م بوو له‌م ساڵه‌دا.

 

٤-هه‌ڵبژاردنی شوێنێكی نه‌گونجاو بۆ كاره‌كه‌ت:

ئه‌گه‌ر كاره‌كه‌ت له‌و جۆرانه‌یه‌ كه‌ پێویستی به‌ ژماره‌یه‌كی زۆری سه‌ردانیكه‌ر هه‌یه‌ ڕۆژانه‌، وه‌ك چێشتخانه‌ ، سوپه‌رماركێت، كافتریا یان هه‌ر كارێكی هاوشێوه‌، هه‌ڵبژاردنی شوێن ده‌بێت زۆر زیره‌كانه‌ و له‌سه‌ر خۆیی بكرێت، چونكه‌ ڕۆڵی سه‌ره‌كی ده‌بێت له‌ سه‌ركه‌وتنی كاره‌كه‌ت.

ڕۆژانه‌ چه‌ندان خواردنگه‌ و شیرینی و دوكان و پڕۆژه‌ ده‌بینین، كه‌ ته‌نها دوای ماوه‌یه‌كی كه‌م له‌ كردنه‌وه‌یان داده‌خرێن و ده‌بینین لافیته‌یه‌ك له‌سه‌ری دراوه‌ بۆكرێ یاخود بۆ فرۆشتنه‌؟ دڵنیام ڕۆژانه‌ به‌رچاوت كه‌وتووه‌.

تۆ ناكرێت دوكانێكی شیرینی گه‌وره‌، له‌ناو شوێنێكی پیشه‌سازی بكه‌یته‌وه‌.

به‌ڵام ده‌كرێت دوكانێك بۆ فرۆشتنی كه‌ل و په‌لی سه‌لامه‌تی كرێكار و خاوه‌ن كاره‌كان بكه‌یته‌وه‌، ئه‌مه‌ ڕێژه‌ی سه‌ركه‌وتنت له‌كاره‌كه‌ زیاتر ده‌كات.

ئه‌مه‌ جگه‌ له‌وه‌ی كه‌ بۆ هه‌ندێك پڕۆژه‌ ، شوێنی پڕۆژه‌كه‌ له‌ ئۆنلاین و له‌سه‌ر ئینته‌رنێت زۆر گرینگتره‌ له‌ شوێنه‌كه‌ی له‌سه‌ر زه‌وی، وه‌ك پڕۆژه‌كانی فێركردن و خولی ئۆنلاین، یاخود كۆمپانیاكانی فڕۆكه‌وانی، هۆتێله‌كان كه‌ زۆرێك له‌ كڕیاره‌كان له‌ ئینته‌رنێتدا به‌دوایان ده‌گه‌ڕێن و لێیان ده‌كڕن.

 

٥-ده‌ستگرتن به‌ پلانی خاڵی یه‌كه‌م و نه‌گۆڕینی به‌درێژایی كات:

سه‌ره‌ڕای ئه‌وه‌ی كه‌وا جێبه‌جێكردنی ئه‌و پلانه‌ی كه‌ داتناوه‌ زۆر گرینگه‌ و ده‌بێت وه‌هاش سه‌یر بكرێت، به‌ڵام گرینگتر نیه‌ له‌و واقیعه‌ی تێیدایت. چونكه‌ زۆرجار واقیعی بازاڕ یاخود كڕیاره‌كانت گۆڕانكاری به‌سه‌ردادێت، یاخود هه‌لی كاركردنت له‌ بازاڕێكی تر و جۆره‌ كڕیارێكی تر زیاتربێت،بۆیه‌ ده‌بێت نه‌رمی نواندن هه‌بێت له‌ گونجانی پلان له‌گه‌ڵ واقیعی ڕۆژگار.

ڕه‌نگه‌ زۆرجار دوای ماوه‌یه‌ك چه‌ند كاڵایێكیت لابده‌یت و چیتر كاریان له‌سه‌ر نه‌كه‌یت، گرینگی زیاتر به‌و كاڵایانه‌ بده‌یت كه‌ زۆرترین داواكاری له‌سه‌ره‌ له‌جیاتی ئه‌وه‌ی كڕیار بۆ كاڵا نه‌فرۆشراوه‌كانت بدۆزیته‌وه‌ ته‌نها له‌به‌ر ئه‌وه‌ی له‌ پلانه‌كه‌تدا نووسراوه‌ ده‌بێت ١٠٠ دانه‌ی لێ بفرۆشیت.

ئه‌وكاته‌ بۆخۆت بقۆزه‌وه‌ بۆ بره‌ودان به‌ كاڵا باوه‌كانت.

 

٦-په‌له‌ كردن له‌ فراوان كردن و گه‌وره‌كردنی كاره‌كه‌ت:

سه‌ره‌تا سه‌ركه‌وتن، دواتر فراوان كردن.

یاسایێكی زۆر ساده‌ هه‌یه‌، ١-دروست كردنی پڕۆژه‌یه‌كی سه‌ركه‌وتوو —>٢-سه‌رخستنی پڕۆژه‌كه‌ —->٣-فراوان كردنی پڕۆژه‌كه‌.

تۆ ناتوانی له‌ خاڵی یه‌كه‌مه‌وه‌ ڕاسته‌وخۆ بڕۆیت بۆ خاڵی سێیه‌م.

هه‌تا ڕاسته‌وخۆ دوای سه‌ركه‌وتنی تازه‌ش، نابێت ده‌ست به‌ فراوان بوون بكه‌یت، ده‌بێت سه‌ره‌تا بزانیت چۆن شوێنی خۆت له‌ بازاڕه‌كه‌ جێگیر ده‌كه‌یت و هه‌موو ئه‌و خاڵانه‌ ڕه‌چاو بكه‌یت كه‌وا پارێزگاری له‌ مانه‌وه‌ت ده‌كه‌ن به‌ سه‌ركه‌وتوویی.

دواتر پلان دابنێ و هه‌مان خاڵه‌كانی سه‌ره‌وه‌ دووباره‌ بكه‌وه‌ بۆ سه‌ركه‌وتنی لقی دووه‌م و فراوانتر كردنی كاره‌كه‌ت. گه‌ر وانه‌بێت، ناوبانگ و كوالیتی كاره‌كه‌ت له‌ده‌ست ده‌ده‌یت، به‌مه‌ش ئه‌وه‌ی پێشتریش كردوته‌ له‌ناوی ده‌به‌یت.

یه‌كێك له‌ به‌ڕێوه‌به‌ره‌كانی كۆمپانیای ستاربه‌كس دوای ئه‌وه‌ی زۆرترین لقی له‌م كۆمپانیایه‌ كرده‌وه‌ و ناوبانگێكی گه‌وره‌ی بۆ دروست كرد و له‌زۆربه‌ی شوێنه‌كان زۆرترین به‌رهه‌میش له‌ قاوه‌ و جۆره‌كانی فرۆشت، به‌ڵام ده‌ركرا، ده‌زانن بۆچی؟

له‌به‌ر ئه‌وه‌ی قازانجی كۆمپانیا زۆر كه‌می كرد، به‌چی ده‌چێت كه‌ تۆ زۆرترین لقت هه‌بێت و خه‌رجیه‌كانت له‌ ئاسمان بن و داهات و قازانجت له‌ژێر زه‌وی.

بۆیه‌ فراوان بوونێكی هاوسه‌نگ، ده‌بێت قازانجیشی له‌گه‌ڵ بێت.

 

به‌هیوای سه‌ركه‌وتن له‌ پڕۆژه‌ نوێكانتان

ڕابه‌ر كه‌ریم به‌كر

به‌ڕێوه‌به‌ری كۆمپانیای جیاساز بۆ خزمه‌تگوزاری و چاره‌سه‌ری ته‌كنه‌لۆجی

 

Tagged : / / /

بۆچی ده‌وڵه‌مه‌ند و سه‌رمایه‌داره‌كان ڕۆژانه‌ یه‌ك جۆر جل و به‌رگ ده‌پۆشن؟

ئه‌گه‌ر كه‌سانێك هه‌ن به‌رده‌وام په‌نا ده‌به‌نه‌ به‌ر خۆڕازاندنه‌وه‌ و له‌به‌ركردنی جل و به‌رگی جوان و به‌رده‌وام به‌دوای دواین مۆدێلی جل و به‌رگه‌وه‌ن،له‌ به‌رامبه‌ردا چه‌ندان كه‌سایه‌تی گه‌وره‌ و ده‌وڵه‌مه‌ند هه‌یه‌، كه‌ به‌رده‌وام به‌ یه‌ك جل و به‌رگه‌وه‌ ده‌رده‌كه‌ون و ده‌یانه‌وێت پارێزگاری له‌ شێوه‌ ساده‌كه‌ی ژیانیان بكه‌ن.

 

یه‌كێك له‌و كه‌سایه‌تییه‌ دیار و ده‌وڵه‌مه‌ندانه‌ ( مارك زوكربێرگ) ی دامه‌زرێنه‌ری تۆڕی كۆمه‌ڵایه‌تی فه‌یسبووكه‌، كه‌ زۆربه‌ی كاته‌كان به‌ (تیشێرت) ێكی ڕه‌نگ (خۆڵه‌مێش)یی و كاوبۆیه‌ك (جینز)ێكه‌‌وه‌ ده‌رده‌كه‌وێت.

له‌وكاته‌ی پرسیاریان لێكردووه‌ كه‌ بۆچی به‌رده‌وام به‌ یه‌ك جۆر جل و به‌رگه‌وه‌ ده‌رده‌كه‌ویت، له‌كاتێكدا له‌ تواناتدا هه‌یه‌ باشترین و جوانترین جل و به‌رگ بپۆشیت و به‌ جوانترین به‌رگه‌وه‌ ده‌ربكه‌ویت، (مارك زوكربێرگ) گوتویه‌تی، هۆكاره‌كه‌ی ئه‌وه‌یه‌ كه‌ من سوورم له‌سه‌ر ئه‌وه‌ی،هه‌موو كاته‌كانم بۆ ئه‌و بڕیارانه‌ ته‌رخان بكه‌م كه‌ خزمه‌تی خه‌ڵكی ده‌كه‌ن، نه‌ك ئه‌وه‌ی كاته‌كانم بده‌م به‌ دیاریكردن و هه‌ڵبژاردنی جل و به‌رگ بۆ خۆم.


دامه‌زرێنه‌ری كۆمپانیا ئه‌پڵ ( ستیڤ جۆنز) ی كۆچكردووش هه‌مان شێوه ‌بوو، زۆربه‌ی كاته‌كان به‌ پانتۆڵێكی (شین) و كراسێكی (ڕه‌ش) و پێلاوێكی وه‌رزشییه‌وه‌ ده‌رده‌كه‌وت.

ئه‌و شێوازه‌ پۆشینه‌ی دامه‌زرێنه‌ری (ئه‌پڵ) له‌لایه‌ن به‌شێك كارمه‌ندانی كۆمپانیاكه‌وه‌ چاوی لێده‌كرا و به‌هه‌مان شێوه‌ جل و به‌رگیان ده‌پۆشی،تا ئه‌وه‌ی ئه‌و بیرۆكه‌یه‌ له‌لای (جۆنز) چه‌كه‌ره‌ی كرد كه‌ كارمه‌ندانی كۆمپانیاكه‌،یه‌ك شێوه‌ جل و به‌رگ بپۆشن، به‌ڵام بیرۆكه‌كه‌ی ڕه‌تكرابووه‌وه‌ و قه‌بوڵ نه‌كرابوو.


هه‌روه‌ها (باراك ئۆباما) سه‌رۆكی ویلایه‌ته‌ یه‌كگرتووه‌كانی ئه‌مریكا، كه‌ زۆربه‌ی جاران به‌ جل و به‌رگێكی (شین) ه‌وه‌ ده‌رده‌كه‌وێت، گوتوویه‌تی” زۆر بایه‌خ به‌ جل و به‌رگ ناده‌م،یان چی ده‌پۆشم و چی ده‌خۆم،چونكه‌ چاودێری كاروبارێكی زۆر گرنگ و بایه‌خدار ده‌كه‌م،و له‌سه‌رمه‌ خۆمی بۆ ته‌رخان بكه‌م و ئاگاداری بم.


به‌ڵام ئه‌وه‌ی كه‌ بیرمه‌ندی بلیمه‌ت (ئه‌لبێرت ئه‌نیشتاین) له‌ زۆربه‌ی وێنه‌كانیدا به‌ جل و به‌رگی جوان ده‌ركه‌وتووه‌،هۆكاره‌كه‌ی ئه‌وه‌یه‌ كه‌ ناوبراو شه‌یدای جل و به‌رگی لۆكه‌ی فراوان و پێلاوی ته‌نك بووه‌.

ئه‌مانه‌ هه‌مووی ئه‌وه‌مان فێر ده‌كات كه‌وا كه‌سانێك كه‌وا زیاتر له‌ جیهانی بیر و فیكردا ده‌ژین، ده‌گه‌ن به‌ داهێنان و سامانداری و ناوبانگ.

زیاتر له‌و كه‌سانه‌ی كه‌وا له‌ جیهانی شته‌كان و جیهانی كه‌سه‌كان دا ده‌ژین و گوێ به‌ قسه‌ی خه‌ڵكی ده‌ده‌ن و زۆر خه‌ریكی جل و به‌رگیان،

سه‌رچاوه‌

 K24 – هه‌ولێر

Tagged : / / /

چۆن دەبیتە بزنس مانێکی سەرکەوتوو؟ بنه‌ماكانی بازرگانی سه‌ركه‌وتوو چیه‌؟

چۆن دەبیتە بزنس مانێکی سەرکەوتوو؟

هەموکەسێک لە ژیانیدا خاوەنی چەند خەونێکە بەڵام خەونی کارێکی باش و گونجاو خەونی هەموو مرۆڤەکانە، بۆیە زۆر گرنگە بۆ هەر کەسێک بزانێت چۆن ببێتە دەستی کارێکی سەرکەوتوو،

ئەمانە کۆمەڵێک پۆینتن کە یارمەتیدەرن بۆتۆ گەر ئەتەوێت ببیتە بسنس مانێکی سەرکەوتوو:

 

1-بەهێزکردنی ئاستی زانیاریی:

 

بەهێزکردنی ئاستی زانیاریی و خۆ ڕۆشنبیرکردن کارێکی زۆر گرنگە بۆ کەسێک بیەوێت ببێتە بزنسمان، زانینی زانیاریی گشتی و بوونی مێشکێکی فراوان وادەکات تێبگەیت خەڵکی چییان دەوێت و چییان لا پەسەندە، بەهێزکردنی ئاستی زانیاریش بە چەند ڕێگەیەک مرۆڤ دەتوانێت بەدەستییان بهێنێت لەوانە:

#بوونی بڕوانامەی خوێند و تەواو کردنی کۆلێج

#بەژداریکردن و ئامادەکردنی سیمینار و کۆڕو کۆبوونەوەو ۆرکشۆپەکان

# بەژداریکردنی trade school(ئەمەیەن لەو خوێندنگە کانی وڵاتە پێشکەووتووەکان ئەنجام دەدرێت کە خوێندکار ڕادەهێنرێت لەسەر ئیش و کار بەتایبەت لە کاتەکانی پاش تەواو بوونی خوێندن و کۆرسەکانی پشووی هاوینەدا)


2-ڕێكخستنه‌وه‌ی كاره‌كانی ماڵەوە:

بۆ ئەوەی لەکارەکەت سەرکەوتوو بیت پێویستە ئەرکەکانی ماڵەوەت ڕێکبخەیت تا بتوانیت بەباشی و بە مێشکێکی فراوان و بیرێکی هۆشمەندانە بڕیاڕ لەسەر کارەکانی پیشەکەت بدەیت، هەرگیز کارو بارودۆخی ماڵەوە کارنەکاتە سەر کار و پیشەی دەرەوەت، هەروەها بە فیڕۆ نەدانی کات، لەپاش تەواو بوونی کار سێرج کردن و بەدوادا گەڕان لە یوتوب و ماڵپەڕەکانی تایبەت بەو بوارە.


3-پەرەپێدانی پەیوەندییەکان:

ئەوکەسەی بزنسمانە وەک تۆڕێکی نێتۆرکین وایە، پێویستە پەیوەندییەکان بە هێزبن لە خەڵکی و لەگەڵ بزنسمانەکانی تردا، ناسینی کەسانی گونجاو بەتوانا یارمەتیدەرە لەسەرکەوتنی کارەکەتدا،ڕەنگە پرسیارێک لە یەکێک لە کۆبوونەوەکانت لەگەڵیاندا ببێتە هۆی چارەسەرکردنی کۆمەڵێک کێشەو گرفت کە یەتە ڕێگات لە کارەکەتدا، هەرگیز نابێتە کەسێکی سەرکەوتووگەر پێت وابێت بە بێ پرسیارکردن سەرکەوتوو دەبیت، پێویستە هەمیشە ڕاوبۆچونی دەوروبەرەکەت وەربگریت لەسەر کارەکەت هەمیشەش باشترو نزیکتر خێزانەکەت و خانەوادەکەتە ، هەروەها گەر لە شوێنێک کاردەکەیت بەڕێوبەری کارەکەت ڕا و بۆچونەکانی وەربگرە یاخود مامۆستای وانەکانت هەمووان ئەزمونێکیان هەیە کە یارمەتیت دەرن بۆ بە دیهێنانی خەونەکەت.


4-پلاندان و ڕێکخستنەکان:

دانانی پلانەکان و ڕێکخستنیان بە پێی جیاوازییان باشترینەکان لە هێڵەکانی سەرەوە و دانانی بەرنامەکانی ڕۆژانەو کارکردن لەسەریان.


5-تەواو کردنی پرۆجێکتەکان:

کارەکان تەواوبکە و بە نیوە جێیان مەهێڵە، ناکرێت بە هۆی ئاستەنگێک کە دێتە پێشەوە کارەکە بە جێ بهێڵرێت و وازی لێ بهێنرێت چونکە هیج کارێک بە بێ گرفت نابێت


6-بەرپرسیارێتی:

ئەوکەسەی دەبێتە بزنسمان پێویستە توانای بەرپرسیارێتی هەبێت بۆ سەرجەم ئەوکارانەی کە ڕوودەدەن


7- ڕاگرتنی بالانس لە نێوان ژیان و کاردا:

گرنگی دان بە تەندروستی و لایەنە هونەری و مەعنەوییەکانی ژیان وەک پشوویێك وایە بۆ جەستەی مرۆڤ کەواتە زۆر گرنگە بتوانرێت هەمو کاتەکان تەرخان نەکرێت بۆ کار و بار و گرنگی بە سەرجەم لایەنەکانی ژیان بدرێت تاوەکو کەسی خاوەنکار هەست بە ماندوو بوون نەکات.

ئەمانەو کۆمەڵێک فاکتەری تر وەکبەکار هێنانی نێتۆرک وەک هاوڕێیەکی دڵسۆز کە بەردەوام زانیاریت پێدەبەخشێت، ڕاهێنانی قسە کردن ،گەشەدان بە و به‌هره‌یه‌ی کە لەکارکردندا هەتە، ناسینی کەسانی باش، ناسینی موشتەری و كڕیاره‌كان، بیرکردنەوەی ژیرانە پاشان ئاگادار بوون لە و بزنسەی کە بەدەستت هێناوە….

وەرگێڕاوە لە Wiki How

له‌لایه‌ن سه‌رباز سه‌لیم

Tagged : /

چۆن له‌ بازرگانی سه‌ركه‌وتوو بین


ئه‌گه‌ر بته‌وێت كه‌سێكی سه‌ركه‌وتوو بیت ئه‌مه‌ بخوێنه‌ره‌وه

 

سایتی “فیستی” رووسی ئه‌نجامی لێكۆڵینه‌وه‌یه‌كی بڵاوكردۆته‌وه‌، كه‌ تێیدا خاڵه‌ جیاكه‌ره‌وه‌كان و تایبه‌تمه‌ندیه‌كانی بزنسمان كه‌سه‌‌ سه‌ركه‌وتووه‌كان ده‌خاته‌ روو.

به‌گوێره‌ی توێژینه‌وه‌كه‌، له‌ گرنگترین ئه‌و تایبه‌تمه‌ندی و سیمایانه‌ی له‌ پیاوانی كار و كه‌سانی سه‌ركه‌وتوو تێبینی ده‌كرێن، ئه‌مانه‌ی خواره‌وه‌ن:

1- به‌دواداچوون و ووردبوونه‌وه‌ی به‌رده‌وام له‌ رووداو و گۆڕانكاریه‌ هه‌نووكه‌ییه‌كان:

بزنسمانه‌ سه‌ركه‌وتووه‌كان كاتێكی زۆر بۆ لێكۆڵینه‌وه‌ له‌ نوێترین زانستی ئابووری و بازاڕگه‌ری جیهانی ته‌رخان ده‌كه‌ن، بۆئه‌وه‌ی بتوانن له‌ژێر رۆشنایی ئه‌و لێكۆڵینه‌وانه‌ بڕیاری راست له‌ هه‌ڵبژاردنی كاتی ئیمزاكردنی گرێبه‌سته‌كان و خستنه‌بازاڕی كاڵاكانیان بده‌ن.

2- ووردی له‌ حیسابات:

زۆربه‌ی پیاوانی كار له‌ حیسابات و خه‌مڵاندنی داهات و خه‌رجیه‌كان وورد ده‌بنه‌وه‌ و، زۆر جاریش هه‌وڵ ده‌ده‌ن سه‌روه‌ته‌كه‌یان له‌ شوێنی دیكه‌ش به‌كار بهێنن، به‌شێوه‌یه‌ك كه‌ له‌وانه‌یه‌ هه‌ندێ جار بگاته‌ ئاستی ئیره‌یی.

3- وه‌رزشكردن:

زۆرێك له‌و كه‌سانه‌ی كاری بازرگانی ئۆفیسی ده‌كه‌ن و له‌وپێناوه‌دا ماندوو ده‌بن، بۆ حه‌سانه‌وه‌ی جه‌سته‌یی و ده‌روونییان په‌نا بۆ وه‌رزش ده‌به‌ن. ئه‌وان له‌و باوه‌ڕه‌دان وه‌رزش ئه‌و ماندووبوونه‌ی هزری و جه‌سته‌یی له‌بیر ده‌باته‌وه‌، كه‌ له‌كاتی كاركردن تووشیان ده‌بێت.

4- بیركردنه‌وه‌یه‌كی قووڵ و په‌یوه‌ندی خودی:

زۆربه‌ی پسپۆرانی بواری ئابووری جه‌خت ده‌كه‌نه‌وه‌، بیركردنه‌وه‌ و رۆژانه‌ به‌سه‌ربردنی هه‌ندێ كات به‌ته‌نیا له‌ شوێنێكی ئارام، باشترین بژارده‌یه‌ كه‌ بۆ بڕیاردانی درووست یارمه‌تیان ده‌دات، به‌تایبه‌ت ئه‌و‌ بڕیارانه‌ی په‌یوه‌ندیان به‌ كار و ژیانی پیشه‌ییه‌وه‌ هه‌یه‌.

5- ده‌ستپێكردنی ژیانی پیشه‌یی له‌ ته‌مه‌نێكی زوو:

به‌زۆری تێبینی ده‌كه‌ین، كه‌ زۆربه‌ی كه‌سانی سه‌ركه‌وتوو و ئه‌وانه‌ی له‌سه‌ر ئاستی جیهان ناسراون، له‌ ته‌مه‌نێكی زووه‌وه‌ ده‌ستیان به‌ ژیانی پیشه‌یی كردووه‌ و، به‌ به‌رده‌وامی هه‌وڵیان بۆ به‌ره‌وپێشبردنی خۆیان داوه‌، به‌شێوه‌یه‌ك هه‌ندێكیان له‌ ته‌مه‌نی سییه‌كان و چله‌كانیانه‌وه‌ ناوبانگێكی جیهانیان به‌ده‌ستهێناوه‌.

6- پشت به‌خۆ به‌ستن گرنگی نه‌دان به‌و هۆكارانه‌ی كه‌سانی دیكه‌ پشتی پێ ده‌به‌ستن:

زۆرێك له‌ خه‌ڵكی هه‌وڵ ده‌ده‌ن لاسایی كه‌سانی سه‌ركه‌وتوو له‌سه‌ر ئاستی جیهان بكه‌نه‌وه‌، وا ده‌زانن به‌م لاساییكردنه‌وه‌یه‌ ده‌گه‌نه‌ هه‌مان ئامانج، به‌ڵام كه‌سانی سه‌ركه‌وتوو و ناسراو له‌سه‌ر ئاستی جیهان هه‌میشه‌ جه‌خت له‌سه‌ر ئه‌وه‌ ده‌كه‌نه‌وه‌، جیاوازی له‌ بیركردنه‌وه‌ و شێوازی تایبه‌تی كاركردنیان ئه‌وانیان به‌و ئاسته‌ گه‌یاندووه‌، نه‌ك لاسایی كردنه‌وه‌ی كه‌سانی دیكه‌.

s.K24

Tagged : / / /