چۆن ده‌زانیت كه‌وا ئه‌كاونتی فه‌یسبووكه‌كه‌ت هاك نه‌كراوه‌؟

تۆڕی كۆمه‌ڵایه‌تی “فه‌یسبووك” وه‌ك پارێزه‌ری سه‌ره‌كی نهێنییه‌كانى هه‌ر به‌شداربوویه‌كی ئه‌و تۆڕه‌ كۆمه‌لایه‌تییه‌، ترسی هاككردنى ئه‌كاونته‌كان بووه‌ به‌ كێشه‌یه‌ك كه‌ هه‌موومان ده‌مانه‌وێت خۆمانی لێ به‌دووربگرین و پارێزراوبین .

به‌ڵام زانینی هاككردنى پێگه‌كه‌ت له‌ تۆڕى كۆمه‌ڵایه‌تی فه‌یسبووك، كارێكى ئاسانه‌ و ده‌توانیت به‌ چه‌ند هه‌نگاوێك له‌ ئه‌كاونته‌كه‌ی خۆت دڵنیا ببیته‌وه‌، بۆ ئه‌وه‌ى بزانیت، كه‌ جگه‌ له‌ خۆت كه‌سى دیكه‌ ناتوانێت بیكاته‌وه‌ و نه‌كراوه‌ته‌وه‌ به‌ هه‌مان وشه‌ى نهێنییه‌وه‌ و تۆ ئاگات لێ نه‌بێت.

سه‌ره‌تا ده‌چیته‌ سه‌ر ئه‌و ئاماژه‌یه‌ی به‌سه‌ره‌و خواریی له‌ دیوی ڕاستى شاشه‌ى فه‌یسبووكه‌كه‌ هه‌یه‌،

پاشان كلیك له‌سه‌ر Settings بكه‌،

دواتر Security هه‌ڵبژێره‌.

پاشان كلیك له‌سه‌ر Edit ده‌كه‌یت و “Where You’re Logged In” هه‌ڵده‌بژێریت، كه‌ ئاماژه‌ ده‌كات به‌و شوێنانه‌ى پێگه‌كه‌تى تیادا كراوه‌ته‌وه‌.

دواتر به‌ لیستێك ناوى شوێنه‌كانت بۆ ده‌رده‌كه‌وێت كه‌ له‌وێوه‌ ئه‌كاونته‌كه‌ی تۆى تیادا كراوه‌ته‌وه‌، ئه‌مه‌ جگه‌ له‌ سیستمى كارپێكردنه‌كه‌ و جۆری ئامێر و كات و ڕۆژى كردنه‌وه‌كه‌ و چوونه‌ ژووره‌وه‌ بۆ ناو پێگه‌كه‌ت.

ئه‌گه‌ر هه‌ر شوێنێكى گوماناویت له‌و لیسته‌دا به‌دی كرد، كه‌ گومانت لێی بوو یان دڵنیا بوویت خۆت له‌و شوێنه‌وه‌ پێگه‌كه‌ت نه‌كردووه‌ته‌وه‌، ئه‌وكات كلیك له‌سه‌ر End All Activity بكه‌، پاشان وشه‌ى نهێنى پێگه‌كه‌ت بگۆڕه‌.

Tagged : /

٤ له‌و ئامێرانەی کە دەتوانرێت سیخوڕی پێ بکرێت لە ماڵەکەتدا !جگه‌ له‌ مۆبایله‌كه‌ت

تەنها مۆبایلە زیرەکەکەت نا …. ئەم ئامێرانەش دەتوانن سیخوڕیت بەسەر بکەن !

ئەگەر وا بیر بکەیتەوە کە مۆبایلە زیرەکەکەت تاکە رێگەیە سیخوریت بەسەر بکرێ ، ئەوا لەوانەیە پێویست بێت دووبارە چاو بخشێنیتەوە بەم بابەتە و دەست بکەیت بە پاراستنی هەموو ئامێرەکانت کە بەکاری دەهێنی بە وێنەی داواکراو.

چونکە ئەمرۆ ئامێری زۆر هەن لە دەورمان کە دەتوانێت سیخوریمان لەسەر بکات و چاڵاکیەکانی دەست بکەوێت یاخود بەکاربهێنرێ بۆ دەستکەوتنی زانیاریەکانت .
لەم بابەتەدا 4 ئامێرت نیشان دەدەین کە دەتوانرێت سیخوریت پێیان لەسەر بکرێ جگە لە مۆبایلە زیرەکەکەت !

 

• تەلەفزیۆنی زیره‌ك ( تی ڤی )

 

تەلەفزیۆن ( تی ڤی )لە مانگی 3 ی رابردوو ، ماڵپەری ویکیلیکس ناوەرۆکی ئەو ئامێرانەی بڵاو کردەوە کە رێکخراوی CIA  ئەمریکی بەکاری دەهێنێت بۆ سیخوڕی کردن بەسەر بەکارهێنەرانیان لە نێوانیان بەرەو پێشبردنی بەرنامە خراپەکان بۆ سیخوری کردن بەسەر تیڤیەکان وا لە بەکارهێنەران دەکات وابزانن شاشەکانیان داخرا بەشێوەیەکی ئۆتۆماتیکی.

لێکۆلینەوەکان دەریانخستووە کە رێکخراوەکە زۆر بە دوای بەرهەمەکانی کۆمپانیای سامسونگەوەیە لە رێگەی بەرنامە خراپەکانەوە وای لێ دەکات ریکۆردی دەنگەکان بکات بە شێوەیەکی نهێنی دواتر لە رێگەی ئینتەرنێتەوە بگوازرێتەوە بۆ کارمەندەکانی خۆیان دوای گەرانەوەی شاشەکە بۆ کارکردن.

ترسناکی ئەم جۆرە بەرنامانەش لەوەدایە کە تاوانبارانی ئینتەرنێت لە جیهان دەتوانن بیقۆزنەوە دوای دزین و بلاوکردنەوەی لە ئینتەرنێت. ئەمەش هەروەک چۆن هێرشەکانی بەدەستهێنانی پارە بۆ قوربانیەکان روویدا کە جیهانی هێنایە لەرزین لە مانگی 5 ی رابردوو. کە ئەم هێرشانە بەکارهێنرا لەلایەن ریکخراوی “ژە شادۆ بۆکەرز” دوای دزرانی لەلایەن ئاژنسی پاراستنی وڵاتی ئەمەریکا.

• بەستێنەری زیرەک

 

بەستێنەری زیرەک ئەگەر تۆ بەستێنەری زیرەک لە ماڵەکەت  بەکاردەهێنی ، ئەوەش مانای ئەوەیە کە لەوانیە سیخوریت بەسەرەوە بکرێت ئەگەر پارێزگاری نەکەیت. لە دوای بڵاوبوونەوەی ئەم جۆرە بەستێنەرانە ، زۆر لە جیگەکان ئاگادارکرانەوە لە سیخوری کردن لە رێگەی ئەم بەستێنەرانە و بەکارهێنانی بۆ هێرشکردن بۆ دزینی ئیمەیڵەکان و بە زانیاری کەسی و وشەی تێپەرەکان. هەروەها ئەم بەستێنەرانە دەتوانرێ بۆ هێرشی تریش بەکاربهێنرێ .

• یاری منداڵان

 

یاری منداڵان زۆر بیستوومانە کە سیخوری کراوە لە رێگەی بووکی منداڵان یاخود یاری تری منداڵان لە رابردوودا، لە هەموویان دیارتر My Friend Cayla  و یاری Hello Barbie  . سیخوری کردن لەم یاریانە پشتدەبەستێت بە بەرنامەی دانراو لەناو یاریەکان کە منداڵ دەتوانێت قسەی لەگەل بکات ، بەڵام ئەم برنامانە دەتوانرێ ببڕدرێن ، کە دبێتە هۆی  مەترسی بۆ سەر منەلڕەکە و ئاسایشی ماڵەکە. دواتر رێکخراوی  ئەوروپی بۆ پاراستنی بەکارهێنەران و رێکخراوی تری ئەمەریکی سکڵایان تۆمار کرد لەسەر بەرهەم هێنەری ئەم جۆرە یاریانە ساڵی رابردوو ، بەڵگەکەن دەریانخست کەوا ئەم یاریانە توانای تۆمارکردنی دەنگیان هەیە و سیخوری کردن بەسەریان و بەکارهێنانی زانیاری کەسی.

• ئامێری  چاودێریکردنی منداڵ

زۆربەی بەکارهێنەران پشت دەبەستن بە ئامێری چاودێریکردن لەناو ژووری منداڵان، کە بووەتە چاوێک بۆ پارێزگاری کردن لە منداڵ لە شەودا. سەرەرای ئەوەی کە ئەم ئامێرانە وەک رێگایەکی زۆر باش بەکاردەهێنرێ بۆ چاودێریکردنی منداڵ و پاراستنیان ، بەڵام دەشتوانرێ بەکار بهێنرێ بۆ سیخوڕی کردن بەسەر منداڵان و دوای جوڵەی کەسەکان دەکەوێت لەناو ژووردا. زۆر چیرۆک بڵاو کرانەوە لە ئینتەرنێت لەسەر بڕینی ئەم ئامێرانە لەلایەن سیخوران بۆ قسە کردن لەگەڵ منداڵان بە دەنگ و رەنگ ئەمەشە دەبێتە هۆی ترساندنی منداڵان.

 

Tagged : /

٥ هەنگاو بۆ خۆ پاراستن لە ئاپی خراپ و ساختەی Google play store

پێویستە دوای چەند هەنگاوێک بکەوێت بۆ ئەوەی پارێزراو بێت لە بەکارهێنانی ئەم جۆرە ئاپانەی کە خراپ و ساختەن لە Google play .
بۆ خۆپاراستن لەم جۆرە ئاپانە ئەم چەند هەنگاوە جێبەجێ بکە :

• پابەند بە لە بەشی   Google play

هەرگیز پشت مەبەستە بە ئاپ لەسەر ئامێرێکی دەرەکی یان ئاپی لایەنی سێیەم کە هیچ گرنگی بە مەرجەکانی خۆپاراستن نادات لە بەشی Google play .  ئەمە ماناى ئەوە نیە کە Google play  ئاپی خراپ لەخۆ ناگرێت بەڵکو بە ئەنجامدانی ئامۆژگاریەکانی تری ئەم بابەتە بۆت ئاسان دەبێت کە جیاوازی لە نێوان ئاپە خراپەکان بکەیت لە Google play .

 

• ئاگاداری ناوی گەشەپێدری ئاپەکە ببە

زۆربەی گەشە پێدەری ئاپە خراپەکان گرنگی بە ناوی ئاپەکان و یاری یە بەربڵاوەکان و بڵاوکردنەوەیان لە Google play دەدەن . بۆیە زۆربەی بەکارهێنەران هەڵدەستن بە دابەزاندنی ئەم ئاپە تەقلیدیانە کە وادەزانن ئاپی رەسمین لەلایەن گەشەپێدەرەوە. بۆیە زۆر پێویستە پێش دابەزاندن لە Google play دڵنیابیتەوە لە ناوی گەشەپێدەر، کە دەتوانی بیدۆزیتەوە لە بەشی زانیاری تایبەت بەو ئاپە.
بۆ نموونە یاری Pokémon Go کە زۆر کۆپی ساختەی لی بڵاو کرایەوە لە Google play . کە لەلایەن کۆپانیای Niantic گەشەی پێدرا. بۆیە پێویستە دڵنیا بیتەوە لە ناوی کۆمپانیاکە پێش دابەزاندن.

 

• سەیری پۆڵێن و رەخنەکان بکە

زۆربەی ئاپە بەربڵاوەکان پۆڵێن و رەخنەی گەورەیان هەیە لەلایەن بەکارهێنەران و پسپۆران. بۆیە سەیری کۆمێنتی بەکارهێنەران بکە لە Google play و هەروەها سەیری رەخنەی پسپۆران بکە لە سەرچاوە تەکنیکیە دیارەکان لەم جۆرە ئاپانە . ئەمە یارمەتی دەر دەبێت بۆت بۆ دیاریکردنی ئاپە باشەکان وخۆپاراستن لە ئاپە خراپ و زیان پێدەرەکان.

 

• Update   کردن یاخود (بەرەو پێش بردن)

هەمیشە دڵنیا بەوە لە بەرەو پێشبردن بۆ کارپێکردنی نوێترین چاپی نێردراو بۆت. کە ئەم بەرەو پێش بردنانە چاککەرەوەی زۆر لە کەم و کورتیەکان و ترساندنە ئەمنیەکان لەخۆ دەگرێت.

 

• ئاگاداری هەواڵە ئەمنیەکان بە 

بەم کۆتاییانە زۆر لە ئاپی خراپ و بۆشایی ئەمنی دەدۆزرێنەوە لە رێگەی چەند کۆمپانیایەکی تایبەت بە ئاسایش کردنی بەرنامەکان. کە لەلایەن خۆیانەوە ئاگاداری بەکارهێنەران دەکەنەوە لەم جۆرە ئاپانە. بۆیە کاتێک ئەم جۆرە هەواڵانە دەبینی ، باشترە بتوانی سەیرێکیان بکەیت بۆ ئەوەی بزانی کە لەسەر مۆبایلەکەت دانراوە یان نا.

 

 

 

 

 

 

Tagged : / / /

٧ حەوت ڕێگا بۆ خۆپاراستن لە هاک

ڕێگای یەکەم

هەوڵ بدە زوو زوو ویندۆزەکەت ئەپدەیت بکەوە ، چونکە کاتی کەوا ویندۆزەکەت بۆ ماوەیەکی زۆر ئەپدەیتێکی لەسەر بێت، ئەوا هێرشکەرەکان ڕێگای چوونە ژوورەوەی ئاسانتر دەدۆزنەوە و زیاتر شارەزان، بۆیە هەوڵدە لانی کەم مانگانە سەردانی بەشی ئەپدەیتی ویندۆزەکەت بکە و هەرچی نوێ هاتبێت دایبەزێنە بۆ ئەوەی پارێزراو بی.

ڕێگای دووەم – پاسوۆردەکانت زوو زوو بگۆڕە

زۆربەمان یەک یا دوو پاسوۆردمان هەیە بۆ چوونە ژوورەوەی هەموو هەژمارەکانی وێبسایتە جیاوازەکانی کەوا تیایاندا ئەندامین.
وا باشە بۆ هەر وێبسایتێک پاوۆردێکی تایبەت بەخۆیمان هەبێت و لیستی پاسوۆردەکان لە مۆبایل یاخود لاپتۆپەکەمان یاخود شوێنێکی ئۆنلاین هەڵبگرین بۆ ئەوەی لەبیریان نەکەین،
چونگە گەر وا نەکەین، پاسوۆردی هەر کام لە وێبسایتەکان هاک بکرێت، بە ئاسانی ئەوانی تر و ئامێری کۆمپیوتەرەکەشت هاک دەکرێت

ڕێگای سێیەم : بەکارهێنانی پڕۆگرامی ئەنتی ڤایرۆس

زۆرجار زۆربەمان گرینگیەکی ئەوتۆ نادەینە خۆپاراستن لە ڤایرۆس و پڕۆگرامێک بەکارنابەین لەسەر لاپتۆپەکانمان. یاخود جۆری ئەنتی ڤایرۆسەکەمان جۆرێکی باش نین، یانیش درەنگ درەنگ لاپتۆپەکەمان پاک دەکەینەوە لە ڤایرۆس. ئەمەش درزێکی زۆر باش دەبێت بۆ هاککەر و هێرشکەرەکان بۆ هاتنە ناو سیستەمەکەمان و هاک کردنمان

لەم بوارەش پرۆگرامەکان زۆربەیان بە پارەن، بەڵام پڕۆگرامی خۆڕایشمان هەیە کەوا باشترین دوانیان لەم لینکانەی خوارەوەن

http://download.cnet.com/Microsoft-Windows-Defender/3000-8022_4-55082.html

http://antivirus.baidu.com/en/

 

ڕێگای چوارەم : بەکارهێنانی پڕۆگرامی پارێزەر

وا باشە لەسەر کۆمپیوتەر و لاپتۆپکەکانمان پڕگرامی پارێزەر بەکاربهێنین
لەڕێگەی ئەم پڕۆگرامانەوە دەتوانین ڕێگا لە چوونە ژوورەوەی هەر هەولێکی دەرەکی بگرین، بەدەستی خۆمان ئەو داتا و زانیاریانەی خۆمان دیاری بکەین کەوا کێ و چ پرۆگرامێک بتوانێت دەستی پێیان بگات .
ئەمەش پڕۆگرامێکە بۆ فایەر وۆڵ کەوا دیواری ئاسایشی لاپتۆپەکەت بەهێزتر دەکات و پارێزراو تر دەکات.کە ئەمەی خوارەوەش لینکی پڕۆگرامێکی بەسوود و خۆڕاییە
http://www.zonealarm.com/software/free-firewall/

ڕێگای پێنجەم : خۆ پاراستن لە ڕێکلامە بێزارکەرەکانی وێبسایتەکان spyware/adware

بۆ خۆپاراستن لە ڕێکلامەکان، کەوا زۆربەی جارەکان ڤایرۆس هێنەرن لەگەڵ خۆیان ، پێویستە پڕۆگرامەکانی anti-spyware/adware بەکاربهێنرێت بۆ پاراستن و لابردنی ڕێکلامەکانی لەلاکانی وێبسایتەکان دیار دەکەوێت

 

ڕێگای شەشەم: سڕینەوەی ئیمەیلە نەناسراوەکان.

بۆ ئەوەی پارێزراوی بی لە هاکردن لەرێگای ئیمەیلەوە ڕۆژانە ‌هەڵستە بە سڕینەوەی ئەو ئیمەیلانەی کەوا سەرچاوەکانیان نەناسراوە ، چونکە گومانی ئەوەیان لێ دەکرێت لەکاتی کردنەوەیان هاک بکرێیت

ڕێگای حەوتەم بۆ خۆ پاراستن لەهاک دورکەوتنەوەیە لە وێبسایتە خۆراییەکان :

پێویستە بۆ خۆپاراستنمان لە هاک،دوربکەوینەوە لە وێبسایتە نەناسراوەکا
یاخود ئەو وێبسایتانەی کەوا باسی هاک کردن دەکەن
لەهەمان کاتیشدا دوورکەوە لە کلیک کردن لەسەر لینکە نەناسراوەکان

Tagged : / /