10 ئامۆژگاری بۆ هەموو فرۆشیارێک پێش فرۆشتنی هەر بەرهەم و خزمەتگوزاریەک:

10 ئامۆژگاری بۆ هەموو فرۆشیارێک پێش فرۆشتنی هەر بەرهەم و خزمەتگوزاریەک:

 

 فرۆشتن دەماری ژیانی هەموو کارێکە، جا چ ناوی بنێی بەرەوپێشبردنی کار یان هەلسوکەوت کردن یان بەرێوەبردنی پەیوەندیەکان لەگەل کارکەرەکان. بەڵام لێرە پەتێکی باریک لە نێوان سەرکەوتن و شکست هەیە. بۆیە رەچاوی ئەم 10 خاڵە بکە بۆ فرۆشتی هەرشتێک

 

1- بە دوای کریاردا بگەرێ:

هەموو ئەم شتانە بدۆزەرەوە کە پەیوەندی بە کەسەکەوە هەیە بۆ نمونە پەیوەندی( لەگەڵ مال و خێزان و منداڵ و چۆنیەتی شێوزای کارکردنی و چۆنیەتی بەرێوەبردنی کارەکەی )وە هەروەها چۆنیەتی بەرێوەبردنی شوێنەکەی لەروی سزا وپاداشتی فەرمانبەرەکانی هەموو تێبینیەکانی بنووسە لەلای خۆت و بگەرێ بخوێنەوە لەسەر کۆمپانیاکەی لە رێگای سەردانی کردنی وەیب سایتەکەی یا خود تۆرە کۆمەڵایەتیەکان

 

2- خوێندنەوە لەسەر بەرهەم و خزمەتگوزاریەکەت:

لەسەر هەموو خاوەن کارێک پێویستە بەتەواوی لەسەر بەرهەم یان خزمەتگوزاریەکەی زانیاری تەواوی هەبێت بەتایبەت ئەگەر هاتو تۆ کەسێکی تازە بوییت لەم بوارە دەبێت لایەنی باشی و خراپی بەرهەمەکەت بزانیت خاڵە بەهێزەکانی ئەم بەرهەمە بزانیت لەگەل خاڵە لاوازەکانی چونکە بە خاڵە بەهێزەکان بەرهەمەکەت دەفرۆشیت بە خاڵە بێهێزەکان کاردەکەیت بۆ ئەوەی باشتری کەی لەکاتی فۆشتن تاکو زانیاریت پێبێت بۆ ئەوەی بەرگری لەخۆت بکەیت ئەگەر هاتو کریارێک ویستی خراپەی زیاتر بکاتە سەر بەرهەمەکەت

 

3- زانینی پەیوەندیەکانی رابردوو:

چاوپێکەوتن لەگەڵ کریار بەبێ ئامانج وەکو کارکردن و گەرانە لە بازار بەبێ لیست. بۆیە کاتێک کە دەچیتە لای کریار تەنها ناچیت پەیوەندی لەگەڵ دروست کەیت بەڵکو فرۆشتنە ئەمە بۆیە پێویستت بە ئامانجە لەم کاتەدا. وا لە کریارەکە بکە هەرچەند ئەگەر نەیەوێت بەرهەمەکەت بکرێت بەڵام وای لێبکە بە برێکی کەم یان پاش بەکارهێنان سودی نە بوو بگەرێندرێتەوە ئەمانە نمونەیەک بوون بەڵام تۆ دەبێت ئامانجێکی دیاری کراو لە پشت کارەکەتەوە هەبێت.

 

4 – ئامانجێکی روون و ئاشکرا دیاری بکە:

چاوپێکەوتن لەگەڵ کریار بەبێ ئامانج وەکو کارکردن و گەرانە لە بازار بەبێ لیست. بۆیە کاتێک کە دەچیتە لای کریار تەنها ناچیت پەیوەندی لەگەڵ دروست کەیت بەڵکو فرۆشتنە ئەمە بۆیە پێویستت بە ئامانجە لەم کاتەدا. وا لە کریارەکە بکە هەرچەند ئەگەر نەیەوێت بەرهەمەکەت بکرێت بەڵام وای لێبکە بە برێکی کەم یان پاش بەکارهێنان سودی نە بوو بگەرێندرێتەوە ئەمانە نمونەیەک بوون بەڵام تۆ دەبێت ئامانجێکی دیاری کراو لە پشت کارەکەتەوە هەبێت.

 

5- تێروانینی بەکارهێنەران بۆ بەرهەمەکەت:

ئەگەر کەسیک لە بەرهەمەکەت سوودمەند بوو دەتوانی داوای لێبکەی لەم شوێنەی خۆی کە کاری تێدا دەکات بلاوەی بکاتەوە بۆ ئەوانەی کە پێویستیانە تاکو بیکرن.

 

6- تێروانینی کریار لەسەر بەرهەمەکانی ترت:

ئەگەر کریار هەستا بە کرینی ژمارەیەکی کەم لە بەرهەمەکانت بەردەوام دەبێت بزانی بۆ وایە بۆ کەمی داواکردوە ، ئەمە وادەکات بزانی کە ئایا بەرهەمەکەت باش نەبوە یاخوود کۆمپانیایەکیتر بەرهەمێکیتری پێداون بە تێچوێکی کەمتر

 

7- ئەوکاتەی لەگەڵ کریارەکەتی، چەند پرسیارێکی کراوەی لێبکە:

خراپترین شت کە لەگەڵ کریارەکات ئەنجامی بدەیت لەکاتی چاوپێکەوتن زمان گرتن و تەتەڵە کردنە. زۆر کات ناتوانی راستەخۆ بەرهەمەکەت بە کریار بفرۆشیبۆیە دەبێت بابەتێک بکەیەوە لە کاتی قسەکردن بۆ ئەوەی لەرێگای ئەم بابەتەوە بزانی چی پێویستە تاکو پێی بفرۆشی.

 

8- کۆنترۆڵی گفتوگۆکە بکە:

ئاگادار بە زۆربەی جار کەسانی کریار بەرەو پیلی پرسیاری زۆرت دەبەن وات لێدەکات وەڵامی یەکە بە یەکی پرسیارەکان بدەیەوە بۆیە بزانە چی لە دوای ئەم پرسیارانەوە هەیە وە بگە بەوەی کە چی پێویستە.

 

 9- زاڵبوون بەسەر بەرهەڵستیەکانیان:

لێرە باوەرێکی کەم هەیە لە فرۆشتندا بەڵام کریارەکان بەرهەڵستیان هەیە لە بەرهەمەکەت ،باشترین شت لێرەدا ئەوەیە کە هیچ بەرهەڵستیەک بە کەسی وەرینەگریت و لە دڵی نەگریت. کریار بەرهەڵستی لەگەڵ تۆ دا ناکات بەڵکو پرسیاری بەرهەمەکەو رەخنە لە بەرهەمەکەت دەگرێت، بۆیە کێشەکە روون بکەرەوە و گفتوگۆیەکی هێمنانە بکەو زۆرترین بەرهەمی پێ بفرۆشە.

 

10- پرسیار دەربارەی کار بکە:

پێویستە لەسەرت فرۆشتنەکە کۆتایی پێبینیت بە بێ بوونی هیچ رق و کینەک لە ناودڵی کریاردا، ئەگەر هاتوو هیچ بەرهەڵستیەکی کەسی بەرامبەرت نەدۆزیەوە ئەوا بەئاسانی پرۆسەکە کۆتایی دێت بەلام بەبوونی هەر شتێک پێویستە لەسەرت کە پرسیاری کار بکەیت و کەشوو هەوایەکە بەلایەکیتر دا ببەیت بۆ ئەوەی هەموو شتەکان بەباشی کۆتایی پێبێت.

Tagged :

١٠ بنه‌مای سه‌ره‌كی ئیمه‌یڵ ماركتینگ و قازانج كردن له‌ڕێگای ئیمێله‌وه‌

له‌ چه‌رخی نوێی به‌بازاڕكردن دا ، ئێستا به‌بازاڕكردنی دیجیتاڵی Digital Marketing ڕۆڵی هه‌ره‌ به‌رچاوی هه‌یه‌ له‌ به‌بازاڕكردن له‌به‌ر كاریگه‌ری و ئاسانی به‌كارخستنیدا. كه‌ به‌ زۆر ڕێگاوه‌ ده‌كرێت، یه‌كێك له‌وانه‌ ئیمێله‌، ئێستا بازار كردن له‌ رێگای ئیمه‌یله‌وه‌ Email Marketing یه‌كێكه‌ له‌ كه‌ل و په‌له‌ پێویستیه‌كانی به‌ بازار كردن بۆ راكێشانی كریاران.

ئیمه‌یل ماركتینگ یارمه‌تیمان ده‌دات بۆ بازاركردنی باشتر چاكتر و زیاتر كاركردن.

هیچ شتێكی باشتر له‌ ئیمه‌یل ماركێتینگ  نادۆزیه‌وه‌ بۆ، ناساندنی برانده‌كه‌ت، به‌تایبه‌تی گه‌ر بته‌وێت به‌ ماوه‌یه‌كی كه‌م وكاتێكی كه‌م به‌رهه‌مه‌كانت ساخ بكه‌یه‌وه‌ ئێمه‌ لێره‌دا باشترین رێگاكان باس ده‌كه‌ین بۆ ئه‌نجامدانی ئه‌م پرۆسه‌یه‌:

 

١- ناونیشانی سه‌ره‌كی:

به‌گرنگترین به‌شی ئیمه‌یل ماركێتینگ داده‌نرێت، ناونیشان پێك دێت له‌ ریزه‌ نوسینه‌ك له‌ وشه‌ی دیار و كورت و پووخت كه‌ تایبه‌ت بێت به‌ بابه‌ته‌كه‌، دڵنیابه‌وه‌ له‌وه‌ی كه‌ زمانی نوسینه‌كه‌ به‌ساده‌ی و ئاسانی نوسراوه‌ هه‌موو خه‌ڵك تێی ده‌گات كه‌ بۆیان ده‌نێریت.

 


٢- ناونیشانی لاوه‌كی:

ناونیشانی لاوه‌كی به‌ته‌واوی ده‌كه‌وێته‌ ژێر ناونیشانی سه‌ره‌كی، له‌جیهانی به‌بازاڕكردنی ئێستادا، ئه‌وه‌ی جێی سه‌رنجه‌ كه‌ زۆر گرینگی به‌ ناونیشانی لاوه‌كی ده‌درێت، بۆیه‌ به‌نووسینی ناونیشانی لاوه‌كی دوورده‌بیت له‌ نووسینی ووشه‌ی زۆر و دوباره‌، بۆیه‌ ده‌كرێت باسێكی كورت بده‌یته‌ به‌رهه‌مه‌كه‌ت تاوه‌كو لای خوێنه‌ر گرینگیێكی زیاتری پێ بدرێت.

 


 

٣-ده‌ستنیشان كردنی كه‌سی گونجاو:

ناردنی ئیمێلی گشتگیر كۆتای هات، به‌ڵكو ده‌بێت هه‌ر ئیمێلێك بۆ خودی كه‌سه‌كه‌ بێت و كه‌سیی بێت. بۆیه‌ كاتێك ئه‌و كاره‌ ده‌كه‌یت، په‌یوه‌ندیت له‌گه‌ڵ كڕیاره‌كانت زیاتر ده‌بێت،و یارمه‌تیت ده‌دات له‌ ده‌ستنیشان كردنی كه‌سی دیاری كراو.

له‌هه‌مان كاتیشدا دابه‌شكردنی كه‌سه‌كان به‌پێی شوێنی جوگرافی و جۆری كاره‌كانیان به‌شێكی سه‌ره‌كیه‌ پێش ناردنی ئیمێله‌كه‌.

 


 

٤-لینكی پاشگه‌زبوونه‌وه‌ له‌ به‌شداری UnSubscribe كردن:

له‌گه‌ڵ ئه‌وه‌ی كه‌وا ناردنی ئیمێل ڕێگایێكی سه‌ره‌كی بازارسازیه‌ له‌ ئه‌مڕۆدا و قازانجی كڕیار و فرۆشیاریشی تێدایه‌، به‌ڵام زۆربه‌ی جار خه‌ڵكانێك دوای ماوه‌یه‌ك له‌ ئیمێله‌كانت بێزار ده‌بن و نایانه‌وێت چیتر پێیان بگات، بۆیه‌ ده‌بێت لینكی پاشگه‌زبوونه‌وه‌ UnSubscribe هه‌بێت له‌ناو هه‌موو ئیمێله‌كانت، تاوه‌كو هه‌ست به‌ ئازادی بكه‌ن و كه‌سێكیش نایه‌وێت چیتر ئیمێله‌كانتی پێ بگات، پاشگه‌زبوونه‌وه‌ داده‌گرێت.

 


 

٥-هێز و توانای وه‌ڵام دانه‌وه‌:

باوه‌ربكه‌یت یان نا زۆربه‌ی خه‌ڵك كاتێك كه‌ ئیمه‌یڵێكی به‌ بازاركردنیان پێده‌گات هه‌وڵده‌ده‌ن به‌ زوترین كات وه‌ڵام بده‌نه‌وه‌ به‌ڵام با ئه‌وه‌ش له‌بیر نه‌كه‌ین ئه‌مه‌ش ده‌گه‌رێته‌وه‌ سه‌ر جۆری ئه‌م نوسینه‌ی كه‌ ده‌ینوسیت بۆ سه‌رنج  راكێشانی خه‌ڵكه‌كه‌.

 


 

٦-  دانانی دوگمه‌ی داواكردن ڕاسته‌وخۆ له‌ناو ئیمێله‌كه‌ :Call to action

هه‌وڵبده‌ ئه‌م ئیمه‌یڵانه‌ی كه‌ ده‌یان نێریت ته‌نها زانیاری پێدان به‌ كه‌سه‌كه‌ نه‌بێت، وا باشتره‌ هه‌ر ێیمه‌یلك كه‌ ده‌یان نێریت ئامانجێكی دیاری كراوی له‌ پشت بێت پێش ناردنی. ئاگاداری ئه‌وه‌ به‌ كه ئه‌م ئیمه‌یله‌ی ده‌ینێریت بگونجێت له‌گه‌ڵ دیزاینی مۆبایل.

له‌هه‌مان كاتیشدا داوا له‌ كه‌سه‌كه‌بكه‌ كه‌ ئه‌م دوگمانه‌ دابگرێت وه‌ك : په‌یوه‌ندیمان پێوه‌ بكه‌، هه‌رئێستا داوا بكه‌، ناوی خۆت تۆمار بكه‌، یان هه‌ر داواكاریێكی تر كه‌ دوگمه‌كه‌ی ڕاسته‌وخۆ له‌ناو ئیممێله‌كه‌ دابێت.

 


 

٧- سه‌رنج دان  و ئاگادار بوون  له‌ به‌كارهێنانی مۆبایل:

رێگای پیشاندانی نوسینه‌كه‌ت له‌  له‌لای به‌كارهێنه‌ر ده‌گۆردرێت. پێش ئه‌وه‌ی بینێریت ده‌بێت دڵنیا بیته‌وه‌ له‌وه‌ی كه‌ شێوازه‌كه‌ی چۆن پیشان ده‌دات له‌ لاپتۆپ و مۆبایلیش ، راسته‌ ناتوانی قالبێكی ته‌واو وه‌رگری به‌لام به‌لانی كه‌م ده‌توانینن بزانین زۆرترین جۆری مۆبایل چیه‌ كه‌ به‌ كاری ده‌یه‌نن.

 


 

٨-لینكی وێبسایته‌كه‌ت:

به‌ر له‌ناردنی هه‌ر لینكێك له‌ناو ئیمێله‌كه‌ت، كه‌ ئامانجی سه‌ره‌كی ناردنی ئیمێل ڕاكێشانی خه‌ڵكه‌ بۆ سه‌ر لینكی وێبسایته‌كه‌ت، ده‌بێت دڵنیا بیته‌وه‌ له‌وه‌ی كه‌وا لینكه‌كه‌ت كار ده‌كات، له‌گه‌ڵ ئه‌وه‌ش وا باشه‌ لینكه‌كه‌ ببه‌ستیته‌وه‌ به‌ Google Analytics تاوه‌كو بتوانیت چاودێری لینكه‌كه‌ بكه‌یت و بزانیت چه‌ند كه‌س له‌ڕێگای ئه‌م لینكه‌وه‌ هاتوونه‌ته‌ ناو وێبسایته‌كه‌ت، تاوه‌كو دواتر په‌یوه‌ندیان پێوه‌ بگریته‌وه‌.

 


 

٩-هه‌بوونی داشكان:

دانان و پیشاندانی داشكان به‌ كڕیاره‌كانت، هۆكارێكی بۆ گواستنه‌وه‌ی كڕیاره‌كان بۆ سه‌ر وێبسایته‌كه‌ت، به‌ڵام ئاگاداربه‌ كه‌سانێك دوای چه‌ند ڕۆژێك یان زیاتر ئه‌وكات ئیمێله‌كه‌ ده‌كه‌نه‌وه‌، ئه‌گه‌ر هاتوو ببینن ئۆفه‌ره‌كه‌ ته‌واو بووه‌، ئه‌وا بێزار ده‌بن له‌جیاتی ئه‌وه‌ی دڵخۆشبن به‌ناردنی ئیمێله‌كه‌، ده‌كرێت ئۆفه‌ری داشكاندنه‌كه‌، بۆ ماوه‌ی ٣ تا ٤ ڕۆژ درێژ بێت تاوه‌كو هه‌موان بیكه‌نه‌وه‌، یاخود په‌یوه‌ستبێت به‌وانه‌ی كه‌وا ئیمێله‌كه‌یان بۆ ڕۆیشتووه‌.

 


 

١٠-با ئیمێله‌كه‌ت هاوڕێیانه‌ بێت:

خودی ئیمێل بۆ په‌یوه‌ندی هاوڕێیه‌تی و كۆمه‌ڵایه‌تی داهنێراوه‌، خه‌ڵكیش تاوه‌كو ئێستا حه‌ز له‌هه‌مان ستایل ده‌كه‌ن، واتا، ده‌بێت ناوه‌ڕۆكی ئیمێله‌كه‌ت دووربێت له‌ شتی باق و بریق و وێنه‌ و لینكی بێزاركه‌ری زۆر، ده‌بێت ساده‌بێت و كه‌مترین وێنه‌ی تێدابێت، تاوه‌كو له‌دوای كردنه‌وه‌ی ئیمێله‌كه‌ ڕاسته‌وخی دای نه‌خه‌ن، چانسی خوێندنه‌وه‌ت ده‌بێت زۆر بێت تاوه‌كو خه‌ڵك له‌ په‌یامه‌كه‌ت بگات و وه‌ك هاوڕێیێك متمانه‌ت پێ بكات، و هه‌ست بكات كه‌ ده‌ته‌وێت یارمه‌تی بده‌یت نه‌وه‌ك شتی پێ بفرۆشیت.

 

Tagged : / /

فرۆشیاری سه‌ركه‌وتوو به‌شی پانزده‌یه‌م-دوای فرۆشتن

هه‌روه‌ك باسمان كرد به‌شه‌كانی تری فرۆشیاری سه‌ركه‌وتوو، فرۆشتن پڕۆسه‌یه‌ نه‌وه‌ك كردار، پڕۆسه‌ش واتا به‌رده‌وامی پێویسته‌ بۆ ئاسانتر كردنی كاره‌كه‌.

ئه‌مه‌ به‌واتای ئه‌وه‌یه‌ كه‌ كرداری داخستن كۆتایی به‌ هه‌موو شتێك ناهێنێت گه‌ر بته‌وێت فرۆشتنی گه‌وره‌تر و گه‌وره‌تر ئه‌نجام بده‌یت.

بۆ به‌رده‌وامی دان به‌ فرۆشتن و سه‌ركه‌وتنی زیاتر، هه‌ندێك خاڵ هه‌یه‌ كه‌ ده‌بێت دوای فرۆشتن ئه‌نجامیان بده‌یت تاوه‌كو زیاتر بفرۆشیت.

٨٧-وه‌رگرتنی ناونیشانی كڕیاری تر له‌ڕێگای وه‌رگرتنی گه‌واهی له‌ كڕیار

دوای ئه‌نجامدانی فرۆشتن، ده‌فته‌ری گه‌واهیه‌كانت ده‌ربهێنه‌ بۆ ئه‌وه‌ی كڕیاره‌كه‌ باسی سووده‌كانی به‌رهه‌مه‌كه‌ت وئه‌و هۆكارانه‌ بكات كه‌ وایان كرد بڕیار بدات له‌گه‌ڵ تۆ كاربكات، به‌مه‌ش كڕیاره‌كه‌ كاتێك په‌ڕه‌كانی ده‌فته‌ره‌كه‌ت هه‌ڵده‌داته‌وه‌، گه‌واهی هه‌موو كڕیاره‌كانی تریش ده‌بینێت و زیاتر دڵنیا ده‌بێته‌وه‌ و تۆش له‌م كاته‌دا ده‌توانیت داوای ناونیشانی كه‌سانی تری لێ بكه‌یت كه‌ ڕه‌نگه‌ ببن به‌ كڕیاری تۆ، به‌مه‌ش فرۆشتنه‌كانت به‌رده‌وامتر ده‌بن و كۆتاییان نایێت.

 

٨٨-هه‌میشه‌ ده‌فته‌ری گه‌واهیه‌كانت به‌كاربهێنه‌ بۆ خۆ هاندان.

له‌به‌ر ئه‌وه‌ی كرداری فرۆشتن كردارێكی به‌رده‌وامه‌ و ڕۆژانه‌ شكست و سه‌ركه‌وتنی تێدایه‌، ناوه‌ به‌ناوه‌ ده‌فته‌ره‌كه‌ت ده‌ربهێنه‌ كه‌ كڕیاره‌كانت به‌ سه‌ركه‌وتووانه‌ باسی تۆیان كردووه‌، تاوه‌كو دووباره‌ هانبدرێیته‌وه‌ و گڕو تینێكی زیاتر به‌به‌رخۆت بده‌یت بۆ به‌رده‌وام بوون له‌م كاره‌.

 

٨٩-به‌دواداچوونی په‌یوه‌ندی ئه‌و كه‌سانه‌ی كه‌ ڕه‌نگه‌ ببن به‌ كڕیار.

هه‌میشه‌ له‌كاتی كاركردنتدا كه‌سانێك خۆیان په‌یوه‌ندی ده‌كه‌ن و ده‌رباره‌ی به‌رهه‌مه‌كه‌ت ده‌پرسن، یاخود له‌ چۆنیه‌تی به‌كارهێنانی ده‌پرسن، كه‌سانێكیش هه‌ن كه‌وا خه‌ڵكانی تر بۆتی پێشنیار ده‌كه‌ن.

هه‌موو ئه‌وانه‌ ڕه‌نگه‌ ببن به‌ كڕیار ، بۆیه‌ دوای ئه‌نجامدانی فرۆشتنێك به‌ سه‌ركه‌وتوویی، چاوه‌ڕێ مه‌كه‌ یه‌كێكی تر خۆی په‌یوه‌ندی بكات، خۆت ده‌ستپێبكه‌ و به‌ لیسته‌كه‌تدا بچۆوه‌ كه‌ناوی ئه‌وانه‌ی تێدایه‌ كه‌ ڕه‌نگه‌ ببن به‌ كڕیار و په‌یوه‌ندیان پێوه‌ بكه‌، یاخود نامه‌یه‌كیان بۆ بنێره‌.

 

٩٠-به‌رواری فرۆشنه‌كه‌ت تۆمار بكه‌:

با به‌رواری فرۆشتنه‌كانت هه‌میشه‌ تۆماركراو بێت، چونكه‌ ڕه‌نگه‌ دوای ماوه‌یه‌ك له‌ فرۆشتنه‌كه‌، كڕیار دووباره‌ پێویستی به‌ كاڵا یاخود خزمه‌تگوزاریه‌كه‌ت هه‌بێت، بۆیه‌ پێویسته‌ به‌دوا داچوونی بۆ بكه‌یت و دووباره‌ پێی بفرۆشیته‌وه‌.

 

٩١-هه‌موو كڕیاره‌كانت له‌ سۆشیاڵ میدیا زیاد بكه‌ لای خۆت:

ئه‌نجامدانی كرداری فرۆشتن، واتا دروستبوونی متمانه‌ له‌نێوانتان، ئه‌مه‌ش به‌شێكه‌ له‌ هاوڕێیه‌تی، بۆیه‌ ده‌كرێت له‌ سۆشیاڵ میدیاش هاوڕێ بن و ناوه‌ به‌ ناوه‌ لایك و كۆمێنت بۆ كڕیاره‌كانت بكه‌یت . به‌مه‌ هه‌م خۆی بیر ده‌خه‌یته‌وه‌، هه‌م په‌یوه‌نده‌یه‌كه‌تان به‌هێزتر ده‌بێت.

 

٩٢-نامه‌ی سوپاس و پێزانین بنێره‌وه‌ بۆ كڕیاره‌كانت دوای كرداری فرۆشتن له‌هه‌موو بارو دۆخه‌كاندا:

دوای ئه‌وه‌ی له‌ فرۆشتنه‌كه‌ت سه‌ركه‌وتوو بویت له‌گه‌ڵ هه‌ر كڕیارێك، نامه‌یه‌كی نووسراو یاخود سۆشیاڵ میدیا یانیش ده‌نگی بۆ بنێره‌وه‌، تێیدا سوپاسی بكه‌.

ئه‌گه‌ر فرۆشتنه‌كه‌شت سه‌ركه‌وتوو نه‌بوو و كاتی زیاتریان ویست بۆ ببیركردنه‌وه‌، سوپاسیان بكه‌ كه‌ كاتی خۆیان به‌تۆ به‌خشی، ئه‌مه‌ش بۆ ئه‌وه‌ی بزانن تۆ له‌سه‌ر به‌رهه‌مه‌كه‌ی خۆت ڕشدی و ده‌ته‌وێت فرۆشتنه‌كه‌ ئه‌نجام بدرێت.

خۆ ئه‌گه‌ر ڕازیش نه‌بوون به‌ كڕینه‌كه‌، دووباره‌ ده‌ست خۆشیان لێ بكه‌ كه‌ ڕێگه‌یاندا پڕۆپۆزاڵی خۆت پێشكه‌ش بكه‌یت، وه‌ ده‌رگای ئه‌وه‌ش بهێڵه‌وه‌ كه‌وا ناونیشانی خه‌ڵكانی ترت بۆ بنێرن.

له‌گه‌ڵ ئه‌وه‌شدا هێشتا واز مه‌هێنه‌، دوای ئه‌وه‌ی زانیت بۆ ماوه‌یه‌كه‌ كڕیاره‌كه‌ كاڵا و خزمه‌تگوزاری ڕكابه‌ره‌كه‌ی تۆ به‌كارده‌هێنێت، په‌یوه‌ندی پێوه‌ بكه‌، بپرسه‌ بزانه‌ چۆنه‌ له‌گه‌ڵی و تا چه‌ند سوودی لێ بینیوه‌؟

ئه‌گه‌ر گله‌یی لێی هه‌بوو، دووباره‌ ده‌رگاكه‌ت بۆ ده‌كرێته‌وه‌ بۆ ئه‌نجامدانی فرۆشتن پێی.

 

٩٣-داوای نامه‌یه‌كی فه‌رمی بكه‌ له‌كڕیار گه‌ر فرۆشتنه‌كه‌ت سه‌ركه‌وتوو بوو:

گه‌ر زانیت كڕیاره‌كه‌ت زۆر لێت ڕازیه‌، داوای لێبكه‌ نامه‌یه‌كی فه‌رمیت بۆ ببنوسێت به‌ كلێشه‌ی خۆیانه‌وه‌ و بۆتی مۆر بكه‌ن.

تۆش كاتی گه‌ڕایته‌وه‌ بۆ ئۆفیسه‌كه‌ت، بیخه‌ چوارچێوه‌یێك و هه‌ڵی بواسه‌، له‌هه‌مان كاتدا ده‌توانیت له‌ سۆشیاڵ میدیاش بڵاوی بكه‌یته‌وه‌، تاوه‌كو گه‌ر كڕیارێك سه‌ردانی ئۆفیسه‌كه‌تی كرد، به‌ بینینی ئه‌مه‌ زیاتر متمانه‌ت پێ بكات.

 

 

 

Tagged : / /

فۆرشیاری سه‌ركه‌وتوو-به‌شی چوارده‌یه‌م: داخستنی فرۆشتن ٣

له‌ بابه‌تی فۆرشیاری سه‌ركه‌وتوو(مندوب) به‌شی چوارده‌یه‌م كۆتا قۆناغی داخستنی فرۆشتن چه‌ند خاڵێكی تر باس ده‌كه‌ین كه‌وا گرینگترین دوا قۆناغه‌ له‌ به‌ده‌ست هێنانی پاره‌ی كڕیار و ڕازی كردنیشی له‌هه‌مان كاتدا.

٨٢- چاوه‌ڕێی به‌ڵێ له‌ كڕیار بكه‌ له‌ سه‌ره‌تا نه‌وه‌ك ئیمزا:

زۆربه‌ی جار ئه‌نجامدانی گرێبه‌ست له‌هه‌مان دانیشتنی داخستندا كارێكی ئه‌سته‌م ده‌بێت و ڕه‌نگه‌ ببێته‌ هۆی له‌ده‌ستدانی كڕیاره‌كه‌ش.

بۆیه‌ وریابه‌ له‌م خاڵه‌ و زۆر پێداگر مه‌به‌ له‌سه‌ر گرێبه‌ست گه‌ر زانیت كڕیاره‌كه‌ مه‌به‌ستی ئه‌وه‌ی نیه‌ یاخود پێویستی به‌ ڕاوێژ هه‌یه‌.

گرینگترین خاڵ ئه‌وه‌یه‌ كه‌ تۆ فرۆشتنه‌كه‌ دابخه‌یت و یه‌ك ئۆكه‌ی واته‌ به‌ڵێ ی كۆتایی له‌ كڕیاره‌كه‌ وه‌ربگریت.

چونكه‌ ئیمزاكردن پڕۆسه‌یه‌كی ڕه‌سمیه‌ و ڕه‌نگه‌ ئاماده‌كاری بوێت ، به‌ڵام  ووریابه‌ له‌وه‌ی نه‌كه‌یت به‌بێ ڕازیكردنی كڕیار و داخستنی فرۆشتنه‌كه‌ دانیشتنه‌كه‌ جێ بهێڵیت.

 

٨٣-فۆڕمی ئۆفه‌ره‌كه‌ت به‌جێ بهێڵه‌ هه‌تا ئه‌گه‌ر كڕیاڕ ڕازیش نه‌بوو:

هه‌ركات جۆری فرۆشتنه‌كه‌ت له‌ڕێگای كه‌ته‌لۆگ یاخود فۆڕمی ئۆفه‌ره‌وه‌ بوو، له‌لای هه‌ر كڕیارێك به‌جێی بهێڵه‌ هه‌تا ئه‌گه‌ر وه‌ڵامه‌كه‌شیان جارێ نا یان، نامه‌وێت یانیش پێویستیمه‌ به‌ بڕیاری سه‌رووی خۆم هه‌یه‌

چونكه‌ ڕه‌نگه‌ له‌ هه‌ر ده‌رفه‌تێكدا ڕای بگۆڕێت و بیه‌وێت ده‌رباره‌ی ئۆفه‌ره‌كه‌ت بخوێنێته‌وه‌ و ڕه‌نگه‌ ڕای بگۆڕێت.

 

٨٤-كه‌متر به‌ڵێن بده‌ و زۆرتر ببه‌خشه‌:

هه‌وڵ بده‌ له‌كاتی ڕازیكردنی كڕیار بۆ كڕینی كاڵا و به‌رهه‌مه‌كه‌ت، كه‌مترین به‌ڵێنت به‌ كڕیاره‌كه‌ت دابێت و ڕه‌چاوی حاله‌تی نه‌خوازراو بكه‌، وه‌ك: مه‌ڵێ له‌كه‌مترین كاتدا، باشترین خزمه‌تت ده‌كه‌ین و تا هه‌تایه‌ خزمه‌تگوزاری به‌خۆڕایی ده‌بێت و هه‌ركاتێك تێلت كرد سه‌پۆرتت ده‌كه‌ین و ده‌گه‌ینه‌ لات یاخود بۆت ده‌گۆڕین هه‌تا ئه‌گه‌ر خۆشی وابێت.

هه‌موو ئه‌و خاڵانه‌ به‌دیاری كراوی به‌ كڕیاره‌كه‌ت بده‌، تاوه‌كو گومانت لێ نه‌كات و فرۆشتنه‌كه‌ت تێك نه‌چێت.

وه‌ هه‌روه‌ها ئه‌مه‌ش ده‌بێت خاڵێكی به‌هێزی تۆ كه‌ دوای فرۆشتنه‌كه‌ت، ئه‌وخزمه‌تانه‌ی به‌ زیاده‌وه‌ پێشكه‌ش بكه‌، ئه‌مه‌ش واده‌كات كه‌وا كڕیاره‌كه‌ متمانه‌یه‌كی زیاتری پێت هه‌بێت و به‌رده‌وام بێت له‌داهاتوو له‌گه‌ڵت كاربكات.

 

٨٥-خزمه‌تگوزاری زیاده‌ی پێشكه‌ش بكه‌:

هه‌میشه‌ كڕیار هه‌ست ده‌كات پاره‌یه‌كی زیادی به‌ شته‌كان داوه‌ كه‌ كڕیویه‌تی، بیر له‌ دوایین كڕینی خۆشت بكه‌ره‌وه‌ هه‌مان هه‌ستت هه‌یه‌.

بۆیه‌ گه‌ر كڕیاره‌كه‌ت ڕازی بوو به‌ كڕینه‌كه‌، دڵی خۆش بكه‌ به‌ خزمه‌تگوزاری خۆڕایی زێده‌، وه‌كو: گه‌یاندنی به‌خۆڕایی، یان پارچه‌یه‌كی بچوك دیاری، یاخود له‌ به‌رگێكی جیاواز بۆی بنێره‌.

ئه‌گه‌ر فرۆشتنه‌كه‌شت له‌ڕووی بازرگانی بوو، واتا شتی گه‌وره‌ یاخود جومله‌، ده‌توانی خزمه‌تگوزاری كارگۆ و گه‌یاندنی له‌ده‌ره‌وه‌ی ووڵات بۆ ناوه‌وه‌ بۆ ئه‌نجام بده‌یت.

یاخود باركردن و گواستنه‌وه‌ی له‌سه‌ر تۆبێت.

یانیش لۆگۆی خۆی بۆ بخه‌یته‌ سه‌ر كارتۆنه‌كه‌.

هه‌ر یه‌ك له‌مانه‌ دڵی كڕیاره‌كه‌ خۆش ده‌كات و بیر له‌وه‌ ناكاته‌وه‌ كه‌وا پاره‌یه‌كی زیاتری به‌ كاڵاكه‌ دابێت و گه‌ر واش هه‌ست بكات، له‌به‌ر ئه‌و خزمه‌تانه‌ له‌بیری ده‌چێت.

 

٨٦-كڕیاره‌كه‌ت دڵنیا بكه‌ره‌وه‌ له‌وه‌ی بڕیارێكی دروستی داوه‌:

هه‌ركات كڕیار گه‌یشته‌ گرێبه‌ست، له‌دوای كڕین و ئه‌نجامدانی گرێبه‌ست، ده‌ستخۆشی له‌ كڕیاره‌كه‌ت بكه‌ و پێی بڵێ كه‌ كارێكی ڕاستی ئه‌نجامداوه‌ وبه‌شێوازێكی پڕۆفیشناڵانه‌ شوێنه‌كه‌ جێ بهێڵه‌ وه‌ك ئه‌وه‌ی كه‌ دواتر دێیته‌وه‌ و سه‌ری لێ ده‌ده‌یت وه‌ك هاوڕێیێك، نه‌وه‌ك وا تێبگات كه‌ تۆ پاره‌كه‌ی ئه‌وت برد و حه‌ز ده‌كه‌یت زوو بۆی ده‌رچیت وه‌ك چه‌ته‌یه‌ك بۆ ئه‌وه‌ی نه‌تگرێت.

ئه‌و خاڵه‌ ڕه‌چاو بكه‌ به‌ ووردی و جێبه‌جێی بكه‌.

 

Tagged : / /

فۆرشیاری سه‌ركه‌وتوو-به‌شی سیانزده‌یه‌م: داخستنی فرۆشتن ٢

له‌ بابه‌تی  فۆرشیاری سه‌ركه‌وتوو(مندوب) به‌شی سیانزده‌یه‌م درێژه‌ به‌ داخستنی فرۆشتن ده‌ده‌ین.

كاتێك بۆماوه‌ی یه‌ك كاتژمێر له‌گه‌ڵ كڕیار داده‌نیشیت و دوای گفتوگۆیێكی دوور نه‌گه‌یشتیت به‌ داخستنی فرۆشتنه‌كه‌، وه‌ك ئه‌وه‌ وایه‌ هیچت نه‌كردبێت، چونكه‌ نه‌تتوانی بگه‌یت به‌ پاره‌كه‌ و كاڵاكه‌ش به‌ كڕیاره‌كه‌ت بده‌یت، كه‌ ئه‌مه‌ش ئامانجی فرۆشتنه‌كه‌یه‌.

له‌م خاڵانه‌ ته‌واوكاری خاڵه‌كانی پێشووه‌.

٧٦-داخستن بە نواندن تاقی بکەوە

ئەگەر كۆمپانیاكه‌ت پرێزنتەیشنی ئاماده‌كراوی بۆت دانابێ وە زانیت ناتوانی داخستن بکەی لەبەر ئەوەی بۆتۆ گونجاو نییە «مه‌گه‌ر تۆ کێ ی؟ » (وا هه‌ست ده‌كه‌یت كه‌ کریارەکەت هه‌ست ده‌كات و ده‌زانێ که قسه‌كان هی تۆ نیه )،

له‌و حاله‌ته‌دا نواندنی داخستن بکه. ئەو جۆرە داخستنه بەکاربێنه ،

پرێزێنتەیشنەکەت وشه بە وشه بلێ ، ئەم رێگایه ترس و پاڵه‌په‌ستۆكه‌ت دەشکێنێ له‌وه‌ی كه‌وا هه‌ڵه‌بكه‌یت و بشله‌ژێیت، وه‌هه‌روه‌ها یارمه‌تیشت ده‌دات ناوه‌ ناوه‌ رابوەستی له‌ قسه‌ ئاماده‌كراوه‌كان و و قسه لەسەر داخستنەکە بکەی به وشەی خۆت،

ئه‌مه‌ش یارمەتی دروست کردنی متمانه دەدا له‌گه‌ڵ كڕیار چونكه‌ تۆ به‌بێ شله‌ژان سووده‌كانی كاڵاكه‌ت ڕوون كرده‌وه‌ و ڕای خۆتت دا. لەگەل ئەم رێگای نواندنه دەتوانی هێزو پلانه هۆشمەندانەییەکەت تێکەڵ بکەی که دەخرێتە ناو پرێزنتەیشنەکەت و پرڕزنته‌یشنێكی بێ كێشه‌ ده‌كه‌یت بۆ كڕیاره‌كه‌ت و داخستنه‌كه‌ به‌ ئه‌نجام ده‌گه‌یه‌نیت.

 

٧٧-ته‌حه‌دای كڕیاره‌كه‌ت بكه‌:

دوای ئه‌وه‌ی پریزنته‌یشنه‌كه‌ت ته‌واوكرد بۆ كڕیاره‌كه‌ت و گه‌یشتیته‌ قۆناغی داخستن، كڕیاره‌كه‌ت بخه‌ بارودۆخێكه‌وه‌ كه‌وا جۆرێك له‌ ته‌حه‌دای تێدابێت، به‌شێوه‌یه‌ك كه‌وا تێی بگه‌یه‌نیت ئه‌و ناتوانێت بڕیار بدات، یاخود بڕیار به‌ده‌ستی ئه‌و نیه‌، یاخود ئه‌و له‌ شته‌كه‌ باش نازانێت، یاخود ئاستی دارایی لاوازه‌.

ئه‌مه‌ وا له‌ كڕیار ده‌كات بكه‌وێته‌ دۆخێكی ده‌روونی و په‌له‌ بكات له‌ بڕیاردانه‌كه‌ی بۆ ئه‌وه‌ی بیسه‌لمێنێت كه‌وا ئه‌و وا نیه‌ و كڕینه‌كه‌ ئه‌نجام بدات.

 

٧٨-بەکارهێنانی تەکنیکی پرسیاری چارەسەری دەروونی:

ئه‌م ته‌كنیكه‌ یەکێکه لە ئاسانترین رێگاکانی روون کردنەوەی بابەتەکان له کرداری فرۆشتن.

سەرەرای ئەوەش ئەو تەکنیکه وا لە کریارەکەت دەکا داخستن ئەنجام بدات. جا ئەمە چۆن ئەنجام دەدرێت؟

لە کۆتایی قسەکانی کریارەکەت هەندێ لە وشەکانی کۆتایی بە پرسیارەوە دووبارە دەکەیتەوە، بۆ نمونه :- -من هەست ناکەم ئەم قاتە گونجاو بێ ! +گونجاو بێ ؟ -بەلێ ئەوە زۆر تەسکه لە کەمەرم. +لە کەمەرت ؟ بەم جۆره تەکنیکی پرسیاری چارەسەری دەروونی کاریگەری دەبێ و ئاسانه لە بەکارھێنانی، چونكه‌ ئه‌مه‌ وا له‌ كڕیار ده‌كات كه‌وا به‌ بیركردنه‌وه‌كه‌ی خۆی دابچێته‌وه‌ و خۆی له‌ناخی خۆیدا چاره‌سه‌رێك بۆ ئه‌م كێشه‌یه‌ی خۆی بدۆزێته‌وه‌.

بەڵام سەرەتا ئەم تەکنیکە لەگەڵ ئەندامانی خێزانەکەت تاقی بکەوە تاکو لێی رابێی لەگەڵ کریارەکەت بە ئاسوودەیی بەکاری بێنی.

 

٧٩-چاره‌سه‌ری بیانووی نرخ گرانی بكه‌ به‌ م ووته‌یه‌:

بیانووی نه‌كڕینی كڕیار كاتێك ده‌رباره‌ی نرخ گرانی بوو، یه‌كێك له‌ ناخۆشترین كاته‌كانی فرۆشیاره‌، وه‌ یه‌كێكه‌ له‌ هه‌ره‌ قورسترین بیانووه‌كان كه‌ كڕیار به‌كاری ده‌هێنێت بۆ نه‌كڕین.

نووسه‌ری به‌ناوبانگی ئینگلیزی ‘جۆن ڕوكسن’ ده‌ڵێت:

`ژیرانه‌ نیه‌ كه‌ نرخێكی زۆر به‌ شتێك بده‌یت، به‌ڵام له‌وه‌ش ناژیرانه‌تر ئه‌وه‌یه‌ كه‌ نرخێكی زۆر كه‌می پێ بده‌یت، چونكه‌ كاتێك كه‌ زۆر كه‌م به‌ شتێك ده‌ده‌یت ئه‌وا هه‌موو پاره‌كه‌ت له‌ده‌ست داوه‌، به‌ڵام كاتێك زۆر به‌ شتێك ده‌ده‌یت، كه‌مێكی پاره‌كه‌ت له‌ده‌ست داوه‌.

ئه‌مه‌ش له‌به‌ر ئه‌وه‌یه‌ كه‌ شته‌ گرانبه‌هاكه‌ ئه‌و كاره‌ت بۆ ده‌كات كه‌وا پاره‌كه‌ت بۆی خه‌رچ كردووه‌.

له‌ جیهانی بازرگانی و بزنسدا، ئه‌و قسه‌یه‌ ته‌نها خه‌یاڵ و بیرۆكه‌یه‌ گه‌ر بته‌وێت شتێكی زۆر باش به‌ پاره‌یه‌كی زۆر كه‌م بكڕیت`

ئه‌مه‌ش ده‌بێته‌ ڕێگایێكی تر بۆ داخستنی فرۆشتنه‌كه‌ت كاتێك كڕیار كێشه‌ی له‌سه‌ر نرخ هه‌یه‌.

 

٨٠-هه‌میشه‌ بۆ وه‌ڵامی بیانووه‌كانی كڕیار ، زانیاری نوێ به‌كار بێنه‌:

هیچ شتێك ئه‌وه‌نده‌ی زانیاری دووباره‌ كڕیار بێزار ناكات، شێتیه‌ گه‌ر بته‌وێ به‌ هه‌مان ئه‌و قسانه‌ی پێشوو بیانووی ببڕیت، چونكه‌ خۆی ئه‌م قسانه‌ت بوونه‌ته‌ هۆی ئه‌و بیانووانه‌.

بۆیه‌ كاتێك كڕیار كه‌وته‌ بیانوو هێنانه‌وه‌، تۆ هه‌وڵ بده‌ قسه‌ی تازه‌ی بۆ بكه‌یت، زانیاری تازه‌ی بۆ بخه‌ ڕوو ده‌رباره‌ی به‌رهه‌مه‌كه‌ت و بازاڕی تازه‌.

ڕه‌نگه‌ له‌سه‌ر ئه‌و قسه‌ تازه‌یه‌شت بیانووی تازه‌ هه‌بێت، ئاساییه‌، به‌مه‌ ده‌گه‌یته‌ مه‌به‌ستی پشت بیانووه‌كه‌ی، ئه‌وكات تێده‌گه‌یت كه‌ هۆكاری بیانووه‌كانی چین و تۆش گه‌ر توانیت هۆكاره‌كه‌ی بۆ چاره‌بكه‌یت، ئه‌وكاته‌ فرۆشتنه‌كه‌ت ئه‌نجام داوه‌.

 

٨١-به‌ پڕۆفیشناڵانه‌ و خۆگری بمێنه‌وه‌ هه‌تا دوای قبوڵ نه‌كردنیش:

لێكۆڵینه‌وه‌كان ده‌ریان خستووه‌ %٤٤ ی فرۆشیار و مه‌ندوبه‌كان له‌كاتی یه‌كه‌م نای كڕیار سارد ده‌بنه‌وه‌ و واز ده‌هێنن.

وه‌ هه‌روه‌ها %٢٢  ش له‌ دوای دووه‌م نا واز ده‌هێنن.

وه‌ %١٤ ته‌نها دوای سێیه‌م نا.

و له‌ %١٢ له‌دوای چواره‌م نا.

ئه‌مه‌ سه‌ره‌ڕای ئه‌وه‌ی كه‌ %٦٠ی كڕیاره‌كان تاوه‌كو چوار جار ده‌ڵێن نا

ئه‌مه‌ش سه‌لمێنه‌ری ئه‌وه‌یه‌ كه‌وا ته‌نها %٨ی فرۆشیاره‌كان %٦٠ ی فرۆشتنه‌كان ئه‌نجام ده‌ده‌ن.

سه‌یره‌ وانیه‌؟!

به‌ڵام ئه‌مه‌ ڕاستیه‌كه‌یه‌، سه‌یری خۆت بكه‌ بزانه‌ تۆ ئه‌م خاڵه‌ت تێدا هه‌بووه‌ پێش ئێستا؟ وه‌ بووه‌ كڕیارێك تا ئه‌و ڕاده‌یه‌ بڵێت نا و تۆش ڕازیت كردبێت؟

 

 

 

ڕابه‌ر كه‌ریم

ئه‌ندازیاری پڕۆگرامسازی و خاوه‌نی كۆمپانیای جیاساز

كۆمپانیای جیاساز بۆ خزمه‌تگوزاری و چاره‌سه‌ری ته‌كنه‌لۆجی

 

بابه‌تی پێشوو

فۆرشیاری سه‌ركه‌وتوو(مندوب)-به‌شی دوازده‌هه‌م: داخستنی فرۆشتن

Tagged : / /

فۆرشیاری سه‌ركه‌وتوو-به‌شی دوازده‌هه‌م: داخستنی فرۆشتن

تا ئێره‌ باسی گرینگی فرۆشتن و قۆناغه‌كانی فرۆشتنمان كرد، هه‌ر له‌ سه‌ره‌تای په‌یوه‌ندی كردن به‌ كڕیاره‌وه‌ و دۆزینه‌وه‌ی كڕیار.

ئه‌مه‌ جگه‌ له‌ نیشانه‌كانی كڕیاری باش و هه‌موو هه‌ڵس و كه‌وته‌كانی كه‌وا ده‌كه‌ن كڕیار مه‌یلی كڕینی زیاتربێت له‌ نه‌كڕینی.

لێره‌دا له‌كۆتا قۆناغی فرۆشتن كه‌ گرینگترین قۆناغه‌ باسی داخستنی فرۆشتن ده‌كه‌ین.

مه‌به‌ستمان له‌ داخستن Closing چیه‌؟

مه‌به‌ستمان له‌ داخستن بریتیه‌ له‌ ئه‌نجامدانی فرۆشتنه‌كه‌ و ئه‌نجامدانی گرێبه‌سته‌كه‌ و كۆتایی هێنانه‌ به‌ فرۆشتن و داخستنی ئه‌و پڕۆسه‌یه‌ كه‌ كردومانه‌ته‌وه‌ له‌گه‌ڵ كڕیار.

هه‌ر فرۆشیارێك (مندوبێك) ئه‌گه‌ر هه‌موو خاڵه‌كانی سه‌ره‌وه‌ی جێبه‌جێكرد و كڕیاری له‌خۆی ڕازی كرد و هاوڕێیه‌تیێكی پته‌ویشی له‌گه‌ڵ به‌رامبه‌ره‌كه‌ی دروستكرد، ئه‌گه‌ر فرۆشتنه‌كه‌ نه‌كاته‌ گرێبه‌ست و پاره‌ له‌ كڕیار وه‌رنه‌گرێت، كرداری فرۆشتنه‌كه‌ی سه‌ركه‌وتوو نه‌بووه‌.

 

٧١-نه‌فرۆشتنیش هه‌ر داخستنه‌

یانیش، مه‌رج نیه‌ هه‌مووكات كۆتایی پرۆسه‌كه‌ به‌فرۆشتنی كاڵاكه‌ت بێت.

یه‌كلاییكردنه‌وه‌ی ئه‌وه‌ی كه‌ ئایا كه‌سی به‌رامبه‌رت كڕیاره‌ یاخود نا، ئه‌مه‌ش هه‌ر داخستنه‌، كه‌سانێكی زۆر هه‌ن كه‌ كڕیار نین، ناشبن به‌ كڕیار، ته‌نها ئه‌وه‌یه‌ كاتیان زۆره‌ و ده‌یانه‌وێت زانیاری بزانن، چه‌ندان دیدارت له‌گه‌ڵ داده‌نێن.

ئه‌مه‌ مانای ئه‌وه‌ نیه‌ كه‌وا  سه‌رسامن به‌ كاڵاكه‌ت و ده‌یانه‌وێت بكڕن.

تۆ ده‌بێت ئه‌و كه‌سانه‌ له‌ كڕیاری ڕاسته‌قینه‌ جیا بكه‌یته‌وه‌ و كاتی خۆتیان پێ نه‌كوژیت و پڕۆسه‌كه‌ دابخه‌یت

٧٢-داوای كڕین له‌ كه‌سی به‌رامبه‌رت بكه‌

زۆرجار فرۆشیار یاخود مه‌ندوب، ئه‌وه‌نده‌ له‌سه‌ر تایبه‌تمه‌ندی كاڵایه‌كه‌ی ده‌ڕوات له‌لای فرۆشیار، له‌بیر ده‌كات داوا له‌ فرۆشیار بكات كه‌ ئایا ده‌یكڕێت یاخود نا؟ ئایا پاره‌ به‌ شته‌كه‌ی ده‌دات یاخود نا؟

یانیش فرۆشیار له‌ ترسی ڕازی نه‌بوونی كڕیار، ناوێرێت لێی بپرسێت: ئایا ئاماده‌ی گرێبه‌سته‌كه‌ ئه‌نجام بده‌ین به‌م نرخه‌؟

هه‌ر به‌وهیوایه‌ی كه‌وا كه‌سی به‌رامبه‌ری یه‌كێك له‌ قسه‌كانی ئه‌وی به‌دڵ بووبێت و خۆی دواتر په‌یوه‌ندی بكاته‌وه‌، كه‌ ئه‌مه‌ش هه‌ڵه‌یه‌كی زه‌قی زۆربه‌ی فرۆشیاره‌كانه‌.

بۆیه‌ له‌ زووترین كاتدا ئه‌وه‌ ببڕێنه‌وه‌ كه‌وا ئایا

١-كاڵاكه‌ت به‌كه‌ڵكیان دێت؟ لێیان بپرسه‌.

٢-له‌ ڕووی داراییه‌وه‌ ده‌توانن بیكڕن ؟ لێیان بپرسه‌.

٣-ده‌یانه‌وێت ئێستا بیكڕن یان دواتر؟ لێیان بپرسه‌.

٤-بڕیارده‌ری كۆتایی كێیه‌؟ لێیان بپرسه‌

 

٧٣-هه‌موو ڕێگاكانی نه‌كڕین له‌ كڕیاره‌كه‌ت بگره‌

هه‌موو كه‌سێك به‌هانه‌ی هه‌یه‌ بۆ نه‌كڕین، تۆ ده‌بێت به‌هانه‌ بده‌یت به‌ كڕیاره‌كان بۆ كڕین، ده‌بێت هه‌موو ده‌رگاكانی نه‌كڕینیان لێ دابخه‌ی، ئه‌ویش له‌ كه‌مترین كات و كه‌مترین یه‌كتر دیتندا.

ڕێگه‌ مه‌ده‌ به‌ به‌هانه‌ی بێ بنه‌ما كاتت لێ بكوژێت و دواتریش لێت نه‌كڕێت، خۆت ئاماده‌ بكه‌ بۆ هه‌موو به‌هانه‌كانی وه‌ك (نرخت گرانه‌، له‌هی تۆ هه‌رزانتر هه‌یه‌، بۆچی له‌تۆ بكڕم؟ با بازار بگه‌ڕێم دواتر دێمه‌وه‌ لات، با له‌ هاوبه‌شه‌كانم بپرسم ئینجا،…..( چه‌ندین بیانووی تریش.

ئه‌گه‌ر كڕیار داوای دیداری تری كرد، ئاساییه‌، به‌ڵام به‌مه‌رجی ڕازی بوونی به‌ مه‌رجه‌ سه‌ره‌تاییه‌كانی تۆ، ئه‌گه‌ر ئه‌و له‌سه‌ره‌تاوه‌ به‌ نرخ و كوالێتی تۆ ڕازی نیه‌، پێویست به‌ دیداری تر ناكات و ئه‌و كه‌سه‌ به‌جێ بهێڵه‌ و كاته‌كه‌ت بۆ كڕیاره‌ ڕاسته‌قینه‌كان بهێڵه‌وه‌ و كڕینه‌كه‌ دابخه‌.

 

٧٤-له‌ كاتی داخستندا ڕووبه‌ڕووی ٣ بژارده‌ ده‌بیته‌وه‌

كاتێك تۆ داوا له‌ كڕیار ده‌كه‌یت كه‌وا گرێبه‌ست ئه‌نجام بدات و كاڵاكه‌ت بكڕێت، یه‌كێك له‌م سێ وه‌ڵامه‌ی ده‌بێت:

١-به‌ڵێ ڕازیم، با گرێبه‌ست بكه‌ین. (خه‌نی له‌خۆت 🙂 )

٢-نه‌خێر ، به‌كه‌لكی من نایه‌ت، (به‌و بیانوانه‌ی سه‌ره‌وه‌ باسمان كرد)

٣- دڵنیا نیم، با بیرێكی لێ بكه‌مه‌وه‌

 

له‌حاله‌تی یه‌كه‌مدا ئه‌وه‌ هیچ كه‌سێك كێشه‌ی نیه‌ و فرۆشتنه‌كه‌ی سه‌ركه‌وتووبووه‌.

له‌حاله‌تی دووه‌م دا كه‌ فرۆشیار دڵنیایه‌ له‌وه‌ی كه‌وا به‌رهه‌مه‌كه‌ی تۆی ناوێت كێشه‌ نابێت و سوپاسی بكه‌، ڕه‌نگه‌ له‌ جاری داهاتوودا ببێته‌ كڕیارت له‌ به‌رهه‌مێكی تر و كاتێكی تر.

ناخۆشتترین بار و دۆخ ئه‌وه‌ویه‌ كه‌ كڕیار بڵێت بیری لێ ده‌كه‌مه‌وه‌.

له‌ زۆربه‌ی بارو دۆخه‌كان كڕیار ڕاست ناكات و نیازی كڕینی نیه‌ و ده‌یه‌ووێت به‌م ووته‌یه‌ به‌ڕێت بكات.

له‌خاڵه‌كانی داهاتووودا باسی چاره‌ی ئه‌م خاڵه‌ش ده‌كه‌ین له‌ژێر ناوی چاره‌كردنی بیانووه‌كانی كڕیار

 

 

 

٧٥-داخستن له‌ڕێگای چیرۆكی كه‌سانی تره‌وه‌

زۆرجار كڕیار پێویستی به‌كاڵاكه‌ت هه‌یه‌، به‌ڵام له‌به‌ر هۆكارێكی نه‌زانراو كه‌ زۆرجار خۆشی نازانێت كه‌ چیه‌، ئاماده‌ نیه‌ كڕینه‌كه‌ بكات.

تۆی فرۆشیار ده‌توانیت له‌ڕێگای گێڕانه‌وه‌ی چیرۆكی ئه‌وانی تره‌وه‌ كه‌وا كاڵاكه‌ی تۆیان نه‌كڕیه‌وه‌ و زه‌ره‌ریان كردوه‌. به‌مه‌ش ناچاربوون چه‌ندان به‌رهه‌می تر تاقی بكه‌نه‌وه‌ و نه‌گه‌نه‌ ئه‌نجام.

 

 

ڕابه‌ر كه‌ریم

ئه‌ندازیاری پڕۆگرامسازی و خاوه‌نی كۆمپانیای جیاساز

كۆمپانیای جیاساز بۆ خزمه‌تگوزاری و چاره‌سه‌ری ته‌كنه‌لۆجی

 

بابه‌تی پێشوو

 

فۆرشیاری سه‌ركه‌وتوو(مندوب)-به‌شی یازده‌یه‌م: وێناكردن

Tagged : /

فۆرشیاری سه‌ركه‌وتوو-به‌شی یازده‌یه‌م: وێناكردن

فۆرشیاری سه‌ركه‌وتوو(مندوب)-به‌شی یازده‌یه‌م: وێناكردن

له‌م به‌شه‌ باسی  جۆری دروستكردنی قه‌ناعه‌ت ده‌كه‌ین بۆ كڕیار له‌لایه‌ن فرۆشیارێكی سه‌ركه‌وتوو.

 

٦١-هه‌رگیز پێشبینی مه‌كه‌ له‌ كڕیاره‌كه‌ت تێ ده‌گه‌یت و ده‌زانیت چی ده‌وێت، پرسیاری لێ بكه‌.

زۆرێك له‌ فرۆشیاره‌كان وا ده‌زانن كه‌وا هێنده‌ زیره‌كن، به‌ ته‌نیا بینی كڕیار و خۆ ناساندنیان، ده‌توانن بزانن كڕیاره‌كه‌ چی ده‌وێت. به‌ڵام ئه‌مه‌ ڕاست نیه‌.

كڕیار مرۆڤه‌، مرۆڤیش هه‌رگیز دوو دانه‌ وه‌ك یه‌كتر نابن له‌ بیركردنه‌وه‌  و حه‌ز و بودجه‌ و پێویستیدا.

هه‌میشه‌ به‌ پرسیاركردن له‌ كڕیاره‌كه‌ت قوڵتر به‌ره‌وه‌، نه‌وه‌ك له‌خۆته‌وه‌ پێشبینی ئه‌وه‌ بكه‌یت كه‌وا كڕیار چی ده‌وێت و كه‌ له‌كۆتایشدا تووشی كێشه‌ ده‌بیت كاتێك ده‌زانیت كه‌وا كڕیاره‌كه‌ت ئه‌م شته‌ی ناوێت كه‌وا تۆ چه‌ند كاتژمێره‌ بۆی ڕوون ده‌كه‌یته‌وه‌.

سه‌ره‌تا بزانه‌ ئئه‌و كێشه‌ی ئه‌و چاره‌سه‌ره‌ لای تۆ یان نا؟ ئینجا ده‌ست بكه‌ به‌ ڕوون كردنه‌وه‌ و كاتی خۆت و ئه‌ویش مه‌گره‌.

به‌مه‌ خۆشه‌ویستیشت له‌لای كڕیار زیاد ده‌كات، چونكه‌ وه‌ك گووتمان، خه‌ڵك حه‌زده‌كات گوێی لێ بگیرێت.


٦٢-به‌ ووشه‌كانت وێنه‌یه‌ك بۆ كڕیار دروست بكه‌.

ووته‌یه‌كی دێرین هه‌یه‌ ده‌ڵێت، ١ وێنه‌ به‌جێگای ١٠٠٠ ووته‌یه‌.

ئه‌مه‌ له‌ فرۆشتنیشدا ڕاسته‌، هه‌وڵ بده‌ قسه‌كانت زیاتر دروستكردنی وێنه‌یه‌ك بێت بۆ كڕیار كه‌وا كڕیار چی به‌سه‌ر دێت گه‌ر بێت و كاڵاكه‌ی تۆ بكڕێت.

بۆ نموننه‌، داهات چه‌نده‌ زیاد ده‌كات؟ یاخود ژیانی . چه‌نده‌ ئاسان ده‌بێت؟ یانیش چه‌نده‌ پاره‌ و خه‌رجی بۆ ده‌گه‌ڕێته‌وه‌؟ یان هه‌ر وێنه‌یه‌كی . تر كه‌ووابكات كڕیار هه‌ست به‌ چركه‌ساته‌كه‌ بكات، بێگومان ئه‌مه‌ زۆر یارمه‌تی ده‌ر ده‌بێت كه‌وا كڕیار ئاسانتر بڕیار بدات كه‌ كاڵاكه‌ت یان خزمه‌تگوزاریه‌كه‌ت به‌كار بهێنێت.


٦٣-هه‌ردوو هۆكاری هه‌ست و مه‌نتیق به‌كار بهێنه‌.

زیگ زاگله‌ر، كه‌ به‌مامۆستای فرۆشتن داده‌نرێت ده‌ڵێت: مه‌نتیق وا ده‌كات خه‌ڵك بیر بكاته‌وه‌، هه‌ستیش وا ده‌كات خه‌ڵك بڕیار بدات و كردار ئه‌نجام بدات.

تۆ گه‌ر به‌ته‌نها لۆجیك به‌كاربهێنیت، كڕیار زانیاریێكی زۆر به‌خۆڕایی وه‌رده‌گرێت و تۆش هیچ نافرۆشیت، واته‌ به‌خۆڕایی زانیاریت به‌ كڕیار فرۆشت.

وه‌ ئه‌گه‌ر به‌ ته‌نها هه‌ست وعاتیفه‌ت به‌كارهێنا، ئه‌وا كڕیار هه‌ستی پێویستی و كڕینی لا دروست ده‌بێت، به‌ڵام له‌ كه‌سێكی مه‌نتیقی تر ده‌كڕێت.


٦٤-هه‌وڵ بده‌ مێشكی . كڕیار له‌سه‌ر وه‌به‌رهێنان بێت له‌ پاره‌كه‌ی، نه‌وه‌ك خه‌رجكردن له‌ نرخ یان تێچووی كاڵاكه‌.

گه‌ر تۆ هه‌میشه‌ بیرت له‌لای نرخی كاڵاكه‌ت بوو، كڕیاری به‌ هه‌مان شێوه‌ بیری له‌لای گیرفانی ده‌بێت و بیر له‌ووه‌ ده‌كاته‌وه‌ كه‌وا چه‌نده‌ پاره‌ی له‌ ده‌ست ده‌چێت گه‌ر بێت و ئه‌م كاڵایه‌ بكڕێت.

به‌ڵام تۆ گه‌ر توانیت وا له‌كڕیار بكه‌یت كه‌وا به‌م پاره‌یه‌ی ده‌یدات به‌تۆ، وه‌به‌رهێنان ده‌كات، ئه‌وا بێگومان بیر . له‌و قازانجانه‌ ده‌كاته‌وه‌ كه‌وا له‌ كڕینی به‌رهه‌مه‌كه‌ت به‌ده‌ستی دێنێت و پپاره‌كه‌ی ده‌یدات به‌تۆ له‌به‌ر چاوی نابێت.


٦٥-هه‌میشه‌ بیرت له‌ پێداویستیه‌كانی كڕیار بێت نه‌وه‌ك هی خۆت.

خه‌ڵكی كاتێك شتێك ده‌كڕن له‌به‌ر ئه‌وه‌یه‌ كه‌وا پێویستیانه‌، تۆ ده‌بێت سه‌ره‌تا پێویستیه‌كه‌یان بۆ دروست بكه‌یت ئینجا چاره‌سه‌ره‌كه‌یان پێ بفرۆشیت.

خه‌ڵكی هه‌رگیز لێت ناكڕێت له‌به‌ر ئه‌وه‌ی كه‌وا تۆ پپێویسته‌ ئه‌م كاڵایه‌ بفرۆشیت و پێویستیت به‌ پاره‌یه‌، خه‌ڵك ئاماده‌ نیه‌ پێویستی تۆ پڕبكاته‌وه‌، خۆ تۆ سواڵكه‌ر نیت.

گه‌ر به‌م ڕۆحیه‌ته‌وه‌ بڕۆت بۆلای كڕیار، بێگومان له‌ كرده‌وه‌ و قسه‌كردنت ڕه‌نگ ده‌داته‌وه‌، به‌مه‌ش فرۆشتنه‌كه‌ت له‌ده‌ست ده‌ده‌یت.

بۆیه‌ وه‌ك كه‌سێكی باوه‌ڕ به‌خۆ بوو وبێ پێویستی خۆت بنوێنه‌ و به‌ده‌وای چاره‌سه‌ركردن و دابین كردنی پێداویستی خه‌ڵكی بگه‌ڕێ.


٦٦-گوێ له‌ مۆسیقاكه‌ بگره‌.

هه‌میشه‌ گۆرانی پێك دێت له‌ تێكه‌ڵه‌ی ووشه‌ و ئاواز وده‌نگ، به‌ڵام گرینگترین . شت كه‌وا خه‌ڵك سه‌رسام ده‌كات، چیرۆكی پشت گۆرانی و شعره‌كه‌یه‌، بۆ ئه‌وه‌ی كه‌ له‌م چیرۆكه‌ش تێ بگه‌یت، ده‌بێت له‌ ووشه‌كان وورد بیته‌وه‌ و بچیته‌ ئاوازی ووشه‌كان، ئیجا تێده‌گه‌یت . كه‌وا ئه‌م شاعیره‌ بۆ ئه‌م ووشانه‌ی نووسیوه‌ و ئه‌م گۆرانی بێژه‌ش بۆ ئه‌م شعره‌ی هه‌ڵبژاردووه‌. واته‌ له‌ ئازاری ووته‌كان تێده‌گه‌یت به‌ ئاووازه‌كه‌ی.

هه‌مان شتیش ڕاسته‌ بۆ كڕیار، گوێ بده‌ ئاوازی ووته‌كانی كڕیار، بزانه‌ چه‌نده‌ ئازاری هه‌یه‌ و چ زه‌حمه‌تیێكی تووش بووه‌ به‌م كێشه‌یه‌ی كه‌ تۆ ده‌توانی چاره‌سه‌ری بكه‌یت، به‌زانینی بڕی ئازاری كڕیار، ده‌توانیت نرخی كاڵا یان خزمه‌تگوزاریه‌كه‌ت دیاری . بكه‌یت و ڕه‌نگه‌ بۆ كه‌سێك زۆر به‌ ئازار بێت، بتووانیت زۆرترین قازانجی لێ بكه‌یت.


٦٧- له‌كاتی ڕوونكردنه‌وه‌ی كاڵا و خزمه‌تگوزاریه‌كه‌ت، هه‌میشه‌ دڵنیابه‌وه‌ له‌وه‌ی . كه‌وا كڕیار تێتگه‌یشتووه‌.

تۆ كاتێك وێنای به‌رهه‌مه‌كه‌ت ده‌كه‌یت بۆ كڕیار، نابێت بۆ ماوه‌یه‌كی زۆر له‌سه‌ر یه‌كتری قسه‌ بكه‌یت، ده‌بێت ماوه‌ بده‌یت به‌ كڕیار تاوه‌كو تێت بگات و هه‌رسی زانیاریه‌كان بكات، له‌ هه‌مان كاتیشدا ده‌رباره‌ی شێوازی ڕوونكردنه‌وه‌ی خۆت پرسیاری لێ بكه‌ت، گه‌ر  به‌دڵی نه‌بوو، شێوازه‌كه‌ی بگۆڕه‌، چونكه‌ مه‌رج نیه‌ به‌و جۆره‌ی تۆ له‌ به‌رهه‌مه‌كه‌ت ده‌گه‌یت خه‌ڵكی دیكه‌ش به‌هه‌مان شێوه‌ تێی بگه‌ن، چونكه‌ هه‌مان باكگراوندی تۆیان نیه‌ بێگومان.


٦٨-له‌كاتی پرسیاركردن، ئه‌و پرسیارانه‌ بكه‌ كه‌ وه‌ڵامه‌كه‌ی به‌ڵێ یه‌

كاتێك نزیك ده‌بیته‌وه‌ له‌ پێدانی نرخ و كۆتایی هێنان به‌ . دانیشتنه‌كه‌ و ئه‌نجامدانی فرۆشتنه‌كه‌، هه‌میشه‌ كۆمه‌ڵه‌ پرسیارێك ئاماده‌بكه‌ و له‌ كڕیاره‌كه‌تی بكه‌، كه‌ به‌ دڵنیایه‌وه‌ وه‌ڵامه‌كه‌ی به‌ڵێ بێت وه‌ك: تۆ حه‌زناكه‌یت كه‌وا زۆرترین قازانج بكه‌یت؟ یان، حه‌ز ناكه‌یت ژیانت خۆشتر بێت؟ یان هه‌رشتێكی تر به‌گوێره‌ی دانیشتنه‌كه‌ بێت.

ئه‌مه‌ وه‌ك جادوو كاری خۆی د ه‌كات، وا ده‌كات كاتێك داوای كڕین له‌ كڕیاره‌كه‌ت ده‌كه‌یت، به‌ ئه‌گه‌ری زۆره‌وه‌ ئاماده‌بێت بۆ ووتنی . به‌ڵێ چونكه‌ ڕات هێناوه‌ له‌سه‌ری.


٦٩-هه‌میشه‌ ووته‌كانی كڕیار به‌ تێبینی بنوسه‌.

نه‌كه‌یت بۆ فرۆشتن له‌گه‌ڵ كه‌سانی ناودار و خاوه‌ن كاردا، قه‌ڵه‌م و كاغه‌ز له‌بیر بكه‌یت، گه‌ر قسه‌كانی ئه‌وان بنوسیته‌وه‌، دوو قازانج ده‌كه‌یت، یه‌كه‌م: كڕیار تێده‌گات كه‌وا تۆ گرینگی پێ ده‌ده‌یت و گوێگرێكی باشیت، به‌مه‌ش له‌گه‌ڵت ئاسووده‌ ده‌بێت.

دووه‌م:ده‌توانیت ناو به‌ناو بگه‌ڕێیته‌وه‌ بۆ چه‌ند ووته‌یه‌كی . كڕیاره‌كه‌ت و وه‌ك پاڵپشتی بۆخۆت به‌كاریان بهێنیت كاتێك كه‌وا قسه‌كانی خۆی ده‌گۆڕێت.


٧٠- هه‌میشه‌ بپرسه‌ر بۆ

پرسینی بۆ وا ده‌كات كڕیار ڕوونكردنه‌وه‌ی زیاتر بدات، جا چ له‌ سه‌ره‌تا یان كۆتایی قسه‌كانی دابێت، گرینگ نیه‌ كه‌ی ده‌پرسیت ، گرینگ ئه‌وه‌ویه‌ شه‌رم مه‌كه‌ له‌ پرسینی بۆ چونكه‌ ئه‌مه‌ زیاتر له‌ ئازار و پێداویستی كڕیار نزیكترت ده‌كاته‌وه‌ و ئه‌گه‌ری سه‌ركه‌وتنت زیاتر ده‌كات، یانیش ده‌كرێت به‌ شێوازێكی تر بپرسیت: ده‌كرێت ڕوونكردنه‌وه‌ی زیاتر بده‌یتێ ده‌رباره‌ی ئه‌مه‌؟

 

 

 

ئه‌.ڕابه‌ر كه‌ریم

ئه‌ندازیاری پڕۆگرامسازی و خاوه‌نی كۆمپانیای جیاساز

كۆمپانیای جیاساز بۆ خزمه‌تگوزاری و چاره‌سه‌ری ته‌كنه‌لۆجی

 

له‌م لینكه‌ش به‌شی ده‌یه‌م بخوێنه‌وه‌

فۆرشیاری سه‌ركه‌وتوو(مندوب)-به‌شی ده‌یه‌م: ئه‌ته‌كێتی فرۆشیار

 

Tagged : /

٥ بەھرەی بەھێز کەوا ئەکات کڕیارەکانت بەئاسانی و لێھاتووی ڕازی بکەیت

گرینگ نیە کە تۆ خاوەنی پڕۆژەی بچوک یاخوود کۆمپانیای گەورە بیت، بۆ ئەوەی سەرکەوتوبیت لەفرۆشتنی بەرھەمەکانت /خزمەتگوزارییەکانت، تەنھا وەبەر ھێنانی بەرھەمی باش یاخوود پێشکەشکردنی خزمەتگوزاری نایاب لەگەڵ ڕێکلام کردن بەس نیە بەڵکو (تحدی) یەکی تر ھەیە کە ڕووبەڕووی دەبیتەوە کە ئەمانەن : چۆن کڕیارەکانت ڕائەکێشی بۆ شت کڕین؟ چۆن بەرزترین ڕێژەی فڕۆشتن بەدەست دەھێنی؟

وە بێگومان گەر ویستت بەرزترین ڕێژەی فرۆشتن بەدەست بھێنی ، پێوستە بەھرەی ڕاکێشان و(تفاوسض)ت تیابێت ، بۆ ئەوەی توانای ڕاکێشانی کڕیارەکانت ھەبێت کە شتومەکت لێ بکڕن لێرەدا ٥ بەھرەی ڕازیکردنی کڕیارەکان دەخەینە ڕوو

چۆن کڕیارەکان ڕازی دەکەین بۆ شت کڕین لێت:-

١.(قازانجەکانت بە کڕیارەکانت بفرۆشە بەبێ سوود وەرگرتن و تایبەتمەندنی)

فرۆشیار پێویستە قازانجی بەرھەمەکانی بەکریارەکان بفرۆشێت نەک سوودەکانی بەرھەمەکە، چونکە کریار پێویستی بەوەیە کە بزانێت کە چ شتێک پێداویستیەکانی ڕازی دەکات، نەک سوودو تایبەتمەندیەکانی بەرھەمی کۆمپانیایەکە، بۆ نموونە کاتێک فرۆشیار ئۆتۆمبێلێک پیشانی کڕیارێک دەدات ھەڵەیە فرۆشیارەکە بڵێت کە ئۆتۆمبێلەکە سیستەمێکی پارێزگاری سەرسوڕھێنەری ھەیە، بەڵام باشتر وایە فرۆشیارەکە بە کڕیارەکە بڵێت کە ئۆتۆمبێلەکە خێزانەکەت دەپارێزێت لە کاتی لێخورین.


٢.(دەست نیشانی ھەست و سۆزی کڕیارەکەت لە بڕی بەکارھێنانی لۆژیک)

ئاسانە کڕیار لەڕووی بەکارھێنانی زمانەوە ڕازی بکەیت کە کاریگەری لەسەر ھەستەکانی ھەیە لە کاتێکدا سەختە لەڕێی بەکارھێنانی لۆژیک ڕازی بکەی. بۆ نموونە نوێنەری فرۆشتنەکان بە کڕیارێکی گوت کە کڕینی ئەم سەیارەی کۆمپانیایە وات لێ دەکات لەبەرچاوی خەڵک دیاربی (تەرکیزی خستەسەر ھەست و سۆزی) لەبری ئەوەی بڵێت کە ئۆتۆمبێلەکە توندو بەھێزە(تەرکیز کردنە سەر لۆژیک)


٣.(دووربکەوە لەزۆر قسەکردن، سەرنج بدە گرینگترین تایبەت مەندییەکانی بەرھەمەکە)

ھەندێ لەستافەکانی فرۆشتن کڕیارەکان بێزاردەکەن بە چوونەناو وردەکاری زۆر لەسەر بەرھەمەکە، بۆ نموونە بریکارێکی نووسینگەی خانووبەرە پێوست ناکات کڕیارێک بار گران بکات بەباسکردنی ووردەکارییەکانی خانوو وەک و کوالێتی ڕەنگەکان ، باشترە باسی سوودەکانی بۆ بکات وەکو ڕووبەری فراوانی خانووەکە لەگەڵ شێوە جوانەکەی.


٤.(ھۆکارێک بدە کڕیارەکەت بۆ ئەوەی ناچاری بکەی بەرھەمەکەت بکڕێت)

نوێنەری فڕۆشتنەکە پێویستە ھۆکارێک دروست بکات بۆ ناچارکردنی کڕیار بۆ کڕینی بەرھەمەکەی. مەرجە ھۆکارەکە لەشێوەی قازانجێکی تایبەت بێت کە کڕیارەکە بەدەستی دەھێنێت لەڕێی بەرھەمی ئەم کۆمپانیایە ، بۆنموونە نوێنەری فروشتنی کۆمپانیایەکی گرێبەستن ئۆفەرێک ئەخاتە روو بۆ بریکاری حکومەت بۆ ئەوەی گروپێک بۆ ئەم لقە بنیات بنێت لەماوەیەکی دیارکراو، ھیچ کۆمپانیایەکی تری گرێبەستن ناتوانێت پڕۆژەکە تەواو بکات لە ھەمان ماوەی دیارکراو .


٥.(وا لە قازانجی بەرھەمەکە بکە کە بەرچاو دیار بێت)

بەگشتی کڕیار ئەو قازانجانەی لاوەکین پشت گوێیان دەخات زیاتر روو لە قازانجە دیارەکان دەکات کە بە ژمارە دیاری کرابێت ، بۆ نموونە ھەڵەیە کە نوێنەرێکی فرۆشتن بۆماددەی خاو بەکڕیارەکەی بڵێت کەتۆ ئەم ماددە خاوانە لە کۆمپانیاکەمان دەکڕیت خەرجییەکانت کەم دەبنەوە(لاوەکی)، بەڵام پێویستە بڵێیت کە شت کڕینەکەی تۆ ٪‏٢٥ خەرجیەکانت کەم دەکاتەوە وە دەتوانیت بۆ کڕیارەکە روونیبکەیتەوە کە چۆن ئەو خەرجیانەی مامەڵەکردن دەستەبەر ئەکرێ.


بائێستا تۆ دەزانی کەچۆن کڕیارەکەت ڕازی بکەی کە کەلوپەلت لێ بکڕێت، گومان لەوە دانیە کە دەشزانی زیاتر دەفرۆشیت ئەگەر بەزمانی کریارەکان قسە بکەین ، کریاری زیاتر بەدەست دەھێنی ئەگەر قازانجەکانی بەکارھێنانی بەرھەمەکە پەیوەست بکەی پێی لەجیاتی تایبەتمەندیەکان و سوودەکانی بەرھەمەکە. ئەوان بەرھەم ناکڕن تەنھا لەبەر نیشانەکانی، بەڵکو ئەبیت بڕیاری فرۆشتنەکە ھەندێک ئەم نیشانانەی قازانجەکانی تێدابێت. بۆیە ھەرگیز باسی تایبەتمەندیەکان مەکە بھێڵە کڕیارەکە لەڕێی ئەنجامەکان سوودەکانی بدۆزێتەوە.

Tagged :

بۆچی پێویست ده‌كات هه‌موومان له‌كاری فرۆشتن شاره‌زابین؟ ته‌نانه‌ت منیش؟

 بۆچی پێویست ده‌كات هه‌موومان له‌كاری فرۆشتن شاره‌زابین؟ ته‌نانه‌ت منیش؟ به‌ڵێ تۆش.

كاتێك كه‌وا گوێت له‌ وشه‌ی فرۆشیار ده‌بێت، یه‌كه‌مین وێنه‌ی كه‌ به‌مێشكت دادێت چیه‌؟

با من بۆت باس بكه‌م، دوكاندارێك كه‌وا كۆمه‌ڵێك كه‌لوپه‌ل ده‌فرۆشێت و كڕیاره‌كان ده‌ڕۆن بۆلای و شتی لێده‌كڕن، وێنه‌كه‌ وایه‌؟

گه‌ر ئه‌م وێنه‌یه‌ هاتۆته‌ مێشكت، ئه‌وا تۆ كه‌موكوڕیت هه‌یه‌ له‌ تێگه‌یشتن له‌و وشه‌یه‌، چونكه‌ كرداری فرۆشتن تایبه‌ت نییه‌ ته‌نها به‌ دوكانداره‌كان.

ڕاسته‌ ئه‌وان كاری فرۆشتن ده‌كه‌ن، به‌ڵام تاكه‌ فرۆشیار ئه‌وان نین.

ئه‌ی باشه‌ فرۆشیاری ڕاسته‌قینه‌ كێییه‌؟

به‌گشتی فرۆشتن  ته‌نها تایبه‌ت نییه‌ به‌ فرۆشتنی كاڵا، زۆر كه‌س هه‌ن خزمه‌تگوزاری ده‌فرۆشن ، وه‌ك: شوفێری ته‌كسی، پاس، بۆیاغچی، وه‌ستا، پزیشك، مامۆستا.

ڕه‌نگه‌ بڵێیت چی چی؟!! پزیشكیش كرداری فرۆشتن ده‌كات؟ ته‌نانه‌ت مامۆستاش؟

ده‌ڵێین به‌ڵێ بێگومان، چونكه‌ پزیشك چاره‌سه‌ر ده‌فرۆشێت به‌ نه‌خۆشه‌كانی و مامۆستاش وانه‌ و زانست.

هه‌رگیز سه‌رنجت داوه‌ له‌وه‌ی كه‌وا پزیشكێك له‌ پزیشكێكی تر نه‌خۆشی زیاتر و نۆڕینگه‌كه‌ی قه‌ره‌باڵغتره‌؟ كه‌ له‌كۆتایدا داهاتیشی زیاتره‌.

باشه‌ بۆ؟

ئایا له‌به‌ر ئه‌وه‌ی پزیشكێكی باشتره‌؟

بێگومان ده‌ڵێیت به‌ڵێ .

به‌ڵام با من لێت بپرسم: له‌چی باشتره‌؟

ته‌نها له‌ زانستی چاره‌سه‌ركردن،  یاخود له‌ ئه‌ته‌كێتی خوێندنه‌وه‌ی نه‌خۆش و ڕاگرتنی باری ده‌روونی نه‌خۆش ؟

یانیش له‌ پێدانی چاره‌سه‌ری گونجاو و پێدانی كاتی زیاتر به‌ نه‌خۆش؟

 

تۆش چه‌ند خاڵێك بژمێره‌ جگه‌ له‌وانه‌ی سه‌ره‌وه‌، چونكه‌ بێگومان زۆرن جیاوازی پزیشكی سه‌ركه‌وتو له‌گه‌ڵ پزیشكی ئاسایی.

به‌ڵام نهێنیه‌كه‌ ئه‌وه‌یه‌ كه‌:

پزیشكی سه‌ركه‌وتوو، فرۆشیارێكی سه‌ركه‌وتووه‌.

_______________

گه‌ر بێینه‌ سه‌ر مامۆستاش به‌هه‌مان شێوه‌، مامۆستای وا هه‌یه‌، كه‌ جگه‌ له‌وه‌ی له‌ به‌ناوبانگترین قوتابخانه‌ی ئه‌هلی به‌پاره‌یه‌كی باش دایده‌مه‌زرێنن، زۆرترین داوای له‌سه‌ره‌ بۆ وانه‌ی تایبه‌ت.

باشه‌ به‌چی ده‌چێت گه‌ر مامۆستایێك پڕ زانست بێت، به‌ڵام شێوازی فرۆشتن(گه‌یاندنی زانیاری) نه‌بێت بۆ قوتابییه‌كانی؟

گه‌ر مامۆستاكه‌ قسه‌ ڕه‌ق و بێ منه‌ت بوو؟

گه‌ر پابه‌ند نه‌بوو به‌ به‌ڵێن و مه‌وعیده‌كانی؟

گه‌ر مامۆستاكه‌ نه‌یتوانی هه‌نگاو به‌هه‌نگاو له‌ قوتابیه‌كه‌ی نزیك بێته‌وه‌ و به‌گوێره‌ی كه‌سایه‌تی قوتابیه‌كانی وانه‌كه‌ی باس بكات؟

ئایا به‌ده‌ر له‌م خاڵانه‌، مامۆستا ده‌بێته‌ ئه‌و سه‌ركه‌وتووه‌ی كه‌ وتمان؟

________________

ئه‌م قسه‌یه‌ ڕاسته‌ ته‌نانه‌ت بۆ دایك و باوكیش، كاتێك ده‌یانه‌وێت شتێك به‌ منداڵه‌كه‌یان ئه‌نجام، جا خواردن پێدان یاخود فێركردنی شتێك یان باوه‌ڕهێنان به‌ منداڵ له‌ نه‌كردنی شتێك.

ئه‌مانه‌ هه‌مووی كرداری فرۆشتنن، تۆ ده‌بێت خواردنه‌كه‌ت به‌ منداڵه‌كه‌ت بفرۆشیت (واته‌ قه‌ناعه‌تی بۆ دروست بكه‌یت تا بیخوات).

مه‌رج نیه‌ له‌ كۆتایی فرۆشتنه‌كان پاره‌ هاتوچۆ بكات.

ئه‌م بابه‌ته‌ی كه‌وا تۆش تا ئێره‌ خوێندیته‌وه‌، كرداری فرۆشتن بوو، ئێمه‌ متمانه‌مان به‌ تۆ فرۆشت كه‌ وای كرد تا ئێره‌ به‌رده‌وام بیت و بیخوێنیته‌وه‌.

له‌ كۆتاییدا ده‌مانه‌وێت بڵێین ، فرۆشتن بۆ تۆش ڕاسته‌، تۆش فرۆشیاریت.

گه‌ر فرۆشیار نه‌بیت ، بێگومان كڕیاریت، ئه‌وه‌ش بزانه‌ كه‌ هه‌میشه‌ فرۆشیار براوه‌تره‌ له‌ كڕیار چونكه‌ كۆنتڕۆل به‌ده‌ستی ئه‌وه‌.

 

 ئه‌ندازیار ڕابه‌ر كه‌ریم

كۆمپانیای جیاساز بۆ خزمه‌تگوزاری و چاره‌سه‌ری ته‌كنه‌لۆجی

 

له‌م بابه‌ته‌ش خاسیه‌ت و شاره‌زاییه‌كانی فرۆشیاری سه‌ركه‌وتوو بخوێنه‌وه‌

١٠١ ڕێگا بۆ فرۆشتن كه‌ ده‌تكات به‌ فرۆشیارێكی (مندوبێكی) سه‌ركه‌وتوو:بەشی یەکەم

 

Tagged : /

فۆرشیاری سه‌ركه‌وتوو-به‌شی ده‌یه‌م: ئه‌ته‌كێتی فرۆشیار

٥٥-جلێكی پڕۆفیشناڵانه‌ بپۆشه‌:

یه‌كه‌مین ده‌ركه‌وتنت زۆر گرینگه‌، خه‌ڵكی هه‌میشه‌ حه‌ز ده‌كات له‌گه‌ڵ خه‌ڵكی سه‌ركه‌وتوو مامه‌ڵه‌ بكات، بۆیه‌ ده‌بێت خۆت وه‌ك كه‌سێكی سه‌ركه‌وتوو نیشان بده‌ی، كه‌ بێگومان ئه‌مه‌ش سه‌ره‌تا له‌ سیمای ده‌ره‌كیت كه‌ جل و به‌رگته‌ ده‌رده‌كه‌وێت.

هه‌وڵ بده‌ كه‌ل و په‌له‌كانی كه‌وا كاڵاكه‌تی پێ نمایش ده‌كه‌یت ئه‌وانیش به‌رچاو بن و له‌بارودۆخێكی باشدابن، جا چ مۆبایل یاخود ئایپاد یانیش لاپتۆپ بن،

هه‌میشه‌ ئه‌وه‌ش له‌بیر مه‌كه‌ كه‌وا بۆنێكی خۆش له‌خۆت بده‌یت، ئه‌مه‌ به‌ده‌ر له‌ خۆش كردنی بۆنی ده‌مت و جوانكردنی ستایلی پرچت.

ئه‌مانه‌ هه‌مووی وا ده‌كات له‌ده‌ره‌وه‌ زۆر باش ده‌ربكه‌ویت، كه‌ بێگومان له‌ناوه‌وه‌ش هه‌ستی ئاسووده‌ییت پێ ده‌به‌خێت و ڕه‌نگ ده‌داته‌وه‌.

٥٦-له‌سه‌ره‌تادا خۆت بناسێنه‌:

هه‌رگیز نه‌كه‌یت به‌ر له‌ ناساندنی خۆت (بێگومان به‌ كورتی) ده‌ست بكه‌یت به‌ قسه‌كردن له‌سه‌ر بابه‌ته‌كه‌ت و باسكردنی كاڵاكه‌ت.

چونكه‌ خه‌ڵكی سه‌ره‌تاده‌یه‌وێت بزانێت له‌گه‌ڵ كێدا قسه‌ ده‌كات و پله‌ و پایه‌ی تۆ چیه‌ له‌وشوێنه‌ی كه‌وا نوێنه‌رایه‌تی ده‌كه‌یت.

وه‌ هه‌رگیز نه‌كه‌یت ڕاسته‌وخۆ ده‌ست به‌پرسیار كردن بكه‌یت به‌ر له‌ خۆ ناساندن به‌تایبه‌ت له‌و شوێنانه‌ی كه‌وا به‌بێ مه‌وعیدی پێشوه‌خته‌ چوویت، زۆربه‌ی جار كه‌ پرسیار له‌خه‌ڵكی ده‌كه‌یت، خه‌ڵك گومانت له‌سه‌ر دروست ده‌كه‌ن و ئاماده‌نین وه‌ڵامی پرسیاره‌كانت بده‌نه‌وه‌ و زۆربه‌ی جار لێت ده‌ترسن.

٥٧-هه‌رگیز ڕاسته‌وخۆ كڕیار مه‌شكێنه‌وه‌:

به‌تایبه‌ت گه‌ر هاتوو كڕیار پێشتر له‌ به‌رهه‌مه‌كه‌ی كۆمپانیایێكی تری كێبڕكێكارت كڕیبێت، هه‌رگیز نه‌كه‌یت دانه‌به‌زیتر سه‌ر به‌رهه‌می كۆمپانیاكه‌ی تر و به‌خراپه‌ باسی بكه‌یت، به‌مه‌ تۆ ناڕاسته‌وخۆ قسه‌ به‌ كڕیاره‌كه‌ت ده‌ڵێیت له‌وه‌ی كه‌وا بڕیارێكی هه‌ڵه‌ی داوه‌ و نه‌زان بووه‌، یاخود هه‌ڵخه‌ڵه‌تێنراوه‌، كه‌ هیچكات هیچكه‌س حه‌ز ناكات ئه‌م هه‌سته‌ی هه‌بێت.

واته‌ له‌ گوێگرتن و قسه‌كردنیش ده‌بێت ئه‌ته‌كێتمان هه‌بێت.

٥٨-ببه‌ جێگای متمانه‌ی كڕیاره‌كه‌ت:

ئه‌م خاڵه‌مان پێشتر به‌ چه‌ند جۆرێك باسكردووه‌، به‌ڵام گرینگی خاڵه‌كه‌ هێنده‌ زۆره‌ كه‌ له‌هه‌موو قۆناغه‌كانی فرۆشتندا دووباره‌ ده‌بێته‌وه‌.

گه‌ر بگه‌ڕێیت به‌ دوای زۆرترین كڕینه‌كانی خۆت له‌ماوه‌ی ئه‌مساڵدا، (به‌تایبه‌ت كڕینه‌ گه‌وره‌كانت كه‌وا ٤٠٠$ی ڕه‌ت داوه‌) متمانه‌ له‌نێوان هه‌موو كڕینه‌كان ده‌بینیته‌وه‌.

بۆیه‌ تۆش ده‌بێت جێگای متمانه‌ بیت، تاوه‌كو كڕیاره‌كه‌ت لێت بكڕێت.

تاكه‌ ڕێگاش بۆ ئه‌وه‌ی جێگای متمانه‌بیت ئه‌وه‌یه‌ كه‌ (شایسته‌ی متمانه‌ بیت).

٥٩-كاتی زۆر مه‌ده‌ به‌ كڕیار:

ڕه‌نگه‌ ئه‌م خاڵه‌ به‌لاتانه‌وه‌ سه‌یر بێت، به‌ڵام زۆر گرینگه‌، هه‌میشه‌ هه‌وڵ بده‌ پرسیاره‌كانت دیاری كراو بن، وه‌ڵامه‌كانیشیان كورت بێت، تاوه‌كو هه‌م كاتی كڕیار زۆر نه‌گریت، چونكه‌ تاوه‌كو كڕیاره‌كه‌ت پله‌ به‌رزتر بێت كاتی كه‌متره‌ بێگومان.

وه‌ هه‌م په‌یامێكیش ده‌ده‌یت به‌كڕیار كه‌وا تۆش كاتت زۆر نیه‌ و تۆش سه‌رقاڵیت و كارت زۆره‌، نه‌وه‌ك به‌ بێ ئیش تێتبگات، به‌مه‌ش به‌ ئه‌گه‌ری زۆره‌وه‌ له‌ هه‌مان دانیشتن وه‌ڵام وه‌رده‌گریت به‌ به‌ڵێ یان نه‌خێر و زۆر ناتهێنێ و ناتبات.

ئه‌مه‌ش وا ده‌كات به‌ زۆرترین كڕیار ڕابگه‌یت و زۆرترین چاوپێكه‌وتن ئه‌نجام بده‌یت له‌ كه‌مترین كاتدا.

٦٠-ئه‌ته‌كێتی به‌جێهێشتنی كڕیار:

دڵنیابه‌ وه‌ك چۆن به‌ باشی ده‌ستت پێكرد، به‌هه‌مان شێوه‌ش كۆتایی به‌دانیشتنه‌كه‌ بێنه‌، واته‌ خۆت كۆتایی پێبێنه‌ به‌ر له‌وه‌ی كڕیار لێت بێزاربێت و ده‌رت بكات، كه‌ ئه‌مه‌ خراپترین دۆخی كاره‌كه‌ و هه‌ر چاوپێكه‌وتنێكه‌.

له‌كاتی هه‌ڵستانت دوباره‌ ناوی كڕیاره‌كه‌ت به‌ڕێزه‌وه‌ بهێنه‌و سوپاسی بكه‌ بۆبه‌خشینی كاته‌كه‌ی به‌تۆ (به‌ڵام هه‌رگیز نه‌ڵێیت له‌كاتم گرتی و خۆت بچوك بكه‌یته‌وه‌).

له‌دواتریش هه‌رگیز له‌بیر نه‌كه‌یت كه‌وا كارته‌كه‌ت جێبهێڵیت ئه‌گه‌ر له‌سه‌ره‌تادا به‌كڕیاره‌كه‌ت نه‌دابو.

 

ئه‌.ڕابه‌ر كه‌ریم

كۆمپانیای جیاساز بۆ خزمه‌تگوزاری و چاره‌سه‌ری ته‌كنه‌لۆجی

Tagged : /