١٠ بنه‌مای سه‌ره‌كی ئیمه‌یڵ ماركتینگ و قازانج كردن له‌ڕێگای ئیمێله‌وه‌

له‌ چه‌رخی نوێی به‌بازاڕكردن دا ، ئێستا به‌بازاڕكردنی دیجیتاڵی Digital Marketing ڕۆڵی هه‌ره‌ به‌رچاوی هه‌یه‌ له‌ به‌بازاڕكردن له‌به‌ر كاریگه‌ری و ئاسانی به‌كارخستنیدا. كه‌ به‌ زۆر ڕێگاوه‌ ده‌كرێت، یه‌كێك له‌وانه‌ ئیمێله‌، ئێستا بازار كردن له‌ رێگای ئیمه‌یله‌وه‌ Email Marketing یه‌كێكه‌ له‌ كه‌ل و په‌له‌ پێویستیه‌كانی به‌ بازار كردن بۆ راكێشانی كریاران.

ئیمه‌یل ماركتینگ یارمه‌تیمان ده‌دات بۆ بازاركردنی باشتر چاكتر و زیاتر كاركردن.

هیچ شتێكی باشتر له‌ ئیمه‌یل ماركێتینگ  نادۆزیه‌وه‌ بۆ، ناساندنی برانده‌كه‌ت، به‌تایبه‌تی گه‌ر بته‌وێت به‌ ماوه‌یه‌كی كه‌م وكاتێكی كه‌م به‌رهه‌مه‌كانت ساخ بكه‌یه‌وه‌ ئێمه‌ لێره‌دا باشترین رێگاكان باس ده‌كه‌ین بۆ ئه‌نجامدانی ئه‌م پرۆسه‌یه‌:

 

١- ناونیشانی سه‌ره‌كی:

به‌گرنگترین به‌شی ئیمه‌یل ماركێتینگ داده‌نرێت، ناونیشان پێك دێت له‌ ریزه‌ نوسینه‌ك له‌ وشه‌ی دیار و كورت و پووخت كه‌ تایبه‌ت بێت به‌ بابه‌ته‌كه‌، دڵنیابه‌وه‌ له‌وه‌ی كه‌ زمانی نوسینه‌كه‌ به‌ساده‌ی و ئاسانی نوسراوه‌ هه‌موو خه‌ڵك تێی ده‌گات كه‌ بۆیان ده‌نێریت.

 


٢- ناونیشانی لاوه‌كی:

ناونیشانی لاوه‌كی به‌ته‌واوی ده‌كه‌وێته‌ ژێر ناونیشانی سه‌ره‌كی، له‌جیهانی به‌بازاڕكردنی ئێستادا، ئه‌وه‌ی جێی سه‌رنجه‌ كه‌ زۆر گرینگی به‌ ناونیشانی لاوه‌كی ده‌درێت، بۆیه‌ به‌نووسینی ناونیشانی لاوه‌كی دوورده‌بیت له‌ نووسینی ووشه‌ی زۆر و دوباره‌، بۆیه‌ ده‌كرێت باسێكی كورت بده‌یته‌ به‌رهه‌مه‌كه‌ت تاوه‌كو لای خوێنه‌ر گرینگیێكی زیاتری پێ بدرێت.

 


 

٣-ده‌ستنیشان كردنی كه‌سی گونجاو:

ناردنی ئیمێلی گشتگیر كۆتای هات، به‌ڵكو ده‌بێت هه‌ر ئیمێلێك بۆ خودی كه‌سه‌كه‌ بێت و كه‌سیی بێت. بۆیه‌ كاتێك ئه‌و كاره‌ ده‌كه‌یت، په‌یوه‌ندیت له‌گه‌ڵ كڕیاره‌كانت زیاتر ده‌بێت،و یارمه‌تیت ده‌دات له‌ ده‌ستنیشان كردنی كه‌سی دیاری كراو.

له‌هه‌مان كاتیشدا دابه‌شكردنی كه‌سه‌كان به‌پێی شوێنی جوگرافی و جۆری كاره‌كانیان به‌شێكی سه‌ره‌كیه‌ پێش ناردنی ئیمێله‌كه‌.

 


 

٤-لینكی پاشگه‌زبوونه‌وه‌ له‌ به‌شداری UnSubscribe كردن:

له‌گه‌ڵ ئه‌وه‌ی كه‌وا ناردنی ئیمێل ڕێگایێكی سه‌ره‌كی بازارسازیه‌ له‌ ئه‌مڕۆدا و قازانجی كڕیار و فرۆشیاریشی تێدایه‌، به‌ڵام زۆربه‌ی جار خه‌ڵكانێك دوای ماوه‌یه‌ك له‌ ئیمێله‌كانت بێزار ده‌بن و نایانه‌وێت چیتر پێیان بگات، بۆیه‌ ده‌بێت لینكی پاشگه‌زبوونه‌وه‌ UnSubscribe هه‌بێت له‌ناو هه‌موو ئیمێله‌كانت، تاوه‌كو هه‌ست به‌ ئازادی بكه‌ن و كه‌سێكیش نایه‌وێت چیتر ئیمێله‌كانتی پێ بگات، پاشگه‌زبوونه‌وه‌ داده‌گرێت.

 


 

٥-هێز و توانای وه‌ڵام دانه‌وه‌:

باوه‌ربكه‌یت یان نا زۆربه‌ی خه‌ڵك كاتێك كه‌ ئیمه‌یڵێكی به‌ بازاركردنیان پێده‌گات هه‌وڵده‌ده‌ن به‌ زوترین كات وه‌ڵام بده‌نه‌وه‌ به‌ڵام با ئه‌وه‌ش له‌بیر نه‌كه‌ین ئه‌مه‌ش ده‌گه‌رێته‌وه‌ سه‌ر جۆری ئه‌م نوسینه‌ی كه‌ ده‌ینوسیت بۆ سه‌رنج  راكێشانی خه‌ڵكه‌كه‌.

 


 

٦-  دانانی دوگمه‌ی داواكردن ڕاسته‌وخۆ له‌ناو ئیمێله‌كه‌ :Call to action

هه‌وڵبده‌ ئه‌م ئیمه‌یڵانه‌ی كه‌ ده‌یان نێریت ته‌نها زانیاری پێدان به‌ كه‌سه‌كه‌ نه‌بێت، وا باشتره‌ هه‌ر ێیمه‌یلك كه‌ ده‌یان نێریت ئامانجێكی دیاری كراوی له‌ پشت بێت پێش ناردنی. ئاگاداری ئه‌وه‌ به‌ كه ئه‌م ئیمه‌یله‌ی ده‌ینێریت بگونجێت له‌گه‌ڵ دیزاینی مۆبایل.

له‌هه‌مان كاتیشدا داوا له‌ كه‌سه‌كه‌بكه‌ كه‌ ئه‌م دوگمانه‌ دابگرێت وه‌ك : په‌یوه‌ندیمان پێوه‌ بكه‌، هه‌رئێستا داوا بكه‌، ناوی خۆت تۆمار بكه‌، یان هه‌ر داواكاریێكی تر كه‌ دوگمه‌كه‌ی ڕاسته‌وخۆ له‌ناو ئیممێله‌كه‌ دابێت.

 


 

٧- سه‌رنج دان  و ئاگادار بوون  له‌ به‌كارهێنانی مۆبایل:

رێگای پیشاندانی نوسینه‌كه‌ت له‌  له‌لای به‌كارهێنه‌ر ده‌گۆردرێت. پێش ئه‌وه‌ی بینێریت ده‌بێت دڵنیا بیته‌وه‌ له‌وه‌ی كه‌ شێوازه‌كه‌ی چۆن پیشان ده‌دات له‌ لاپتۆپ و مۆبایلیش ، راسته‌ ناتوانی قالبێكی ته‌واو وه‌رگری به‌لام به‌لانی كه‌م ده‌توانینن بزانین زۆرترین جۆری مۆبایل چیه‌ كه‌ به‌ كاری ده‌یه‌نن.

 


 

٨-لینكی وێبسایته‌كه‌ت:

به‌ر له‌ناردنی هه‌ر لینكێك له‌ناو ئیمێله‌كه‌ت، كه‌ ئامانجی سه‌ره‌كی ناردنی ئیمێل ڕاكێشانی خه‌ڵكه‌ بۆ سه‌ر لینكی وێبسایته‌كه‌ت، ده‌بێت دڵنیا بیته‌وه‌ له‌وه‌ی كه‌وا لینكه‌كه‌ت كار ده‌كات، له‌گه‌ڵ ئه‌وه‌ش وا باشه‌ لینكه‌كه‌ ببه‌ستیته‌وه‌ به‌ Google Analytics تاوه‌كو بتوانیت چاودێری لینكه‌كه‌ بكه‌یت و بزانیت چه‌ند كه‌س له‌ڕێگای ئه‌م لینكه‌وه‌ هاتوونه‌ته‌ ناو وێبسایته‌كه‌ت، تاوه‌كو دواتر په‌یوه‌ندیان پێوه‌ بگریته‌وه‌.

 


 

٩-هه‌بوونی داشكان:

دانان و پیشاندانی داشكان به‌ كڕیاره‌كانت، هۆكارێكی بۆ گواستنه‌وه‌ی كڕیاره‌كان بۆ سه‌ر وێبسایته‌كه‌ت، به‌ڵام ئاگاداربه‌ كه‌سانێك دوای چه‌ند ڕۆژێك یان زیاتر ئه‌وكات ئیمێله‌كه‌ ده‌كه‌نه‌وه‌، ئه‌گه‌ر هاتوو ببینن ئۆفه‌ره‌كه‌ ته‌واو بووه‌، ئه‌وا بێزار ده‌بن له‌جیاتی ئه‌وه‌ی دڵخۆشبن به‌ناردنی ئیمێله‌كه‌، ده‌كرێت ئۆفه‌ری داشكاندنه‌كه‌، بۆ ماوه‌ی ٣ تا ٤ ڕۆژ درێژ بێت تاوه‌كو هه‌موان بیكه‌نه‌وه‌، یاخود په‌یوه‌ستبێت به‌وانه‌ی كه‌وا ئیمێله‌كه‌یان بۆ ڕۆیشتووه‌.

 


 

١٠-با ئیمێله‌كه‌ت هاوڕێیانه‌ بێت:

خودی ئیمێل بۆ په‌یوه‌ندی هاوڕێیه‌تی و كۆمه‌ڵایه‌تی داهنێراوه‌، خه‌ڵكیش تاوه‌كو ئێستا حه‌ز له‌هه‌مان ستایل ده‌كه‌ن، واتا، ده‌بێت ناوه‌ڕۆكی ئیمێله‌كه‌ت دووربێت له‌ شتی باق و بریق و وێنه‌ و لینكی بێزاركه‌ری زۆر، ده‌بێت ساده‌بێت و كه‌مترین وێنه‌ی تێدابێت، تاوه‌كو له‌دوای كردنه‌وه‌ی ئیمێله‌كه‌ ڕاسته‌وخی دای نه‌خه‌ن، چانسی خوێندنه‌وه‌ت ده‌بێت زۆر بێت تاوه‌كو خه‌ڵك له‌ په‌یامه‌كه‌ت بگات و وه‌ك هاوڕێیێك متمانه‌ت پێ بكات، و هه‌ست بكات كه‌ ده‌ته‌وێت یارمه‌تی بده‌یت نه‌وه‌ك شتی پێ بفرۆشیت.

 

Tagged : / /

باشترین ڕەهەندەکانی دیجتاڵ مارکێتینگ

٥ له‌ باشترین ڕەهەندەکانی دیجتاڵ مارکێتینگ

بێگومان لە جیهانی ئەمڕۆماندا ڕۆژانە خەڵکانێکی زۆر بوونیان هەیە خەریکی کاری کڕین و فرۆشتنن، لە کۆپڕۆسەی کڕین و فرۆشتن دا ئەگەر جارێک کرداری کڕین قورس بێت و پێویستی ڕاوێژ و گەڕانی باش و کۆکردنەوەی زانیاری…هتد هەبێت، ئەوا بەدڵنیایەوە بە چەندان جار فرۆشتن کردارێکی قورسترە، وە لە جیهاندا ڕۆژانە بە سەدان و هەزاران کۆمپانیا و دوکان توشی زیانی گەورە دەبنەوە، کە یەکێک لە هۆکارە سەرەکییەکانیان ساغ نەبوونەوەی کاڵا و خزمەتگوزاریەکانیانە.

پێموایە لەگەڵمدا هاوڕای کە یەکێک لە ڕێگا سەرەکییەکانی ساغکردنەوەی کاڵا و خزمەتگوزارییەکان ڕیکلامکردنە.

جا ئەگەر ڕیکلامکردن لە سەردەمانێک دا بەڕێگای گواستنەوە زارەکی دەما و دەم بووبێ، دواتر گواسترابێتەوە بۆ تیڤی و ڕادیۆ و ڕۆژنامە و گۆڤار…هتد، وە یاخود بە پێچەوانەوە بووبێ.

بە پێی سەردەمەکان جیاواز بووە، واتە هەر سەردەمێک خەڵکی چی زۆر بەکاربهێنن وەکو ناوەندێکی پەیوەندیکردن و گەیاندنی پەیام ئەوا ئەم ناوەندە دەبێتە ناوەندێکی باش بۆ ڕیکلامکردن.

وە لە سەردەمی ئەمڕۆمان دا بەکارهێنانی تۆڕە کۆمەڵایەتییەکان بۆتە بەشێک لە ژیانمان دا بە جۆرێکە، کە ناتوانین دەست بەرداریان ببین، وە تەکنەلۆژیا سنورێکی بەرفراوانی داگیرکردووە لە ژیانی ڕۆژانەمان دا، کە هەموو جیهان کۆبۆتەوە لە شاشەیەکی لاکێشەیی بچوک کە مۆبایلەکانمانە.

دیاترین سودەکانی دیجتاڵ مارکێتینگ:

۱. ڕێگایەکی چاکە بۆ ناساندنی بڕاندەکەت

لە جیهانی ئەمڕۆ دا سەردەمی ئەوە بەسەرچوە تۆ چاوەڕێ بکەی کڕیار خۆی بێت بگەڕێت بەدوای کاڵا و خزمەتگوزاریەکان، بەڵکو ئەم پڕۆسەیە پێچەوانە بۆتەوە ئەگەر تۆ بڕاندەکەت یا کاڵا و خزمەتگوزاریەکەت نەناسێنی بە خەڵکی و بەدوای کڕیار دا نەگەڕێی لە ڕێگەکانی ڕیکلامکردن و سۆشیاڵ میدیاوە ، ئەوا من دڵنیات دەکەمەوە لە ئێستا دا خەڵکی تر خەریکی ئەم کارەن وە خستنەڕوو ئەنجامدەدەن بۆ بەرهەمەکانیان، وە بەشێک لە خواستی کڕیارەکان پڕدەکەنەوە کە ڕەنگە کڕیارەکانی تۆ بن!

۲. ڕێگایەکی ئاسانە بۆ گەیشتن بە کڕیار

بێگومان لەکۆندا خستنەڕووی بەرهەم و ڕیکلامکردن کارێک بوو دەکرا، بەڵام ئاسان نەبوو زانیاریت دەست بکەوێ لەبارەی ئەوکەسانەی ئەگەری هەیە ببنە کڕیاری بەرهەمەکانت، بەڵام یەکێک لە سودە هەرە گرنگەکانی دیجیتاڵ مارکێتینگ ئەوەیە خۆت کات و شوێن و تەمەنی بەشداربووان لە ڕیکلامەکان دیاری دەکەی، بە واتایەکی تر ڕیکلامەکەت ناچێتە بەردەستی هەموو کەسێک، بەڵکو زیاتر دەچێتە بەردەستی ئەوانەی ئەگەری هەیە ببنە کڕیاری بەرهەمەکانت، کە ئەمەش ئامانجێکی گرنگی ڕیکلامکردن دەپێکێ.

۳. هەڵسەنگاندان و وەرگرتنی داتا لەبارەی جۆری کڕیارەکانت

یەکێک لە گرنگترین بەهاکانی ڕیکلامی ئۆنڵاین زۆر بە ئاسانی داتا و زانیاریت دەست دەکەوێ لەبارەی کاریگەری ڕیکلامەکەت، وە دەزانی کاریگەری ڕیکلامەکەت لە چ ئاستێک دایە، وە زۆر بەئاسانی دەتوانی پەیوەندی لەگەڵ کڕیارەکانت ببەستی دەستت بگات بە خواست و پێشنیاز و بۆچونەکانیان لەبارەی بەرهەمەکەت کە ئەمەش ئامانجێکی گرنگی ڕیکلامکردنە.

٤. ڕاستکردنەوەی هەڵە و کەموکوڕیەکانی ئاسانە،

بێگومان لە ڕێگا کۆنەکانی ڕیکلامکردن هەڵە و کەموکوڕی لە ڕیکلامەکە دا چاکردنەوە زۆر قورس بوو بگرە هەندێ جار هەر نەدەکرا بە نمونە ژمارەی مۆبایل هەڵەی تێدا کرابا لە ڕیکلامێک دا لە گۆڤارێک دا کە چەند هەزار دانەکی لێ چاپکراوە!
بەڵام لە ئێستا دا لەڕێگای ڕیکلامکردنی ئۆنڵاین لە ڕێگای چەند کلیکێک دەتوانرێ زۆر بە ئاسانی چاکبکرێتەوە.

٥. تێچوی زۆر کەمە لەچاو ڕێگانی تری ڕیکلامکردن

بێگومان لەگەڵمدا هاوڕای کە لە مارکێتینگدا هەمیشە هەوڵدەدرێ کەمترین تێچوو ئەنجام بدرێ بۆ بەدەستهێنانی زۆرترین فرۆشی بەرهەم، ڕێگا کۆنەکانی ڕیکلامکردن بەوە بەناوبانگیان دەرکردبوو کەتێچویان زۆر بوو، بۆیە ئەو کۆمپانیا و دوکاندارانەی داهاتیان کەمبوو بێبەش بوون لە ڕیکلامکردن و کێبڕکێکردن، بەڵام کەمی تێچوی ڕیکلامی ئۆنڵاین گۆڕانکاری چاوەڕوان نەکراوی بەسەر ئەم پڕۆسەیەدا هێنا.

کوردۆ مستەفا
مارکێتینگ لە کۆمپانیای جیاساز

Tagged : / / /

١٠١ ڕێگا بۆ فرۆشتن كه‌ ده‌تكات به‌ فرۆشیارێكی سه‌ركه‌وتوو:بەشی یەکەم

هه‌موومان ده‌مانه‌وێت كارێكی سه‌ركه‌وتومان هه‌بێت و به‌رهه‌م و پڕۆژه‌كانمان پڕ فۆشترین بن و زۆرترین داهات به‌ده‌ست بێنن.

بێگومان هه‌رچه‌نده‌ كارێكی گونجا و بیرۆكه‌یه‌كی نایابت هه‌بێت و به‌ پلانه‌وه‌ ده‌ست بكه‌یت به‌ هه‌موو هه‌نگاوه‌كانت، و پاره‌یه‌كی زۆریش له‌ كاڵا و كوالێتی كاڵاكانت خه‌رج بكه‌یت، به‌ بێ پلانی فرۆشتن و كه‌س لێهاتوو بۆ فرۆشتن كه‌وا هه‌موو مه‌رجه‌كانی فرۆشیارێكی سه‌ركه‌وتووی تێدابێت ناتوانیت سه‌ركه‌وتن به‌ده‌ست بهێنیت.

ئایا ئه‌م بابه‌ته‌ بۆمن گونجاوه‌؟

گه‌ر تۆ خاوه‌ن كاریت و به‌دوای نوێنه‌رێكی فرۆشتنی سه‌ركه‌وتوو داده‌گه‌ڕێیت

یاخود تۆ نوێنه‌ری فۆرشتنیت (مندوب) و ده‌ته‌وێت په‌ره‌ به‌ تواناكانت بده‌یت و سه‌ركه‌وتووتر بیت له‌ كاره‌كه‌ت.

یاخود ده‌ته‌وێت ده‌ست به‌ كاری فۆشتن بكه‌یت و سه‌ركه‌وتوانه‌ ئه‌زمونه‌كه‌ت سه‌ركه‌وتوانه‌ به‌وه‌نجام بگه‌یه‌نیت ئه‌م بابه‌ تایبه‌ته‌ بۆ تۆیه‌ و به‌رده‌وامبه‌ له‌سه‌ر خوێندنه‌وه‌ی هه‌موو ١٠١ خاڵه‌كه‌ كه‌ له‌م زنجیره‌ باسه‌دا باس ده‌كرێت.

 

بەشی یەکەم : تایبەتمەندی کەسێتی

کەسایەتی

كه‌سایه‌تی فرۆشیار زۆر گرینگه‌ و به‌و ده‌ست پێ ده‌كه‌ین چونكه‌ گه‌ركه‌سێك كه‌سایه‌تیه‌كه‌ی گونجاو نه‌بێت بۆ ئه‌م كاره‌ گرینگ نیه‌ هه‌ر كام له‌ خاسیه‌ته‌كانی تری تێدابێت ئه‌وا سه‌ركه‌وتوو نابێت

زۆربه‌ی خه‌ڵكی كه‌سایه‌تی ته‌نها له‌ جل و به‌رگ كۆ ده‌كاته‌وه‌ به‌ڵام كه‌سایه‌تی زۆر لایه‌نی دیكه‌شی هه‌یه‌ كه‌وا زۆر گرینگترن له‌ ته‌نها جل و به‌رگ و ئه‌ته‌كێت.

 

١-راستگۆ و رەوشت بەرز بە

نوسەر Will Rogers دەڵێ
{دەمەوێ ئەو پیاوە بم کە پردی برۆکلینی کڕی لەوەی کە فرۆشتی}
راستگۆیی و رەوشت بەرزبوون شتێکی زۆر گرینگه‌ بۆ کڕیارەکانت و به‌رده‌وام بوونی خودی پڕۆژه‌كه‌، لەوانەیە له‌ زۆربەیان باشتر بێت بۆت. زانینی ئەوەی کە تۆ رەوشت بەرز و راستگۆ بووی لەگەل كڕیاره‌كانت و ئەوانەی کاریان لەگەل دەکەی، وات لێ دەکات هەست بە به‌ره‌وپێشچوون و دلنیایی بکەیت دەربارەی خۆت. مەهێڵە هیچ فریودانێک بۆ ماوەیەکی کەم ببێتە هۆی ئەوەی ناپاک بیت یاخود پێشچاوت بخات لەگەل ئەوانەی تر.

هه‌میشه‌ ڕاستی بڵێ سه‌باره‌ت به‌و خاسیه‌تانه‌ی له‌ به‌رهه‌مه‌كه‌ت دا هه‌یه‌ و له‌وانه‌شی كه‌ تێی دا نیه‌.

به‌ڵام وریابه‌ له‌وه‌ی كه‌وا نابێت به‌ نه‌رێنی باسی به‌رهه‌مه‌كه‌ت بكه‌یت. ئه‌گه‌ر باوه‌ڕت به‌ كاڵاكه‌ت نیه‌ و دڵنیا نیت لێی. وا باشتر ده‌ست به‌ فرۆشتنی نه‌كه‌یت هه‌تا لێی دڵنیا ده‌بیت. چونكه‌ گه‌ر وا نه‌كه‌یت، یان ده‌بێت به‌ خاڵی نه‌رێنی له‌سه‌ر كاڵاكه‌ت و ده‌بێت باسیان بكه‌یت، یانیش ده‌بێت كڕیاره‌كانت هه‌ڵبخه‌له‌تێنیت، كه‌ ئه‌مانه‌ش په‌سه‌ند نین.

٢-خۆڕاگربوون

خۆراگربوون واتە بوون بە هەموو شتێک ، هەمان کەس بی لە ناوەوە یاخود لەدەرەوە، خۆراگربوون واتە راستگۆ بوون لەگەل خۆت و کەسانی تر لە نرخی خۆت و باوەڕیت. لەکاتی فرۆشتن کاتێک کە خۆڕاگریت هەبێت واتە تۆ باوەری بەخۆت و رێکخستنەکانت پەیا دەکەی هەروەها بە بروا بەخۆبوون ئەوشتانەی کەدەتەوێ دەیانفرۆشی. بەخۆراگری ژیانت یەک دەگرێت لەگەل کەسایەتیت. دەبینی فرۆشتن شتێکی سروشتیە و هاندەری ناوخۆیت دەبێت چونکە کارکردنت واتە کاردانەوەی راستی خۆت. ناتوانیت فێڵ لە خۆراگری بکەیت.

خۆڕاگری زۆر پێویسته‌ چ له‌و پاڵه‌ په‌ستۆیه‌ی كه‌ له‌سه‌ره‌تای ده‌ستكردن به‌ فرۆشتن بۆ كاڵایه‌كی نوێ ئه‌نجامی ده‌ده‌یت، چ له‌سه‌ر پرته‌ و بۆڵه‌ی به‌ڕێوه‌به‌ره‌كه‌ت یاخود له‌سه‌ر گله‌یی و داواكاری زۆری كڕیاره‌كانت. ئه‌مانه‌ هه‌مووی به‌ره‌وه‌ سه‌ركه‌وتنت ده‌بات و ناودارت ده‌كه‌ن.

٣-پێشبرکێ کردن بۆ گەیشتن بە ئاستی بەرزتری سەرکەوتن

پێشبرکێ کردن کەسایەتی بەرهەم دێنێ تا بەرەنگاربوونەوە، بەزۆری ئێمە وا بیر دەکەینەوە کە باشترینی خۆمان پێشکەش دەکەین. ئەرکی پێشبرکێ کردنمان هاندەرمان دەبێت بۆ ئەوەی کاری باشتر بکەین. لەرێگەی پێشبرکێ کردنمان دەسکەوتی وامان بۆ دەردەکەوێت کە پێشتر نەماندەزانی.لەکاتێکدا تەنانەت ئەگەر پێشبرکێکردنەکەش کۆتایی پێ بهێنین لە نێو خۆماندا، ئێمە دەتوانین باش ببینین کە ئەم ئەنجامانە ئەنجامی باشترین کەسانی ئێمەن.

بۆیه‌ هیچكات توڕه‌ و دڵگران مه‌به‌ له‌وه‌ی كه‌وا ئامانجت بۆ دیاری ده‌كرێت له‌ بڕی فرۆشتن له‌ ماوه‌ی دیاری كراو، ئه‌مه‌ وا ده‌كات زیاتر تواناكانت بخرێنه‌ گه‌ڕ و خۆشت شتێكت هه‌بێت به‌ ژماره‌ له‌سه‌ری بڕۆیت. ئه‌گه‌ر به‌رپرسه‌كه‌ت ئامانجی بۆت دیاری نه‌كرد. خۆت بۆ خۆتی دابنێ و هه‌میشه‌ له‌ پێشبڕكێبه‌ له‌گه‌ڵ ئامانجه‌كه‌ت.

 

ئه‌.ڕابه‌ر كه‌ریم

كۆمپانیای جیاساز بۆ خزمه‌تگوزاری و چاره‌سه‌ری ته‌كنه‌لۆجی

 

لێره‌دا به‌شی دووه‌می بابه‌ته‌كه‌ بخوێنیته‌وه‌ و درێژه‌ به‌ شاره‌زاییه‌ كاتن بده‌یت.

Tagged : / / /

چۆن کاڵاکانم بەبازاڕ بکەم؟

وەک ڕوونە کەوا کۆمپانیاکان هەمیشە پلانی بەبازاڕکردن دادەنيت بۆ بەبازاڕکردنئ کاڵاکانیان، بەجۆرێک کەوا ئەو کاڵایانەی بە شێوازی دروست و ڕێک و پێک و بەگوێرەی پلان بەبازاڕ دەکرێت، زوتر لە بازاڕ شوێنی خۆی دەکاتەوە و زیاتر دەفرۆشرێت، بەماوەیەکی کەم سەرکەوتن بەدەست دەهێنێت.وە خێرا فرۆشتنی کاڵا لە بازاڕ و سەرکەوتنی تێیدا دەوەستيتە سەر ئەو بەبازاڕکردنەی کەوا بۆی دەکريت.

بۆ ئەوەی پڕۆسەیەکی سەرەوکەوتووی بەبازاڕکردنت هەبيت پيویستە ئەم خاڵانە لەبەرچاوبگریت:-

 

١-پێویستە کاڵاکە پێداویستیێکی بازاڕبێت، واتە پيویوستە کۆمپانیاکە بازاڕ شیبکاتەوە و دیراسەی تەواوی بازاڕ بکات تەنانەت بەر لەدروست کردنی کاڵاکەش، بۆ لێکدانەوەی ڕاددەی گونجاویەتی کاڵاکە، گەر کاڵای بەرهەمهينراو لەکاتی گونجا و شوێنی گونجاو بەبازاڕبکريت و کاڵاکەش پێویستیەکی بازاڕ بيت و چارەسەری کيشەیەک بکات، بێگومان تاکە ڕيگر لەسەرکەوتنی فرۆشتنی ئەم کاڵایە تەنها کاتە، ئەویش کاتيکی کەم، گەر وانەبيت، دەبيت پێداچوونەوەیەک بکەیت لە گونجاویەتی کاڵاکەت.

 

٢-بەر لە دەستکردن بە پڕۆسەی بەبازاڕکردن، دەبێت لێکدانەوەیەک بۆ تێچوو و داهاتی پرۆسەکە بکەیت، زۆرجار کۆمپانیاکان بەبي گوێ دانە خەرجی بەبازاڕکردن و کارمەندەکانی لەم پرۆسەیە بەشدارن، پارە خەرج دەکات لەکاتێک دا ئەو داهاتەی دێتەوە دەستی بەشی خەرجیەکانی ناکات، تا بگات بە قازانج، بەمەش پڕۆسەکە هەرزوو شکست دەهينيت، بەگوێرەی داهات و قازانج خەرجی بکە لە پرۆسەکە تاوەکوو پڕۆسەکە بۆ زۆرترین کات بەردەوام بيت کە ئەمەش سەرکەوتن دەدات بە پرۆسەکە.

 

٣- پڕو پاگەندە و ڕيکلام کردن کە یەکێکە لەو بنچینانەی لەم پڕۆسەیە بەکار دێن لەم بابەتە درێژەی ٧ تێکەڵەکەی بەبازاڕکردن بخوێنەوە، دەبيت زۆر بە زیرەکانە ئەنجام بدرێت.

واتا بۆ ڕێکلام کردن دەبيت شێواز و تەکتیکی سەردەم بەکار بيت، جگە لە تەنها پشت بەستن بە ڕێکلامی تیڤی  کە خەڵک لێی بێزاربووە ، یانیش لە ڕۆژنامە و گۆڤارەکانی کەوا هەموو خەڵکيک نای خوێنێتەوە هەوڵ بدە سۆشیان میدیا و ڤایبەر و تۆڕەکانی پەیوەندیکردن و ئەنجامدانی پێشبڕکێ و جۆرەها تەکنیکی تر بەگوێرەی جۆری کاڵاکەت.

 

٤-پێویستە پلانی بەبازاڕکردن واقیعی بێت و هەموو لایەنە نێگەتیڤ و ڕێگریەکان هەژمار بکەیت و هەوڵی چارەسەری گونجاو بدۆزیتەوە بۆیان، نابێت پشتگوێیان بخەیت، چونکە گەر وا نەکەیت لەکاتی خستنە بازاڕی کاڵاکە توشی شۆک دەبیت لەکاتێک کەوا کێشەکان بە شێوەیەک گەورە دەبێت کەوا کۆنترۆڵ ناکرێت، چونکە نووسین لەسەر کاغەز زۆر جیاوازە لەگەڵ واقع.

هەتا زووتر کێشەکان بدۆزرێنەوە، چارەسەرکردنی ئاسانترە.

 

٥-پێویستە پلانی بەبازارکردن گشتگیر بێت، نەوەک تەنها لەسەر ناوچەیەکی تایبەت یاخود چینێکی تایبەت بێت، یانیش تەنها کۆمەڵيک خەڵک بگریت و کۆمەڵێکی تر فەرامۆش بکەیت، بەم جۆرە دەگەیتە زۆرترین بەکارهينەر و زۆرترین فرۆشت دەبيت.

 

٦-نابێت ئەوەش لەبیر بکەیت کەوا چاوديری کۆمپانیاکانی تر بکەیت گەر بەرهەمی هاوشيوە هەبێت لەبازاڕ، ڕەنگە گەر بەرهەمێکی کەمتر لە کوالیتی بەرهەم بهێنیت لە هاوشێوەکانتک خێراترین شت کە پێت دەگات شکستە.

،

 

Tagged : /

به‌م ٥ بیرۆكه‌یه‌ خۆت موچه‌ی خۆت له‌ماڵه‌وه‌ دابین بكه‌

پرۆژەیەکی بچووک لە ماڵەوە

زۆرکەس وا دەخوازن کە پرۆژەیەکی تایبەتیان هەبێت یارمەتی دەربێت بۆ پەیداکردنی بژێوی ژیان. زۆر کەس پەنا دەبات بۆ کارکردنی پرۆژەی بچووک لە ماڵەوە بۆ کەم کردنەوەی کرێی دوکان و پارەی ئاو و کارەبا و باجدان و موچەی کارمەندان. بۆ دەستەبەرکردنی گەورەترین قازانج.

 

چەند بیرۆکەیەک بۆ کارکردن لە پرۆژەیەکی بچووک لە ماڵەوە

 

یەکەم : کاری دەستی

زۆر خەلک دەست ڕەنگینن لەکاری دەستی، هەروەها کارامەیی و بیرۆکەی زۆر نایابیان هەیە بۆ دروستکردنی زۆر شتی کاری دەستی بە هەموو جۆرەکانی. پێویستیە تایبەتەکانی ئافرەتان یاخود پێویستیەکانی ئۆتۆمبێل بە یەکێک لە زۆرترین کاری دەستی ویستراو دادەنرێت لە زۆربەی بازارە ناوخۆییەکان، لەگەڵ ئەوەشدا کەمی نرخی تێچوونی بۆ دروستکردنی و ئاسانیەکەی بێ ئەوەی پێویستی بە هیچ ئامێرێک هەبێت. دەتوانرێت یەکێک لە ژوورە بەتاڵەکان یاخود گەراجی ماڵەوە بەکاربهێنی بۆ شوێنی کارکردنەکەت بۆ دروستکردنی کاری دەستی.

دووەم : خواردن و شیرینەمەنیەکانی ماڵەوە

زۆر لە خانمان بەتایبەتی ئەوانەی زیرەکن لە دروستکردنی خواردن و شیرینەمەنی دەتوانن ئاستی بژێویان بەرزبکەنەوە لە ڕێگەی ئامادەکردنی خواردن و شیرینەمەنی بە گوێرەی داواکردنیان وە فرۆشتنیان بەنرخی گونجاو بە کڕیارەکان. وە دەتوانی دەست بەم پرۆژە بچووکە بکەیت لە رێگەی کردنەوەی لاپەرەیەکی فەرمی لە فەیسبووک یاخود لە یەکێک لە سایتەکانی  تۆڕە کۆمەڵایەتیەکان و نیشاندانیان لە لاپەڕەکە. هەروەها تایبەت بکرێ بە وەرگرتنی ویستراوەکان و لەگەڵیشیدا بتوانرێ خزمەتگوزاری گەیاندن تەرخان بکرێ.

سێ یەم : داینگە لەماڵەوە

ئەم بیرۆکەیە بۆ ئەو ئافرەتانە باشە کە کاتێکی زۆریان هەیە لەرۆژدا. تەنها ئەوەی پێویستە لەسەریان بڵاوکردنەوەی رێکلامی داینگەیە لەماڵەکەیدا لەسەر تۆرە کۆمەڵایەتیەکان یاخود بڵاوکردنەوەی رێکڵام لە رێکخراوە ناوخۆییەکان. وە وەرگرتنی منداڵان بۆ چەند کاژێرێکی دیاریکراو لە رۆژدا. بۆ سەرکەوتنی ئەم پرۆژەیە واباشترە ژوورێکی تایبەتیاخود شوێنێکی دیاریکراو لە ماڵەکەتدا دیاریبکەیت بۆ ئەوەی منداڵەکان بە ویستی خۆیان یاری بکەن لەوشوێنەدا. لەگەڵ ئەمەشدا پێویستە یارییە فێرکاریەکان و خۆشەکان بە گوێرەی تەمەنیان بۆیان تەرخان بکەیت.

چوارەم : بازرگانی ئەلیکترۆنی

زۆربەی خەڵک هێلی ئینتەرنێت و تۆرە کۆمەڵایەتیەکان بەکاردەهێنن بۆ کردنەوەی کۆگایەکی ئەلیکترۆنی و فرۆشتنی کەل و پەلی ئەلیکترۆنی هەمەڕەنگ. دەتوانرێ ئەمەش بەدەست بهێنرێت لە رێگەی دروستکردنی لاپەڕەیەک کە ناوێکی بازرگانی تایبەتی لە فەیسبووک هەبێت. وە نیشاندانی ئەم کەل و پەلانە لەم لاپەڕەیە. وە ڕێککەوتن لەگەڵ کڕیارەکان لەسەر نرخ و شێوازی دەستکەوتنیان.

 

پێنجەم : نیشتەجێکردنی قوتابیان

ئەم پرۆژەیە گونجاوە بۆ ئەوانەی خانووەکانیان گەورەیەوهەموو ژوورەکان بەکارناهێنن. وە لەم رێگەیەوە دەتوانی ژووری بەتاڵ ئامادە بکەیت بە شێوەیەک کە گونژاو بێت لەگەڵ پێداویستیەکانی قوتابیانی زانکۆ. وە دانانی دەروازەیەکی تایبەت بە خۆیان دوورلە دەروازەی سەرەکی مالڵەکەت. هەروەها دەتوانرێت گەراج یاخود کۆگاکان بەکاربهێنرێن بۆ ئەم مەبەستە. وە رێکڵام کردنی بوونی ژووری بەتاڵ بۆ قوتابیانی زانکۆ لە ماڵەکەتدا.

 

 

له‌م لینكه‌ی خواره‌وه‌ش زانیاری له‌سه‌ر چۆنیه‌تی ده‌ستكردن به‌ پڕۆكه‌ی خۆت بخوێنه‌وه‌

١٠ خاڵ بۆ دەستكردن بە پرۆژەیەکی تایبه‌ت به‌خۆت ؟

Tagged : / / / /

به‌بازاركردن(ماركێتینگ) و تێكه‌ڵه‌ی به‌بازاڕكردن

به‌بازاڕكردن

به‌ ئینگلیزی واتا marketing  بریتیه‌ له‌ شێواز یاخود چالاكیێك كه‌وا ده‌گیرێته‌ به‌ر له‌لایه‌ن خاوه‌ن به‌رهه‌مه‌كان بۆ زیادكردنی فرۆشی به‌رهه‌مه‌كانیان و ناساندنی به‌رهه‌مه‌كانیان به‌ بازاڕ و به‌كارهێنه‌ره‌كانیان

ئه‌م پڕۆسه‌یه‌ ده‌ستپێ ده‌كات به‌ر له‌ دروست كردنی به‌رهه‌مه‌كه‌ و خستنه‌ بازاڕی تاوه‌كو قۆناغی فرۆشتنی به‌رهه‌مه‌كه‌ یاخود خزمه‌تگوزاریه‌كه‌.

ته‌واوی پڕۆسه‌ی ماركێتینگ له‌م ٧ قۆناغه‌ی خواره‌وه‌ باس ده‌كه‌ین كه‌وا به‌ (7 P)یه‌كه‌ به‌ناو بانگه‌

تێکەڵەی بە بازاڕکردن چیە ؟

 

تێکەڵەی بە بازاڕکردن کۆمەڵە چاڵاکیەکی بە بازاڕکردنی بەیەکەوە بەستراوە  .پشت بەیەکتر دەبەستن بۆ ئامانجی کاری بازاڕکردن بە گوێرەی پلانی دانراو ، وە تێکەڵەی بە بازاڕکردن ناسراوە بەوەی تاکە کەرەستەی بازاڕکردنە لەلایەن کۆمپانیاکان لە بازاڕی مەبەست  .

 

تێکەڵەی بە بازاڕکردن دادەنرێ بە یەکێک  لە تێگەیشتنە سەرەکیەکان لە بازاڕگەی نوێدا. وە بنچینەی سەرچاوە سەرەکیەکەی دەگەڕێتەوە بۆ ساڵی ١٩٤٨ لە لایەن جەیمس کۆلیتۆن . پێشنیاری کرد بە دیاریکردنی بڕیارەکانی بەبازاڕکردن بە گوێرەی ڕاچێتەیەک . وە لە ساڵی ١٩٥٣ سەرۆکی پەیمانگای بە بازاڕکردن لە وڵاتەیەگرتووەکانی ئەمەریکا نێڵ بۆردنی وەک ناو تێکەڵەی بە بازاڕکردنی دانا . وە لە ساڵی ١٩٦٠ ئەندامە تایبەتەکانی ئەم تێکەڵەیە دانرا و هەموویان بە پیتی (P) زمانی ئینگلیزی دەست پێ دەکات .

 

دوای کۆتای پێ هێنانی بەرەو پێشبردنی ستراتیژیەتی بە بازاڕکردنی تایبەت بەخۆیان لەلایەن کۆمپانیا و ڕێکخراوەکان پێویستە لەسەریان گرنگی بە ئەندامەکانی تێکەڵەی بە بازاڕکردن بدەن کە ئاسانکاری دەکات بۆ هەڵسەنگاندنی چاڵاکیەکانی تایبەت بە ژینگەی کارکردن بە شێوەی بەردەوام . کە ئەم حەوت ئەندامە هەڵدەستێ بە پێکهێنانی ڕێگەیەکی راست کە یارمەتی دەر دەبێت بۆ بەدەست هێنانی باشترین ئەنجام بۆ کارکردن لە بازاڕ . وە حەوت ئەندامەکەش بریتین لە :-

 

یەکەم : بەرهەمەکان

بەرهەمەکان (Product) ئەو بەرهەم یاخود خزمەتگوزاریەیە کەوا چالاکیەکەی لەپيناو ئەمجام دەدريت. کڕۆک و سەرەتای پڕۆسەکەیە. پيویستە خاوەنکارەکان گرینگی بە بەرهەمە تایبەتیەکانی خۆیان بدەن و ليکۆڵینەوە بکەن تا بڕیاری گونجاو بدەن بۆ ئەوەی بزانن کارەکانیان ڕاستن لەم کاتەدا یاخود نەخێر، ئایا بەرهەمەکە یاخود خزمەتگوزاریەکە گونجاوە بۆ بازاڕ و کات و شوێنی دیاری کراو؟ هەرچەندە خاوەنکار ڕووبەڕووی زەحمەتی ببێتەوە لە فڕۆشتنی کاڵاکانی یاخود  بەرهەنەکانی پێویستە گرینگی زیاتر بە بەرەو پێشبردنی بەرهەمەکانی بدات و گۆڕانکاری لە بەرهەمەکەیدا بکات تاوەکو گونجاو بيت.

بۆیە گەر بەرهەمەکەت یاخود خزمەتگوزاریەکەت گونجاو نەبيت، لەم خاڵەکانی دواتریش شکست دەهينیت.

 

دووەم : نرخ

نرخ (Price) گرینگی بە گەڕان دەدات بە شێوەیەکی بەردەوامی لەسەرنرخەکانی تایبەت بە خزمەتگوزاری و کاڵای کە خاوەن کار دەیفرۆشێت . بە ئامانجی ئەوەی نرخەکان لەگەل بازاڕی ئێستا بگونجێت . لەوانەیە هەندێک جار پێویست بێت نرخەکان دابەزێنن یاخود بەرزی بکەنەوە لە کاتەکانی تر، وە لە بازرگانی هەمەڕەنگ کاتێک خاوەن کار ڕووبەڕووی بێهیوایی دەبێتەوە لە ئەنجامی پلانی بە بازاڕکردنی تایبەت بەخۆی پێویستە لەسەری دووبارە چاو بخشێنێتەوە بەم پلانە بە ئامانجی دووبارە بنیات نانەوەی نرخ بەتایبەتی ئەگەر نموونەیی نەبێت و گونجاو نەبێت بۆ بازاڕ لەم کاتەی ئێستادا .

چەندین جۆر نرخ دانانیش هەیە. زۆربەی جار نرخ خاوەن کارەکە نا، بەڵکو بازاڕ و کۆمپانیا هاوشانەکانی دیاری دەکەن. هەندێک جاریش نرخ لەلایەن خاوەن کار دیاری دەکرێت بەتایبەت ئەگەر کاڵاکە نەبوو لە بازاڕ و تازە هێنرابيت یانیش وەکیلی سەرەکی کاڵا یاخود خزمەتگوزاریەکەبيت بەتەنها، یانیش کۆمپانیای وەبەرهينی سەرەکی بيت.

سێیەم : بانگەشە(ڕێکلام)

بانگەشە(Promotion) بەمانای گرتنەبەری تەواوی ڕێگاکان و هۆکارەکانی ڕاگەیاندن لەلایەن خاوەن کارەکە، وە سەرەکیترین رێگەی بەکارهێنراوە لە فرۆشتنیدا. وە کۆمپانیا هەمەڕەنگەکان ناچاری تاقیکردنەوەی جۆرەها رێگەن بۆ بانگەشەی جیاواز بۆ خزمەتگوزاریەکانیان و بەرهەمەکانیان،مەرج نیە هەموو ڕێگاکان بۆ هەموو بەرهەم و کاڵایەک بەکار بيت. دەبێت بە لێکۆڵینەوە لە شوێن و جۆری کڕیاری کە دیاری کراوە، جۆری بانگەشەکەش هەلبژێردرێت..

 

چوارەم : شوێن

شوێن (Place) ئەو جێگەیەیە کە خزمەتگوزاریەکان و کاڵاکانی لێ دەفرۆشرێ. وەگرنگیشە ئەم ئەندامەی بە بازارکردن پەرەپێبدرێ لە رێگەی بیرکردنەوە لە شوێنێکی گونجاو بۆ بەیەکگەیشتنی نوێنەرەکانی فرۆشتن یاخود بازگان لەگەل کارمەندەکان. وە زۆربەی جار شوێن گۆرین دەبێتە هۆی زیادکردنی فرۆشتن بە رێگەیەکی خێرا ، بۆیە دەکرێ بەرهەمەکان بفرۆشرێن لە شوێنی هەمەرەنگ . زۆربەی کۆپانیاکان فرۆشتنی راستەوخۆ بەکاردەهێنن ،لەوانەیە هەندێک کۆمپانیای تر پشت ببەستێت بە فرۆشتنی بەرهەمەکانیان لە رێگەی بەبازارکردنی دوور. یاخود فرۆشتن بە پشتبەستن بە دامەزراوەکانی فرۆشتن یاخود پیشانگا بازرگانیەکان ، یاخود رێگەی تر.

 

پێنجەم : خەڵک

خەڵک (People) ئەو کەسانەن کە بەرکەوتنیان هەیە لەگەل خزمەتگوزاریەکان و کاڵاکان، نموونە فەرمانبەر و کارمەندی کۆمپانیاکان و خەڵکی ئاسایی، زۆری دیکەش لە پێکهاتە مرۆڤیەکان لە بەبازارکردن. ئەم ئەندامە گرینگی تایبەتی خۆی هەیە، چونکە لەسەر داواکاری و پێداویستی ئەوان دەبێت کاڵا دروست بکريت و ئەوانیشن کەوا کاڵا و بەرهەمەکە دەکڕن،بۆیە دەبێت زانیاری تەواو کۆبکرێتەوە لەسەر جۆر و خواست و ویستی کڕیار وخزمەتکردنیان و ڕازی کردنیان . هەروەها جۆر و رەفتاری تایبەت ئەم ئەندامەی بازاڕکردن ئاسانکاری دەکات بۆ پێشبینیەکانی خاوەن کارەکان دەربارەی خزمەتگوزاریەکان و کاڵاکانی تایبەت بە کۆمپانیاو بەرەوپێش بردنیان.

 

شەشەم : بەڵگەی بەرجەستەی

بەڵگەی بەرجەستەیی (physical evidence) واتای ئەو دەستەواژەیە ئەوەیە ئەو ژینگەی کە خزمەتگوزاریەکەی لێ پێشکەش دەکرێ. کە ئاسانکاری لەسەر کاردانەوەی نێوان کارمەندان دەکات و گونجانیان ، وە پێکهاتە بەرجەستەییەکانی تر کە ئاسانکاری دەکات بۆ پێشکەش کردنی خزمەتگوزاری. هەروەها بەڵگە بەرجەستەییەکان هەمو ئەو شتانە دەگرێتەوە کە خزمەتگوزاری دەنوێنێت. وەک راپۆرتەکان و کتێبەکان و کارتی کارکردن و خزمەتگوزاری پەیوەندیەکان و زۆرتر. لە بەڵگە ماددیەکان.

 

حەوتەم : پرۆسێس

پرۆسێس(process) واتە هەموو ئەو کار و چالاکیانەی کەوا پيویستە بۆ چالاکی بەبازاڕکردن بۆ ئاسانکردنی پێشکەشکردنی خزمەتگوزاری و کاڵا. وە جێ بە جێ کردنی هەنگاوەکانی کارکردن تا دەگاتە قۆناغی فرۆشتن. وە پێدانی کۆمەڵێک بەڵگەی گونجاو بۆ کۆنترۆڵ کردن یاخود چۆنیەتی رەفتار کردن لەگەڵ کاڵا و خزمەتگوزاریەکان.

Tagged :

١٠ خاڵ بۆ دەستكردن بە پرۆژەیەکی تایبه‌ت به‌خۆت ؟

چەند هەنگاوێک بۆ دەستپێکردنی پرۆژەیەکی بچووک

زۆرکەس ویستی دۆزینەوە و نووسینی پرۆژە و کاری تایبەت بەخۆیان و دوورلە کەسانی تر هەیە، وە ئارەزووی بۆ سەربەخۆیی و کارکردن بەشێوەی تەنیایی و بەدەستهێنانی قازانج دەستکەوتی تایبەت بەخۆیان بێ ئەوەی هیچ کەسێک بەژدار بێت گەم دەستکەوتانە.
وە بۆ ئەوەی هەلبستی بەم جۆرە پرۆژانە پێویستە دوای چەند هەنگاوەک بکەویت بۆ دەستەبەری سەرکەوتن، وە لەو رێگایانەی کە دێن …

 

  1.  دۆزینەوە و دیاری كردنی بیرۆكه‌ و ئامانجێك بۆ بنیاتنانی پرۆژەكه‌ لەسەری ، وە دیاریکردنی بە ووردی و کارکردن بۆ بەدەستهێنانی ئەم ئامانجانە، لە پێناو دۆزینەوەی رێگاکان بۆ بەدەستهێنانیان و گرێنتی سه‌ركه‌وتنی پرۆژەکە.
  2.   دیاریکردنی ناو و لۆگۆی گونجاو بۆ پرۆژەکە کە هەلدەستێ بە دامەزراندنی. وەهەروەها پێویستە ناو و لۆگۆکە ڕه‌نگدانه‌وه‌ی خودی پرۆژەکە بێت. بۆیە پێویستە بەدلنیایی و رێکی دیاریبکرێت بۆ ئەوەی کڕیار بهێنێت بۆ پرۆژەکە و كڕیاره‌كان به‌ ئاسانی له‌ مانا و بیرۆكه‌ی كاره‌كه‌ت تێ بگه‌ن.
  3.  لێكدانه‌وه‌ی ئه‌وه‌ی ئایا دەتوانرێت بەتەنها هەڵستێت بەم پرۆژەیە یاخود پێویستی بە یاوەر هەیە بۆ دامەزراندنی ئەم پرۆژەیە و سەرکەوتنی؟ ئەگەر گەیشتە ئەنجامی ئەوەی پێویستی بە یاوەر هەیە ، پێویستە لەسەری یاوەری گونجاو و رێک هەڵبژێرێت بۆ هەڵستان بەم پرۆژەیە.
  4.  دانانی پلانێکی رێک و گونجاو بۆ هەموو ئەو پێداویستیانەی پرۆژەکە. وە دلنیا بوونەوە لە پلانەکان لە رێگەی گەنجینەی پرۆژەکە، وە خوێندنێکی تەواو بۆ بازارکردن و بەکارهێنانەکان.
  5.  کارکردن بۆ دانانی پلانی بە بازارکردن و ماركێتینگ بۆ بەرهەمەکانی پرۆژەکە، لەڕێگەی ریکلام کردن و کارکردنی تیمی تەواو بۆ هەلسان بە کاری بەبازارکردنی بەرهەمەکان و دۆزینەوەی بەکارهێنەری گونجاو.
  6.  دۆزینه‌وه‌ی سه‌رچاوه‌ و پاڵپشتی ماددی.یەکێک لە رێگە هەرە سەرکەوتووەکان بۆ سەرکەوتنی پرۆژەکە، کارکردن بۆ هەلسان بە دۆزینەوەی سەرچاوەی باش و دلنیا بۆ گەنجینەی پرۆژەکە. بۆ دلنیابوونەوەی بەردەوامی کاری پرۆژەکە و نەبرینی گەنجینەی پرۆژەکە، کە دەبێتە هۆی سەرنەکەوتنی پرۆژەکە.
  7.  هەڵسان بە هەموو کارە یاساییەکانی پێویست بۆ پرۆژەکە، وە ترسان لەپەیدابوونی کێشەی یاسایی پرۆژەکە بەرەو سەرنەکەوتن دەبات. وەهەروەها پێویستە خاوەن کار هەڵستێت بە دامەزراندن و تۆماركردنی كۆمپانیا یاخود هه‌ر جۆرێكی تر له‌ ڕه‌سمی بوون بۆ كاركردن و دامه‌زراندنی راوێژکاری یاسایی و ژمێریاری یاسایی بۆ هەلسان بە  هەموو کارە یاسایەکان. بێ ئەوەی هیچ هۆکارێک دروست بێت کە ببێتە هۆی وەستانی پرۆژەکە.
  8.  هەڵسان بەکاری خوێندنه‌وه‌ی تەواو لەسەر بەبازارکردن و پێویستیەکانی و کۆمپانیا کێبرکێکارەکان بۆی، هەرکەسێک هەستا بە دامەزراندنی پرۆژە هەڵدەستێ بە یەدەگ کردنی کەل و پەل و خزمەتگوزاریەکان کە بەشێوەی زۆر بەدەست ناکەوێت لە بازار.
  9.  به‌كارهێنانی ته‌كنه‌لۆجیای سه‌رده‌م و هۆكاره‌كانی ته‌كنه‌لۆجی چونکە بەکارهێنانی رێگەی نوێ دەبێتە هۆی سەرکەوتنی پرۆژەکە. لەرێگەی کەم کردنەوەی بەفیرۆدانی کاتی پێویست بۆ بەرهەمهێنانی کەل و  پەل و  کەم کردنەوەی  کادری مرۆڤی و کەم کردنەوەی بەفیرۆدانی پارە تا دەکرێت.
  10.  ئاگاردار بوون دیاری كردنی جیاکه‌ره‌وه‌كانی ئەو بەرهەمانەی کە پرۆژەکە بەرهەمی دەهێنێت بە ئاست وخەسڵەتی بەرز. دەبێتە هۆی هێنانی کڕیار بۆی و زیاد کردنی داواکاری لەسەری، واتا وه‌ڵامی ئه‌م پرسیارانه‌ بده‌وه‌:چی تۆ له‌ خه‌ڵكی تر جودا ده‌كاته‌وه‌؟ یاخود چی زیاد ده‌بێت گه‌ر تۆ ئه‌م كاره‌ بكه‌یت؟ كۆمه‌ڵگا چی قازانج ده‌كات؟ ئه‌گه‌ر ئه‌م پڕۆژه‌یه‌ نه‌كه‌یت كۆمه‌ڵگا چی زه‌ره‌ر ده‌كات؟ له‌گه‌ڵ ئه‌وه‌ش ده‌بێت هه‌موو هه‌ل و مه‌ترسیه‌كانیش لێك بدرێنه‌وه‌.

هەموو ئەو شتانە بەرەو دڵنیابوونەوە لە سەرکەوتنی پرۆژەکە دەبات و بەدەستهێنانی ئەو ئامانجانەی کە دانرابوو بۆ هەلسان بە پرۆژەکە. وەهەروەها بەدەستهێنانی قازانج و دەستکەوتی ویستراو.

 

Tagged : / / /

١٠١ ڕێگا بۆ فرۆشتن، چۆن ده‌بیته‌ فرۆشتیارێكی سه‌ركه‌وتوو:به‌شی سیه‌م

خۆ رێککاری کردن

١٤-دروست کردنی خۆرێککاری


خۆرێککاری چیە ؟ خۆرێککاری واتە بتوانی خۆت هه‌ست بکەی بە ئەوەی دەزانی پێویستە بکرێ و له‌كاتی پێویست بیكه‌یت، به‌بێ چاوه‌ڕوانی كردنی فه‌رمان له‌لایه‌ن كه‌سێكی تره‌وه‌. ئه‌مه‌ ئیرادەت بەهێز دەکات چۆن وەرزش لاشەت بەهێز دەکات.

١٥-پیشەگەر بە

واتا خۆت ڕێك بخه‌ به‌ر له‌ هه‌ر كارێك.خۆ ڕێك خستن و پێوانه‌ كردنی خود له‌ ئاستی باڵا و به‌كه‌م سه‌یر نه‌كردنی كاره‌كه‌ و خۆت،و گرینگی دان به‌ هه‌موو ورده‌كاریه‌كانی قسه‌ و جل و به‌رگ و كات و ساتی چاوپێكه‌وتن، هەموو کارەکانت شایانی پێوانەی بڵند دەکات.سەیری رۆلی پیشەگەری سامورای بکە. ئەو رازاندنەوەی خۆی و جلەکانی و سامانەکانی و لەشی و مێشکی دەپارێزێت بێ کەم و کورتی هەموو کاتێ. راهینانی جەستەیی و فیکری قوڵ و رێککاری هێزی پێ دەبەخشێ بۆ ژیان سات بە سات.

١٦-ئەوە بکە ئەوەی کەسە ناسەرکەوتووەکان نایکەن

پێوه‌ری باوی سەرکەوتن نامیلکەیه‌كی کلاسیکه‌ نووسراوە لەلایەن Albert E.N gray و بڵاوکراوەتەوە پێش 50 ساڵ.’ پێوه‌ری باوی سەرکەوتن’ بریتیه‌ له‌ خۆرێککاری و هاندانی خودی بۆ ئەنجامدانی ئەو شتانەی کە مرۆڤەکان نا سەرکەوتووه‌كان نایکەن. زۆربەی رێکخراوە سەرکەوتووەکان ئەوانەی بەشی راهێنانی فرۆشیاریان هەیە فێری چۆنیەتی ئەو رێکخستنانەیان دەکەن کە دۆزراونەتەوە بۆ کارکردن. كه‌چی هێشتا ، نوێنەری فرۆشتنەکان سەرناکەون چونکە ئەوان کار ناکەن بە گوێرەی ئەو رێنمایانەی کە کرابوون ، بۆچی ؟ چونکە ئەوان له‌ سه‌نگه‌ری کاری سەختن یان لەوانەیە رەتبکرێنەوە یان هەردووکیان. بۆ نمونه‌ وه‌ڵام دانه‌وه‌ی ته‌له‌فۆن به‌ ساردی له‌لایه‌ن كڕیار ، بۆیه‌ ئەگەر بەراستی بتەوێ سەرکەوتوو بیت ئەوا دەبێت خۆت رێکبخەیت بۆ ئەوی هەڵەی سەرنەکەوتووەکان دووبارە نەکەیتەوە.

چاوه‌ڕێش نه‌كه‌یت كه‌وا هه‌موو شته‌كان به‌ڕێوه‌به‌ره‌كه‌ت فێرت بكات. ده‌بێت خۆت خۆت فێربكه‌یت و ئاماده‌بیت بۆ هه‌موو بارودۆخه‌ چاوه‌ڕوان نه‌كراوه‌كان.

١٧-کاری سەخت


فرۆشتن پیشەیەکی داهات بەرزە چونکە کار و هەوڵی سەختی پێویستە ئەگەر ئاسان بێت ئەوا ئه‌و داهاته‌ی نابێت. بێنە پێش چاوت تۆ دەتەوێ سەرکەوتوو بیت لە فرۆشتن یان هەر بوارێکی تر تۆ پێویستە شتێک پێشکەش بکەیت لە به‌رامبه‌ر. لە زۆربەی حالەتەکان ، فرۆشتن کارێكی سەختە.

چاوڕوانی سه‌ختی به‌، ده‌بێت چ له‌ رووی ئارامگرتن یاخود به‌ كه‌م سه‌یركردن یانیش گوێ لێ ڕانه‌گرتن، تووشی هه‌موو ئه‌مانه‌ ده‌بیته‌وه‌، بۆیه‌ خۆتی بۆ ئاماده‌ بكه‌ و له‌سه‌ری ڕاهێنان بكه‌.

١٨-کار بکە لەکاتی خۆر بیرسکانەوە

کاتێک تۆ گەرمیت ، تۆ گەرمیت ! لەو رۆژانەی کەوا دەردەکەوێت باش دەروات ، مەوەستە کاتێک دەگەیت ڕادده‌ی فرۆشتنت كه‌ بۆت دانراوه‌ یان ئه‌و ژماره‌ پەیوەندیەی بۆت دانراوه‌. بەردەوامبوون و وەرگرتنی سوود له‌و ڕۆژه‌ی كه‌وا به‌ختت كراوه‌یه‌، به‌ره‌و سه‌ركه‌وتنی زیاترت ده‌بات.

 

١٩-خۆت بە خۆشبەخت بزانە ئەگەر کەسێکت هەبێت پشتگیریت بکا


ئەگەر تۆ خۆشبەخت بیت بەگوێرەی پێویست کە هاوسەرێکت هەبێت ، ئەندامی خیزان ، هاورێ ئەوەی کە چاودێریت دەکات بۆ ئەوەی وات لێبکات به‌خۆشی بژیت، تۆ لە راستیدا خۆشبەختیت.ئەگەر کەسێکت هەبێت لە جێگایەکەت  هەڵتستێنێت بەیانیان و دەرچونت بۆ کار ئەوە گرنگترینە بۆ سەرکەوتن لەپێش هەر ته‌كنیكێكی تری فرۆشتن كه‌ له‌ زۆربه‌ی كۆمپانیاكان ئه‌م خاڵه‌ زۆر گرینگی پێ ده‌درێت و ده‌پرسن كه‌وا هیچ كه‌سێك هه‌یه‌ به‌یانیان بانگت بكات. چونكه‌ كاركردن له‌كاتێكی زووی ڕۆژ زۆر گرینگه‌ بۆ سه‌ركه‌وتن و گه‌یشتن به‌ بازاڕ به‌ر له‌ هه‌ر ڕكابه‌رێكی تر.

٢٠-جیاوازیەکان کۆبکەرەوە بۆ خۆت

یەکێک لە یاسا سەرەکیەکانی بەردەوام بوون کاتە نەک کات دانانەوە. بۆت دەردەکەوێت مەحالە کاتی بازارکردن زۆربەی قازانجەکانی ساڵانە بێت . لە بازاری کۆگاکان تەنها 3 بۆ 5 رۆژی بازرگانی هەیە لە ساڵێک و هیچ کەسێک نازانێت ئەم رۆژە دیاریکراوانە کەی دەردەکەوێت بە هەمان شێوەی تۆپی پێ و یاری هۆکی و سەبەتە و یاریەکانی بیسبۆڵ بە گشتی دەبردرێتەوە لە دوو یان سێ یاریزان. ئەمە چی دەڵێت دەربارەی رۆڵی بەخت لە بازارکردن ؟ ئەگەر تۆ هەموو شتە راستەکان بکەیت ، تۆ لە شوێنە راستەکە دەبیت لە کاتە راستەکەدا. کاتێک ئەم دوو یان سێ یاریە روودەدەن تۆ دەتەوێ لە وێ بیت. بۆ ئەوەی لە وێ بیت بۆ ئەم یاریانە ، تۆ پێویستە خۆت رێک بخەیت بۆ رۆژی کارکردن و کارنەکردن. پەیوەندیەکان ئەنجام بدە و فرۆشیارەکان چاودێری خۆیان دەکەن.

 

له‌م لینكه‌ به‌شی یه‌كه‌می بابه‌ته‌كه‌ بخوێنه‌وه‌

 

له‌م لینكه‌ش به‌شی دووه‌می بابه‌ته‌كه‌ بخوێنه‌وه‌

Tagged : / / /

١٠١ ڕێگا بۆ فرۆشتن كه‌ ده‌تكات به‌ فرۆشیارێكی سه‌ركه‌وتوو:بەشی دووه‌م

 هەڵوێست و خوڕه‌وشت

 

٤-فەخر بە پیشەکەتەوە بکە

نووسەر Oliver Wendell Holmes دەڵێ
هەموو بانگ کردنێک گەورەیە کاتێک بە گەورەیی شوێنت دەکەوێت.
فرۆشتن واتە پیشەی خزمەتگوزاری ، هەموو کۆمەڵگای ئێمە بنیات نراوە لەسەر فکرەی خزمەتگوزاری. ئاینە سەرەکیەکانی جیهان پێمان دەڵێن ئێمە لێرەین بۆ خزمەتی یەکتری.

بۆیه‌ تۆش پێویسته‌ بزانی كه‌وا كاره‌كه‌ی تۆش پیرزۆترینه‌كانه‌ و ده‌بێت شانازیه‌كه‌ت له‌ چاوه‌كانت ره‌نگ بده‌نه‌وه‌ و وابكات كه‌وا كڕیار هه‌ستی پێ بكات. نابێت به‌كزی و به‌شه‌رمه‌وه‌ باسی كاڵا یاخود به‌رهه‌مه‌كه‌ت بكه‌یت و بێ متمانه‌یی ببه‌خشیت به‌ كڕیار كه‌ لاوازترین خاڵه‌ له‌ كه‌سی فرۆشیار

٥-تۆ به‌رپرسی بەرامبەر سەرکەوتنەکانت

سەرکەوتوو دەبی بەگوێرەی بڕیارەکانت،گه‌ر بڕیارت دا سه‌ركه‌وتووبی و باوه‌ڕت پێی هه‌بوو، وا ده‌بیت ،له‌ جیاتی ئه‌وه‌ی خه‌ریكی ئه‌وانی تر بیت كه‌وا چی ده‌كه‌ن یاخود ده‌بوو چی بكه‌ن. جه‌خت له‌سه‌ركاره‌كانی خۆت بكه‌وه‌.گرینگترین خاڵه‌كانت بنوسه‌و سه‌باره‌ت به‌ خدی خۆت و خاڵی به‌هێز و لاوازت،هه‌مان شتیش سه‌باره‌ت به‌ به‌رهه‌مه‌كه‌ت و ئامانجی به‌رهه‌مه‌كه‌ت، بە تێرامان له‌ ئامانجەکان و کێشەکان و ئاستەنگەکان لە ناوەوە تا دەرەوە .ده‌بێته‌ هۆی ئه‌وه‌ی هەموو ئاستی خۆت پێشکەش بکەیت ئەوا وا ده‌كات تۆ سەرکەوتوبیت. لەکۆتاییدا سەرنەکەوتن بڕیاری خۆمانه‌ وە سەرکەوتی هه‌مان شت، ته‌نها بیر و باوه‌ڕ له‌یه‌كیان جودا ده‌كاته‌وه‌، كه‌ هه‌ر ئه‌م خاڵه‌شه‌ جیاكاری نێوان فرۆشیاری سه‌ركه‌وتوو و سه‌رنه‌كه‌وتوو..

٦-خه‌یاڵ(التخیول)ی سه‌ركه‌وتن بكه‌ و پێشبینی بكه‌

پێشبینی كردن ئامێرێکی بەهێزی سەرکەوتنە.پێشبینی كردن دلنیا کردنەوەیە لە بیرکردنەوە و هەستکردن بەوەی کە تۆ بەراستی سەرکەوتوو بویت. بۆ ئەوەی بەراستی کاریگەر بی ،بۆ پێشبینی كردن و ته‌خه‌یول كردن دەبێ هەستەکانت بەکاربهێنی ( دەستلێدان – تامکردن – گوێ لێ بوون و دیمەن ) بینینی ئەنجامەکان رابتێكی بەهێزە لەناو هۆشماندا. کاتێک رابتێكی بەهێزمان هەبوو لە هزرمان ئەوا داهاتومان وەک خۆی دروستکردوە.

بیركردنه‌وه‌كانمان ئێمه‌یان كردووه‌ به‌و كه‌سه‌ی ئێستامان، گه‌ر بیرت كرده‌وه‌ سه‌ركه‌وتوو ده‌بیت یاخود شكست دێنیت ئه‌وا بێگومان به‌ ڕاست ده‌كه‌یت.

٧-هه‌میشه‌ سەرقاڵ بە

سەرقاڵبوونێکی تۆزێک کەم باری دەروونیت بە جێگیری دەهێڵێتەوە ، وا هەست دەکەی باشتری دەربارەی خۆت و پیشە و ژیانت.

به‌ڵام ده‌بێت سه‌رقاڵه‌یه‌كت تایبه‌ت بێت به‌ بواری فرۆشتن چونكه‌ وا ده‌كات كه‌وا به‌هره‌كانت زیاتر بن و له‌هه‌مان كاتیشدا وه‌ك كه‌سێكی لێهاتوو نیشانت ده‌دات.

بیر بكه‌وه‌ ئه‌گه‌ر زۆربه‌ی كاته‌كانی ڕۆژت به‌ خوێندنه‌وه‌ یاخود سه‌یركردنی ڤیدیۆ سه‌باره‌ت به‌ فرۆشتن و چۆنیه‌تی فرۆشتن یانیش له‌ كرداری فرۆشتن به‌ڕێ كرد، ئه‌وا تۆ نیوه‌ی ڕێگاته‌ به‌زیاتریش بڕیوه‌.

٨-بەکارهێنانی بەرهەمەکان و خزمەتگوزاریەکانت

کاتێک تۆ خۆت بەرهەم یان خزمەتگوزاریه‌كانت بەکاردەهێنی و کرداری فرۆشتن دەکەی. سوودەکانی بە کەسێتی دەکەیت و هه‌ستێكی ڕاسته‌قینه‌ت بۆ دروست ده‌بێت سه‌باره‌ت به‌ به‌رهه‌مه‌كه‌ و دووبارە هەستەکانت بۆ بەرهەم و خزمەتەکانت بەکاردەهێنی. باوەڕ بە کڕیارەکانت دەهێنی لەرێگەی بەڵگە و ئەو شارەزاییەی خۆت له‌كاتی به‌كارهێنان و بەرهەم و خزمەتگوزاریەکانت.

 

 

٩-ڕه‌وشتت لە سەروی زانیاریەکانت بپارێزە

لەگەڵ دەست پێ کردنی شتێکی نوێ ، زۆربەی کات ڕه‌وشتمان لەسەروی کارامەییەکانمانە،واته‌ زۆر به‌ڕێزه‌وه‌ هه‌ڵس و كه‌وت له‌گه‌ڵ خودی كاره‌كه‌ و پڕۆسه‌كه‌ و كڕیاره‌كانی ده‌كه‌ین. لەگەل بەرەو پێش چونی کارامەییە نوێکان وا دەردەکەوێ کە هەڵوێستەکانمان کەم دەبێت و كاره‌كه‌ به‌ كه‌متر سه‌یر ده‌كه‌ین و كه‌متر خۆمان به‌ كریاره‌كانه‌وه‌ ماندوو ده‌كه‌ین. پێویستە لەسەرمان کاربکەین لەسەر بنەمایەکی بەرز بەشێوەیەکی بەردەوام. وە دەتوانین دەست بە بریاردان  بکەین بۆ پاراستنی هەڵوێستەکانمان لەسەروی ئاستی کارامەییمان بەشێوەیەکی هەمیشەیی.

١٠-دەرچوون لە ناوچەی ئاسوودەیی

دەتوانین به‌سه‌ر داردا سه‌ربكه‌وین لەرێگەی دەستگرتن بە لقەکان نەک گوڵه‌كان. نابێت سه‌ره‌تا بۆ ئامانجه‌كه‌ بڕۆیت تاوه‌كو ته‌واو بیر نه‌كه‌یته‌وه‌ و پلانی ته‌واو بۆ ناسینی كه‌سه‌كه‌ كه‌ له‌گه‌ڵی داده‌نیشیت و ئه‌و شوێنه‌ی بۆی ده‌ڕۆیت دانه‌نێی و له‌كاتی گونجادودا نه‌ڕۆیت، ده‌بێت له‌ پێشووتر زیاتر له‌خۆت بكه‌یت و فشاره‌كان قبوڵ بكه‌یت و چاوه‌ڕێی ده‌ستكه‌وتی ئاسان نه‌بیت. هەروەها راهێنانی مێشکت لەسەر بیرکردنەوەی ئەرێنی واتە بڵێ (بەم شێوەیە دەتوانین بیکەین) نەک (ئەمەیە رێگر بۆیە نابێت).
نەویستن بەکەسیی وەرمەگرە
ئەگەر باوەر بە خۆت و ریکخراوەکەت و بەرهەم و خزمەتگوزاریەکانت هەبێت. ئەوا بیستنی ووشەی نەخێر شکست هێنان نیە لەسەر ئاستی تاکە کەسی ، بەگوێرەی یاسای مامناوەندی هەر “نەخێر”ەک یەک هەنگاو لە ” بەڵێ ” نزیکترت دەکاتەوە.

١١-سوپاسدار بە لە کاتە گرانەکان

فرۆشتن سەرکەوتن و شکست خواردنە. ناسینەوەی شکستەکان دەرفەتێکی بایەخدارە بۆ گەشەکردن. هەر فرۆشتنێک بێگوێدانە ئەنجامەکەی سەرچاوەیە بۆ دەستکەوتەکان و زیاتر زانینە. پەسەند کردنی شکستەکان وەک تاقیکردنەوەیە بۆ هێزە ناوەکیەکەت و بەرەنگاربوونەوەیە بۆ ئەوەی سەرکەوتن ببێتە ئەزموونت.ئێمە لە کارکردن هەڵبژاردنمان هەیە و دەتوانین بڕیارێک بدەین کە بێ ورەمان نەکات و دەستهەڵنەگرین لە کاتە قورسەکان.

١٢-ئارامگر بە

نووسەر E. Joseph Cossman دەڵێ
مەزنترین هێز ئارامگرتنێکی سادەیە
کرداری فرۆشتن کاتی پێویستە. فرۆشتنی نوێ بۆ چەند جارێک لەدوای یەک گرانە . ئێمە زۆربەی جار کاتمان پێویستە بۆ روودانی شتەکان. پێویستە تێبگەین کە پێشکەوتن بە هێمنی دەکردرێت و نابێت پەرۆشیمان کەم بکاتەوە. لەراستیدا ئارام گرتن رەوشت بەرزیە. پێویستە ئەوەمان لە یاد بێت قازانج ناکەین پێش وەبەرهێنان یان ( ناتوانین دروێنە بکەین پێش رواندن ). هەروەها وەبەرهێنانی هەزار دۆلار بۆ هەر ساڵێک ئەگەر نزیکەی 8% پەرەبسەنێت ئەوا دەبێتە نیو ملیۆن دۆلار لە چل ساڵ. بە وەبەرهێنانی پارە و کات و ئارامگرتنی ئێمە دەبێتە هۆی سەرکەوتن.بیر بکەوە لە ئارامگرتنەکەت هەروەک سەرچاوەیەکی یەکسان لەگەل سەرچاوەی دیکەت. جێبەجێ کردنی بنەمای ئاوێتە بوون بۆ هەموو هەوڵەکانت تۆ قازانجێکی زۆر گەورە بەدەست دەهێنی.

١٣-زیاترینت بکە !

هیچ کەس ناتوانێت ژمارە یەک بێت ، بەڵام هەموومان دەتوانین ئەوەی لە توانامانە پێشکەشی بکەین . ئەگەر ئەوەی لە تواناتە پێشکەشی بکەیت ئەوا بە لایەنی کەمەوە تەنها کەسێک دڵ خۆش دەکەیت.

بۆیه‌ هیچ كڕیارێك به‌كه‌م مه‌گره‌. هه‌مووكڕیاره‌كان مافی ته‌واویان پێ بده‌ و كاتی ته‌واویان پێ بده‌. ته‌نها به‌ڕووخساریان بڕیار مه‌ده‌ و كڕیار له‌كۆڵ خۆت مه‌كه‌وه‌.ڕه‌نگه‌ كه‌سێك كه‌وا به‌ كڕیارت دانه‌نابێت و ببێته‌ گه‌وره‌ترین كڕیارت و كه‌سانی دیكه‌شت بۆ رابكێشیت.

به‌شی یه‌كه‌می بابه‌ته‌كه‌ لێره‌ بخوێنه‌وه‌

چاوه‌ڕوانی به‌شی سێیه‌م بن.

Tagged : / / /