چۆن سه‌ردانیكه‌رانی وێبسایته‌كه‌ت ده‌گۆڕیت بۆ كڕیار

زۆرێك له‌ كۆمپانیاكان و دۆست و هاوڕێیانمان كاتێك په‌یوه‌ندیمان ده‌بێت یاخود سه‌ردانمان ده‌كه‌ن، گله‌یی له‌وه‌ ده‌كه‌ن كه‌وا وێبسایته‌كانیان هیچ سه‌ردانیكه‌ری نیه‌، یاخود هیچ داهاتێكیان بۆ نه‌هاتووه‌ له‌ڕێگای وێبسایته‌وه‌ وه‌ ناشزانن چۆن ئه‌و كاره‌ بكه‌ن.

كاتێك ده‌ڕۆنیه‌ ناو سایته‌كه‌یانه‌وه‌ ده‌بینین سایتێكی بێ گیان و ساده‌  Static كه‌ هیچ جۆره‌ كاردانه‌وه‌یك له‌گه‌ڵ سه‌ردانیكه‌ره‌كانی دروست ناكات

ئه‌وه‌ش هه‌مووی هۆكاری نه‌بوونی ئامانجه‌ له‌وێبسایت، یاخود هه‌بوونی ئامانجێكی هه‌ڵه‌،

 

زۆربه‌ی وێبسایته‌كان به‌م بڕیارانه‌ دروست ده‌كرێن كه‌ له‌ناو كۆبونه‌وه‌ مردووه‌كان ده‌درێن وه‌ك:

له‌ كۆمپانیاێك كاتێك كۆبونه‌وه‌ی هه‌فتانه‌ ده‌كرێت، به‌ڕێوه‌به‌ری گشتی ده‌ڵێت: ئاگاتان لێیه‌ كۆمپانیای ڕكابه‌رمان چ وێبسایتێكی دروست كردووه‌؟

جێگره‌كه‌ی ده‌ڵێت : وایه‌، من بینیم به‌ڕاستی جوانه‌.

به‌ڕێوه‌به‌ری ژمێریاریش بێ ئه‌وه‌ی سه‌ر له‌ بابه‌ته‌كه‌ ده‌ربكات ده‌ڵێت: گه‌ر هه‌رزانه‌ بۆچی ئێمه‌ش شتێكی وا دروست نه‌كه‌ین؟

دوای ئه‌وه‌ش كه‌ بڕیار ده‌ده‌ن كار بكه‌ن، به‌دوای هه‌رزانترین نرخ داده‌گه‌ڕێن، سه‌ره‌ڕای ئه‌وه‌ش گه‌وره‌ترین كێشه‌یان ئه‌وه‌ ده‌بێت كه‌ چی بخه‌نه‌ ناو سایته‌كه‌وه‌؟

به‌لاته‌وه‌ سه‌یر نه‌بێت، چونكه‌ ئه‌وه‌ راستیه‌كه‌یه‌.

 

له‌ جیاتی ئه‌وه‌ ده‌كرا بگوترێت:

  • چۆن بتوانین خزمه‌ته‌كه‌مان فروانتر بكه‌ین؟
  • یاخود چۆن ده‌كرێت خزمه‌ته‌كانمان به‌ره‌وپێشتر ببه‌ین و له‌ڕێگای ئۆنڵاینه‌وه‌ خزمه‌ت بكه‌ین و خه‌ڵك له‌خۆمان كۆ بكه‌ینه‌وه‌؟
  • چۆن فرۆشمان زیاتر بكه‌ین و فیدباكی زیاتر له‌سه‌ر كاڵاكانمان بزانین؟

 

ئه‌مانه‌ و چه‌ند پرسیارێكی تری هاوشێوه‌ ١٨٠ پله‌ ناوه‌ڕۆك و دیزاینی وێبسایته‌كه‌ت ده‌گۆڕێت.

 

تۆ خۆت گه‌ر وێبسایتت هه‌یه‌ یاخود به‌ته‌مایت دروستی بكه‌یت، پلانه‌كه‌ت به‌م شێوه‌یه‌ بو؟

  • ئه‌رێ وێبسایته‌كه‌مان به‌ چه‌ند زمان بێت باشه‌؟
  • باشه‌ چی دابنێین له‌ په‌یجی About? كێ بۆمان ته‌رجومه‌ ده‌كات؟
  • پێویست ده‌كات مێژووی كۆمپانیا دابنێین؟
  • كامه‌ خزمه‌تگوزاری سه‌ره‌تا بخه‌ینه‌ پێشچاو؟
  • ئه‌ی چۆن كوالێتی خۆمان به‌خه‌ڵك پیشان بده‌ین؟
  • پێویست ده‌كات وێنه‌ی ستافه‌كانم دابنێم؟
  • وێبسایته‌ه‌كمان چ ڕه‌نگێك بێت باشه‌؟
  • ئه‌رێ وێنه‌ی ئۆفیسه‌كه‌مان له‌ ده‌ره‌وه‌ بگرین یاخود له‌ ناوه‌وه‌؟

ئه‌گه‌ر ئه‌مانه‌ به‌شێك بوونه‌ له‌وپرسیارانه‌ی له‌كاتی پلان بۆ وێبسایت دروستكردن باسكراوه‌، ئه‌وا من پێت ده‌ڵێم وێبسایتێكی بێ گیان ده‌رده‌چێت.

 

گه‌ر ده‌ته‌وێت له‌و كێشانه‌ به‌دور بیت و وێبسایته‌كه‌ت كارت بۆ بكات و كڕیارت بۆ ڕابكێشێت، ئه‌م خاڵانه‌ ڕه‌چاو بكه‌

وێبسایته‌كه‌ت نابێت ته‌نها باس له‌تۆ بكا و به‌س.

ڕاسته‌ وێبسایته‌كه‌ت هی خۆته‌ و تایبه‌ت به‌تۆیه‌، به‌ڵام خۆ بۆ خۆتت دروست نه‌كردووه‌، ده‌بێت بۆ ئه‌و كه‌سانه‌ بێت كه‌ سه‌ردانی ده‌كه‌ن، ئه‌گه‌ر ئه‌وانیش هیچی تایبه‌ت به‌خۆیان نه‌دۆزنه‌وه‌ تێیدا، دڵنیابه‌ له‌جارێك زیاتر نایه‌نه‌ سه‌ری.

دوو خاڵ هه‌یه‌ ده‌بێت له‌به‌رچاوی بگریت به‌ر له‌ پلان دانان:

  • كڕیاره‌كانی تۆ چ كێشه‌یه‌كیان هه‌یه‌؟
  • كۆمپانیاكه‌ی تۆ چ چاره‌سه‌رێكی پێیه‌ بۆ كێشه‌كه‌یان؟

به‌م شێوه‌یه‌ ده‌توانیت ناوه‌ڕۆكی وێبسایته‌كه‌ت وه‌ها دیزاین بكه‌یت كه‌ خه‌ڵكی بێن و بمێننه‌وه‌ و كرداری له‌سه‌ر ئه‌نجام بده‌ن وه‌ك: په‌یوه‌ندی كردن ، كڕین، خۆ تۆماركردن و شتی تر كه‌ له‌ كۆتاییه‌كه‌ی قازانج بگه‌ڕێته‌وه‌ بۆ كۆمپانیا.

 

له‌هه‌مووشی گرینتر ده‌بێت وا له‌ سه‌ردانیكه‌رانت بكه‌ی كه‌ كردارێك له‌سه‌ر سایته‌كه‌ ئه‌نجام بده‌ن نه‌وه‌ك ته‌نها وه‌ك ته‌ماشاكه‌ربن و دواتر ده‌ربچن

بۆ زانینی ئه‌وه‌ی كه‌ چۆن وا ده‌كه‌ی خه‌ڵك كلیك له‌سه‌ر ئۆفه‌ر و دوگمه‌كانی ناو وێبسایته‌كه‌ت بكات، ئه‌م بابه‌ته‌ بخوێنه‌وه‌

Tagged : / /

وێبسایتێكی تایبه‌ت به‌ فۆنت له‌لایه‌ن Adobe بۆ دیزاینه‌ره‌كان

كۆمپانیای ئه‌دۆب كه‌ هه‌وادار و به‌كارهێنه‌رێكی زۆری هه‌یه‌، ڕه‌نگه‌ هه‌موومان یه‌كێك له‌ پڕۆگرامه‌كانی كۆمپانیای Adobe به‌كار بهێنین.

زۆرترینی ئه‌وانه‌ی به‌رهه‌مه‌كانی ئه‌م كۆمپانیایه‌ به‌كارده‌هێنن دیزاینه‌رن، ئه‌م كۆمپانیایه‌ش هه‌میشه‌ له‌ هه‌وڵی ئاسانكاری زیاتره‌ بۆ به‌كارهێنه‌رانی.

له‌ یه‌كێكی تر له‌ كاره‌ جوان و ئاسانكاریه‌كانی تری ئه‌م كۆمپانیایه‌م وێبسایتێكی نوێیه‌ بۆ فۆنت.

هه‌میشه‌ دیزاین هه‌ر له‌ پۆسته‌ر، برۆشور یان بزنس كاردێك تاوه‌كو دیزاین كردنی په‌رتوك و گۆڤارێك، دیزاینه‌ره‌كان كێشه‌یه‌كی زۆریان له‌ فۆنت هه‌یه‌ و دڵنیا نین چ جۆره‌ فۆنتێك به‌كار بهێنن،

زۆربه‌ی جار فۆنتێكت له‌ ئۆنڵاین به‌دڵه‌ و ده‌ته‌وێت به‌كاری بهێیت، كه‌چی كه‌ داونلۆدی ده‌كه‌یت و به‌كاری ده‌هێنیت، ده‌بینیت كه‌ جوان نیه‌،

دووباره‌كردنه‌وه‌ی ئه‌م كاره‌ بۆ چه‌ند جارێك كاتێكی زۆر ده‌بات له‌ كاتی دیزاین و زۆرجار دیزاینه‌ر دوا ده‌خات.

بۆیه‌ كۆمپانیای Adobe له‌ ڕێگه‌ی وێبسایتی Typekit ئه‌م كاره‌ی بۆ دیزاینه‌ره‌كان ئاسانتركردووه‌ و به‌ر له‌ داونلۆد كردن، ده‌توانیت فۆنته‌كان تاقی بكه‌یته‌وه‌ كه‌ هه‌زاره‌ها فۆنتی جیاوازی تێدایه‌.

 

ئه‌مه‌ش لینكی وێبسایته‌كه‌یه‌.

https://typekit.com/

Tagged : / /

گەورەترین وێبسایت تایبەت بە PNG

هەموو دیزاینەرێک پێویستی بە وێنەی PNG هەیە کە کورتکراوەی (Portable Network Graphics) ە. کەوا وێنەیەکی بێ باکگراوندە و بە ئاسانی لەسەر وێنەی تر دادەنرێت.

بەڵام زۆربەی دیزاینەرەکان کێشەی دەستنەکەوتنی وێنەیان هەیە یاخود وێنەکان بەپارەن وناتوانرێت بەکار بهێنرێت یاخود لۆگۆی تایبەت بە کۆمپانیاکەی لەسەرە.

ئێمە لێرەدا وێبسایتێکتان بۆ دادەنێین کەوا بە ملیۆنەها وێنەی PNGتێدایە و بە خۆڕایی دەتوانن بەکاری بهێنن.

بەهیوای سوود بینین

http://pngtree.com/

Tagged : / / /