به‌ڕێوه‌بردنی سۆشیاڵ میدیا و پۆستكردن به‌ته‌نها، به‌سه‌ بۆ ڕاكێشانی كڕیاری؟

به‌ڕێوه‌بردنی سۆشیاڵ میدیا و پۆستكردن

ئایا به‌ڕێوه‌بردنی سۆشیاڵ میدیا و پۆستكردن به‌ته‌نها ، به‌سه‌ بۆ ڕاكێشانی كڕیاری؟

ئایا به‌ڕێوه‌بردنی سۆشیاڵ میدیا و پۆستكردن به‌ته‌نها ، به‌سه‌ بۆ ڕاكێشانی كڕیاری؟
له‌گه‌ڵ به‌ره‌وپێشچوونی پلاتفۆڕمه‌كانی سۆشیال میدیا و هاتنی پلاتفۆڕمی نوێ به‌به‌رده‌وامی، وای كردووه‌ كه‌ گرینگی نه‌دان به‌ سۆشیال میدیا بۆ كه‌سایه‌تی و بزنسه‌كان وه‌ك خۆكوژی لێبێ و ناوبانگ له‌ده‌ست ده‌ده‌ن.

له‌گه‌ڵ تێگه‌یشتن له‌ گرینگی ئه‌و بابه‌ته‌ و كاركردن له‌سه‌ر سۆشیاڵ میدیا، كه‌چی هێشتا به‌كارهێنه‌رانی ده‌ره‌نجامێكی وه‌ها به‌دی ناكه‌ن كه‌ به‌گوێره‌ی خواست و ئه‌و كۆششه‌ بێت كه‌ ئه‌نجامی ده‌ده‌ن بۆ سۆشیال میدیا. بۆچی؟
له‌به‌ر ئه‌وه‌ی كه‌ له‌ ئێستادا زۆربه‌ی كۆمپانیا و دامه‌زراوه‌ و كه‌سایه‌تیه‌كان ته‌نها گرینگی به‌ هه‌بوون ده‌ده‌ن، واته‌ ته‌نها په‌یجیان هه‌بێت و ڕۆژانه‌ پۆست بكه‌ن، هه‌ندێكیان گرینگیێكی زیاتریش به‌ ژماره‌ی پۆسته‌كان ده‌ده‌ن به‌هیوای ئه‌وه‌ی كه‌وا كڕیار و ناوبانگی زیاتریان بۆ بهێنێت.

به‌ڵام ده‌بینی سه‌ره‌ڕای ئه‌وانه‌ش هێشتا ده‌ره‌نجامه‌كان به‌گوێره‌ی خواست نین. بۆچی؟
چونكه‌ له‌ ئێستادا پلانی سۆشیال میدیاكان كه‌متر كردنه‌وه‌ی ژماره‌ی بینینی پۆسته‌كانه‌ كه‌وا پاره‌ی تێدا خه‌رج ناكرێت و بوست ناكرێ. ئه‌ی باشه‌ بووست بكه‌ین و پاره‌ له‌ پۆسته‌كانمان بده‌ین چاره‌ی ئه‌و خاڵه‌ ده‌كا؟

دیسان ده‌ڵێین نه‌خێر، هێشتا به‌س نیه‌. ئه‌ی چی بكه‌ین؟
پێویسته‌ سه‌ره‌تا بیرۆكه‌ی كاركردنمان بگۆڕین، تێڕوانینمان بۆ سۆشیال میدیا ئاوه‌ژوو بكه‌ینه‌وه‌. به‌جۆرێك سۆشیال میدیا یه‌كسان نیه‌ به‌ ماركێتینگ (به‌بازاڕكردن)، به‌ڵكو سۆشیال میدیا ته‌نها ڕێگایێكه‌ له‌ ده‌یان ڕێگای تری خۆ ناساندن به‌ جیهانی دیجیتاڵ.

سۆشیال میدیا پێویستی به‌ پلانه‌، پلانی به‌بازاڕ كردن، واته‌ ده‌بێت سه‌ره‌تا پلانێكت هه‌بێت به‌ناوی پلانی دیجیتاڵ ماركێتینگ،

Digital Marketing Plan

له‌وێدا ڕۆلی سۆشیال میدیا دیاری ده‌كرێت و یارمه‌تی ته‌واوكردنی به‌شه‌كانی تر ده‌دات و ئه‌وانیش كاری سۆشیال میدیا ئاسانتر ده‌كه‌ن.
بۆ نمونه‌: تۆ بزنسێكت هه‌یه‌ و ده‌ته‌وێت زۆرترین ڕێژه‌ی فرۆشتن ئه‌نجام بده‌یت، ده‌بێت چی بكه‌یت؟

له‌ پۆستی داهاتوودا به‌ ووردی باسی پرۆسه‌كه‌ به‌ نمونه‌ی زیندوو ده‌كه‌ین. له‌گه‌ڵمان بن

 

Rabar kareem- CEO

Jiasaz Company

 

نویسنده مطلب: Jiasaz.com

Leave a Reply

Your email address will not be published. Required fields are marked *